-
الكلمه اللي سكبت حروفها بـ اْذني
بحاول أنقذ بها ما يمكن إنقاذه
إمّا قتلني سكوتك قبل تنقذني
ولاّ حييت بمطر صوتك ورذراذه
نفسي تحبّذ حكي ناسٍ تحبّذني
والحب يِعطى عطا .. ما يشحذ شحاذه
وفي مفردات العرب .. حرفك يلذّذني
يا اْجزل من "مْعلّقه" .. وأبلغ من "إلياذه"
زود الغلا "أستذِك" عندي و"تلمذني"
وتلميذك أستوعب دروسه من أستاذه
وما همّني من يحبّذني .. وينبذني
لا شفتني "سيّد الشِعر" ومن أفذاذه
وأنا معك .. سيفك إليا ضاقت "إشحذني"
على "مسنّك" .. وهمّك بقطع أفلاذه
يا صاحبي .. عِف جميع العالم وخذني
توّ الخفوق أنتشى يوم الغلا لاذه
للشاعر محمد الذرعي
-
حلوه منك ...!
حلوه منك ...!
حلوه منك ...!
حلوه منك ...!
حلوه منك ...!
حلوه منك ...!
حلوه منّك .. كلمة (إنساني .. خلاص)
تحسِب إن قدرك على قلبي رخيص؟
لا ياروح أمّك ترى مالك مناص
من غرام اللي على وصلك حريص
إن جفيتك طالَب القلب بقصاص
لا تأمّل كان لامالك بصيص
كيف أخلّي صدري بوجه الرصاص
مثل صيدٍ لاح بعيون القنيص؟
من يفرّط بالذهب لجل الرخاص
كنّه اللي شبّه (العاوي) ب(نيص)!
وأنت غالي كالذهب زين الخواص
واللي مثلي حر .. ما يرضى النقيص
للشاعر محمد الذرعي
-
ولا تعتذر .. مال المعاذير قيمه
وْلا تنطق حروفٍ .. وَلا تحسب أرقام
لو العذر يمحي خطايا الجريمه
ما لفّ حبل المشنقه عنْق (صدّام)
للشاعر محمد الذرعي
-
انا لك يابعد عمري على ماتشتهي وتشوف
ابد والله ماردك لو انك طالب ٍ روحي
للشاعر سعود القريفه
-
انتي أحَـلا ماَخلَـق رَبـي هِنـاَ
والَغلا أكبـر مِـن انـي أَكتِبَـه
أنتي عُمرِي ياَ حَياتَـي و الهَنـا
ياللي قَلبِي مِـن مِكاَنـه تَسلِبـهَ
أنتي أعَذَب عِشق يطرِبني غِنـا
اَعزِفَه بأوتـاَر عَاشِـق يَطربِـه
انتي مِنك الَضـي باَلعالـم َسنـا
نورك اللـي زَاد شـوقٍ يلهبـه
انتـي أَول حُـب نَسَانـي الَعنـا
في غِيابه كِـل عُروُقـي تَندِبَـه
كان غيري في غرامه ما اهتنا
عشت انا ويـاك اروع تَجربـه
كان غيري شَح في حبه وظنا
قلبي فيض شعور لأجلك يِسكبـه
انتي كل الكون وانتـي لـي انـا
باصدق احسـاسٍ لك انثـر اعذَبـه
فيني عشقٍ راسـيٍ ساسـه بنـا
ما تهزه ريـح وعـاذل عَذرَبـه
بك تسامى الحب وعنوانـه هنـا
عشقنـا مجـدٍ و كـلـن يَطلـبـه
للشاعر محمد الحدري
-
انكـــــان حــبي لك حياتي هــــــباله
احــــــلا هــــــباله يوم انا مـــيتآ فـــيك
بيت اعجبني ونقلته
-
ياقلب ليه اشغلتني في طواريك
هذا جزاء اللي بالأضلاع شايلك
ومن لا يعرفك تعذره لو جهل فيك
مير المصيبه من عرفك وتجاهلك
بيتين اعجبتني ونقلتها
-
ان كان تكره جيتي يوم ماجيت
وتكره رسايل من جهازي تجيلك
اكره بكيفك .. لكن ورب هالبيت
اني ولا اغلي في حياتي مثيلك
للشاعر بدر الضبعان
-
هذا البحر همي وقلبي سفينه
طاحت مجاديفي وانا في ضياعه
شوقي غريقٍ ما لقى من يعينه
شوقي قتيل وآنقتل بالقطاعه
يضخ قلبي من هموم و غبينه
وانا على سمع ٍ لهمـي وطاعه
كن الهموم اللي بقلبي مدينه
واللي سكنها عايشن في مجاعه
هذي جروحي ما لقت من يعينه
وانا على خبرك آموت بشجاعه
وين الشراع اللي يجر السفينه
وينه وانا اللي ما قويت القطاعه
هذي هي الدنيا وهذا كنينه
تضيق بي دنياي رغم آتساعه
للشاعر طلال الدايس
-
انتي غيابك ( شي بالكون مفقود )
وانا بغيابك فاقد ٍ كل حاجه
للشاعر بدر الضبعان
