كتبتك والشعر من كل غصـنٍ يقطفـك شفـاف
يقض جموع صمتٍ ماشفع لي مـن معاذيـري
بعيد عن التكلف والملـل والسـرد والاسفـاف
واكون اقرب كثير لفكرةٍ مـا صاغهـا غيـري
ولارحت الهث استجدي حضور وكلمتين انصاف
لاانـي ماتعـودت التفـت واشـوف تاثـيـري
سما الاوراق ياسطرٍ تخيّـره النجـوم الحـاف
جذبته للمعانـي وكـل جـوٍ هـد بـه طيـري
انـا ياسيـدة هـم الليالـي ماعلـي خــلاف
واذا مـازاد مقـدارك فانـا ماقـل تقـديـري
فهقت المجدبه والمقبلات من السنيـن اعجـاف
نهايـة مابقـى منـي بدايـه رحلـه لغـيـري
تجاذبني شعـورٍ كـل ماحولـه حنينـي طـاف
على اخر حد مايوصـف تجاوزنـي تعابيـري
وريحٍٍ من شمال الصدر مرتني على الاطـراف
رساله من طرف ليل العنـا ياطـول تقصيـري
تعب منك الطريق وقلت اجل ريَح على الاكتاف
تغرًب وين ماودك على نهجـي علـى سيـري
بخيلـه ياليالـي وصلنـا دام السهـراسـراف
كريـمٍ ياخيـالٍ موعـده صـافـح تباشـيـري
نزلتي بالغلافـي مهجتـي محـدٍ درى ماشـاف
وجهلي بالهوى واسـرار عشقـه زاد تنويـري
================================
