^
^
اسف لمجزرة الردود اللي حصلت فوق :)
امسحوه بوجه ريال الفسحه
وتقلدوا تحيتي
عرض للطباعة
^
^
اسف لمجزرة الردود اللي حصلت فوق :)
امسحوه بوجه ريال الفسحه
وتقلدوا تحيتي
بكرى الاربعاء بداية مخيم المضايف في روضة خريم
ان شاء الله
والدعوه عامه للاعضاء والاخوه الزوار
وتقلدوا تحيتي
:puzzled:
شكرا لكل من حضر
وتقلدوا تحيتي
بداء المخيم صباح يوم الاربعاء
اتجهت الى روضة خريم في حوالي الساعه الثامنه صباحاً
وبنينا الخيام في انتظار قدوم عبدالله المهيني والجثري وهايس
ومعهم الاغراض ( العزبه )
وصلني ريال الفسحه حوالي الساعه 11
وجلست انا وريال نسولف
وكان على اتصال معي اخوي ابو فيصل ( راع الوقيد )
واستقبلناه انا وريال
وبعد كذا اتفقنا نروح لرماح نجيب غداء لنا وللعمال اللي بنو المخيم
واتصل علينا ابو فهد وكأنه موقت لنا :)
وتغدينا انا وريال الفسحه وراع الوقيد وابو فهد
وحوالي الساعه 2 الظهر جانا الجثري وفهيد الطرقي
ثم وصل عبدالله المهيني ومعه الدينا اللي معه العزبه والحطب والذبايح
وبعده وصل اخونا ابو خالد ( الاصمعي )
وقبل المغرب وصلنا هايس الشمري ومعه بناخيه ثامر
وبعدهم وصل حمد محمد وسعود
وطلعت انا وريال الفسحه لرماح نبي ندور بلك او منقل لشبة النار
ما لقينا محل
بس استعرنا بلك من البلديه :315r:
وشبينا نارنا وجلسنا وتعشينا
وكان على اتصال معنا ابو فارس ومعه عبدالرحمن
ووصلنا ابو فارس
ورحنا له انا وريال الفسحع نستقبله بالطريق
وجبناه
وتقابلنا مع بركات الشمري ( وه يابعد زولي )
وسهرنا وضحكنا طلعه من هذا واخرى من هذاك
راح ابو خالد الاصمعي وابو فيصل راع الوقيد ينامون حوالي الساعه 12
وحنا كملنا سهره
واخر شي بقينا انا وعبدالله المهيني وبركات وريال الفسحه
ورحنا لخيمتنا نبي ننام وكانت خيمتنا وحده
وصرنا بفرشنا
وفجأه :)
دخل علينا ابو خالد قال باقي للصلاة عشر دقايق
ووصلنا بهالوقت سرحان ( ابو رجا )
وبعد الصلاة جلسنا انا وريال الفسحه والاصمعي وراع الوقيد وسرحان
افطرنا
وقهوه وشاي وحليب زنجبيل
والساعه 7 رحت انا وريال الفسحه ونمنا
وصحيت الساعه 11 الظهر
ولقيت ابو سلطان موجود
وابو يوسف عبدالرحمن
وابو فارس بعد ما راح من عندنا البارح لانه مستأجر شقه هو وعبدالرحمن على ما يبدوا :)
ايضاً اخوي سالم الظفيري
وعبدالله الجعيثن
وابو ضاري
وقبل الغداء وصل حيل حليل والقدييييييم اخونا ( اخو سعدى ) والقديم الجديد ابن جشعم
وابو عمر ( متفائل )
وتغدينا
وبعد العصر لعبنا كوره
الى المغرب
وجلسنا
وفجأه << غصب يبي يسوي اثاره
صارت محاوره شعريه بين الشبث وبركات من جهه
وهايس وعبدالله الجعيثن من جهه
طبعاً اكيد سحقناهم
بس والله اهانوني بالاخير :)
وبعد العشاء تحركت قريحة الشعار
وسمرنا على اشعارهم
وكل ما تأخر الوقت طلع واحد من الشيبان يبي ينام :)
وبقنا مع ابو سلطان ( اللي اثبت انه شبااب
وابو فهد وابو ضاري وبركات وهايس والجثري وسعود والمهيني وحيل حليل الى الفجر
ونمنا
وصحينا الساعه 10
كان الوقت يمشي بسرعه ولا كنا حاسين
او على الاقل انا ما كنت حاس
وكل شوي يستأذن احد الاخوان ويمشي
احس بروحته تطلع روحي
الى ان بقنا انا وعبدالله المهيني بس
والعمال يشيلون الاغراض
ومشينا
وكنت كل شوي التفت ورا اشوف مكان الخيام
نهداني عبدالله لانه مستعجل
ولقيتها فرصه
رجعت لمكان الخيام
جلست لوحدي
اسمع صوت سلمان ريال الفسحه
واسمع صوت ابو سلطان
واسمع ضحكة بركات
واشوف المهيني يتحرك قدامي
وابو يوسف يتبسم
اشوف الجثري عند الدلال
ابو عمر وابو خالد على مركا واحد يتكلمون
سرحان مع هايس
حمد محمد دالس بالزاويه
كلهم قدامي
وجيت الرياض وضيقة الخلق جتني
وتقلدوا تحيتي
اقتباس:
<H5>الأعضاء الذي المتواجدين في هذا المنتدى
</H5>اقتباس:
ما شاء الله
عدد الزوار على الفله اليوم كثير
الله محييهم
وتقلدوا تحيتي
شـ أسولف و إنتا سالفتي ؟
شـ أقلك غير : أحبنك
عطش روحي بـ شواطيك
غريق آنا و ما آذوقنك
شكرا لشاعرها اللي مدري منهو
وتقلدوا تحيتي
حبي للحياة
ماهو الا خوف من نزول دموع امي بعد موتي
وتقلدوا تحيتي
اشهد ان بعض العرب بهم قبله تكفي للناس كلهم
وتقلدوا تحيتي
اقتباس:
لذين يشاهدون الموضوع الآن: 3 (2 من الأعضاء و 1 زائر)
الشبث متعجب+
حيالله العجيب
نورتنا يالذيب
وحيالله الزائر
وتقلدوا تحيتي
ادع الجهل وانت تعلم
خير من ادعائك العلم على جهل
وتقلدوا تحيتي