-
ألا يا فزعتي ... !!
بسم الله الرحمن الرحيم
أهدي هذه الابيات المتواضعة للأخ العزيز المهندس/ ممدوح جهز الشمري ..
[/poet][poet font="Simplified Arabic,14,black,normal,normal" bkcolor="" bkimage="http://www.shammar.org/vb//backgrounds/4.gif" border="double,4,gray" type=0 line=200% align=center use=sp char="" num="0,black"]
يقولون المراجـل كلها ما تجتمع بإنســـان
وأنا أقــول إنها في شخصك اليــوم مجموعه
ملكت الطيب يارمزه وصار إلك الصخا عنـوان
أقول أنك أصل الجـــود وغيرك أصبح فروعه
وزنت الحكمة برأسك ورجح في عقلك الميزان
شربت من الفخــر عـز وغيرك جـف ينبوعه !
ورثت الطيب من أجدادا عظيمين الذكر والشان
تطيب الســـالفة فيهم ويكفي العـز موضوعه
ويابوخـــالد أنا رجل حداني الوقت للحرمان
يلبس غيري ثياب.... وأشــوف ثيابي منزوعه
ألا ياعزوتي أنته وعصابة راسي كحيـــلان
ألا يافـــزعتي إليا من خذلني الـوقت بطبوعه
ويابوخــالد أنا جيتك .. نصيتك عاني بحلان
ويابوخالد وأنا أدري... كلمتك مرفوعه ومسموعه
ألا يا راعي الفزعة نخيتك شوف وضعي شان
ترى عز الرجل من خلقت الدنيا..... هم ربوعه !
أخوك
عز الطلب
[/poet]
-
تسلم عز الطلب وصح السانك ولسان الي قالها ومشكورررررررررررر
-
صح بدنك اخوي فارس الشمال .... والقصيدة لي وهي موجهة للاخ ممدوح جهز الضويلي الشمري
تحياتي
اخوك
عز الطلب
-
اخي العزيز عز الطلب
انا باقول كلمه
الواحد ماله الا ربعه وجماعته اولا وثانيا اذا وجد بيننا انسان مثل جهز يجب علينا واجب مدحه واعتقد ان قريحة الاخ عز الطلب فاحة برائحة العود المشتعل فوق جمر وهاج فوصلنا فوح هذا الطيب
اخي عز الطلب : لقد ابدعت كثيرا
اخي جهز: القصيده ممتازه جدا وانت تستاهل
تقبلو تحيات /// الرهيــــب
-
عز الطلب
صح لسانك
ويستاهل راعيها
وانت ماقصرت
لاعدمنااااااااااااااااااااااااك ياغالي
تقبل ارق تحيه
اخوك
ابو عذاري
-
الغالي الرهيب 2002
صح بدنك يالغالي ..... شكرا لتواجدك الرائع ..... وكلماتك هي الصح بعينه
تحياتي
اخوك
عز الطلب
-
الغالي ابو عذاري
صح بدنك يالغالي وتسلم طال عمرك
تحياتي
اخوك
عز الطلب
-
تسلم عز الطلب وصح السانك
والمبدع جهز يستاهل كل خير
تقبل تحياتي
-
الغالي ابو غازي ..
صح لسااانك طال عمرك .... ماعليك زود يالغالي
تحياتي
اخوك
عز الطلب
-
سؤال للمشرفين .... ممكن :
من اللي نقل القصيدة للشعر المنقول ؟!!
أرجو الاجابة بسرعة !!
