المشاركة الأصلية كتبت بواسطة الساطع
[poem=font=",6,,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
اطرح الغطوه ترى قلبي وفالك=واحسن الظن بعشيرك والنوايا
لعنبو دار العدو قلبي حلالك=ما بقى بالروح باسبابك بقايا
كل يوم(ن) تجرح النفس بمقالك=في فوادي ينفجر حرفه شظايا
خبرن يانور عيني وش جرالك؟=كنت احسبه منيتك حزة لقايا
السبب يمكن غرورك في جمالك=يوم ترسل لي من العتبى مطايا
او سبب هذا نجاحك باحتلالك!=قلبي المطعون في خنجر هوايا
ليه تجرح قلب محبوب(ن) صفالك؟=ليه تختصر المحبه بالحكايا
ليه تنسى اللي على الجمره مشالك؟=حافي(ن) حتى ورد حوض المنايا
تترك اليمنى وتعطيني شمالك=تجحد البين وتبحث بالخفايا
نرسل الاشواق حرى في وصالك=لابسات من الحنين اجمل هدايا
ويوم تطلع من مجالي في مجالك=دوم تطلع في نظر عينك عرايا
وان طلبت الطيف في ليل وسرا لك=صار طيفي والخيال من الضحايا
هو صحيح ان المحبه كلهــــــــا لك=ما معك غيرك سكن ذيك الحنايا
بس وحدك ساكن(ن)قلبي لحالك=عميت العينين عن كل الصبايا
بس ودي كلمتين اقولها لك=احفظه مني مثل حفظ الوصايــــا
عزتي لو وردتني للمهالك=ما اذل النفس وانا ابن الطنايا[/poem]
