عرض للطباعة
اقتباس:
المشاركة الأصلية كتبت بواسطة الأصيل
ان جيت راح نسميك ((ابو بدله)) حتى لا تلاحقك ايادي الدكتاتورية
الاصيل الظاهر شلة الديكتاتور يبونه من الله اشوفهم سكتوا
تعال وابشر بالحماية فلدينا من اصحاب الخبرة في حماية اللاجئين الكبار امثالك وسوف نمدك السلاح والرجال ونضبط لك الزعماء الكبار ليدعموك ضد الديكتاتوريات التي مورست بحقك .
حلوة وجديدة
شكرآ محمد
اقتباس:
المشاركة الأصلية كتبت بواسطة أبوطروق
الحلو تواجدك يالغالي
تسلم على هذا الحضور
طرفة جميلة <<<بالتنوين
مشكووووووووور
تحياتي:هندالتويجري
سلام هو به أحد بهذا ؟
يمكن المكان قديم مابه احد ، انا مادريت بهالموقع إلا هالحين.
علينا يالشويب إلا قل شفت إسم هند التويجري وجيت تدربي رأسك وراه.
ياشين مراهقة الشيبان الله يدفع البلاء.
إن رجعتوا مرة ثانيه شوفوا هالنكتة الحقيقية.
فيه شايب من خوالي أيام السراج والفتيلة ، سروا من عنده الجماعة ليلة من الليالي ثم غسل دلاله وطفاء سراجه يبي ينام وراح داخل البيت يتفقد أحوال الرعية قبل النوم.
بعد ذلك رجع للقهوة الدار الداخلية شديدة الظلام يبي ينام وكانت عبارة عن دار في بطن دار من الطين ولالها درايش لها سوامة فوق بالسطح منفذ للدخان فقط ومسكرة بالشتاء عن المطر والبرد.
يعرف طريقه بالتوجس والتلمس والعهد قريب قبل شوي كان هنا مع الربع.
المهم يوم تعدى الدار الأولى الليوان ودخل القهوة الداخلية إلا وقامة القيامة من داخل القهوة صليما جته من الداخل ولا أمداه حتى يفكر فقط فتح صدره مادن يديه للأمام إلا والمصيبة واصله وهو يخمش يمار متشابطن هو وهالشين اللي مايدري ويشو وهولك يشبك يديه على رقبة هالبلواء يفكره جني أومايدري ويشو.
وهالمصيبة يدفه للخارج وهو يدفه للداخل ويتنخى وعرف إنه مسك شيء مهم من جسم هالداهية الدهياء
وشيل وحط وتنخي تهباء مار تهباء ونا أخوا سنداء وجهن يندى وجهن مايندى وجه المقابيل ونخو سنداء وعلى هالمنوال حول نصف ساعه إلا وهو ذابح هالمصيبة اللي تجشمه بهالليلة الظلمة بداره الداخلية,
طاح هالشيء ولا أطلق رقبته إلا بعدما تأكد إنه مات وفاضت روحه إذا له روح وخرج يصيح مثل المختف أو المختل شوي وهم يجونك الجماعة من كل حدب وصوب واهنيك ياصياح واهنيك ياصياح يحسبون أحد طاح في قليب أو فيه شخص مقروص أو مصيبة كبرى ماصاح صياح إلا من بلا.
المهم تجمعوا الربع عنده وأهله وهو يهتوش وينتخي ويرعد ويبرق قالوا ما المصيبة ياخو سنداء ويش فيك خبرنا ويش مصبتك مختف ويش صاير.
قال لهم لقد قتلت نفساً ياجماعه .... كيف ويش تقول؟ قال أيوالله من قتلت الله يبلاك؟ قال ما أدري هو إنسي أو جني مصيبة تصادمت أنا وإياه داخل هالدار الداخلية القهوة وذبحته وطلعت أناديكم أبيكم تشهدون إني قتلته داخل محلي سواء كان بعيداً أم قريباً إنسياً أم جنياً.
جابوا سرجهم والكل يقول أنت أدخل أول إلا أنت إلاأنت المهم سموا بالرحمن الرحيم ودخلوا جميع شوي شوي على بطيءً سر.
ياللهول ياللمصيبه لاحول ولاقوة إلا بالله ، إنا لله وإنا إليه راجعون طلع القتيل السانيه ( الثور ).
دخل على ريح التمر ودخل عليه أخو سنداء وسنعه.
إنتهت النكتة الحقيقه أضحكوا بقوه.
سلام.