هذا مجتمعنا

هذا مجتمعنا
ندرس ونتعلم نتثقف يصير معنا دكتوارة من اكبر جامعة بس بحياتنا نتهاوش مع ولد الجيران على من يوقف تحت الظل!!!

نلج ابونا ونغصب امنا ونترجى خواتنا ونتسلف كلة عشان نتزوج بحجة انه بنحصن انفسنا بيوم الصباحيه تمر من عندنا لبنانيه نبحلق عيونا فيها ونرد بالزوجه!!!!! ونقول حنا وش خلانا ناخذ هالجنيه مالقاه الا رجل هالبنانيه !!!


نشري جهاز بالفين ولا حتى نروح للقهوه الساعة ثلاث بالليل ولجه وزحمه وصراخ واحد يفصفص على ضهك والثاني مخيسك بريحته وثنين مزعجينك بهواشهم عن من ازين لاعب و كله عشان منتخب مهزوم بثمانيه !!


نقعد سنين نصمم وسنين نختار احسن انواع البويات وندفع كل الى عندنا عشان نشري رخام كل هذا عشان يطلع واجهة البيت حلوه بس انة يبيلك طياره عشان تقدر تشوف الواجهة لآن السور ارتفاعة كيلو!!!!


نتأفف ونقول الصيف حر ندور واساطات عشان الحجز وواساطات عشان الاجازة من الشغل و نقول مافية ازين من السياحه مالقاة الا ابن بطوطه واذا سافرنا النهار نوم تقل بومه وفي الليل يا نروح للسوق اذا كان فاتح ولا للديسكو !!


الصلاة دايم بالمسجد والصوم حتى الست نصومه !!! نروح لبقالة وناخذ منة بيبسي بريال ونقولة نجيبه لك بعدين !!!! ونهج ولا نبدا نمر ذا البقاله ابد عشان الريال واذا نسينا ومرينا حلفنا لة انه مهب حنا الى ماخذين البيبسى !!!


حريما مسوين انفسهم خجولات وكلهن حياء يستحون يطلبون حاجه !! اذا صار فية عرس تلقاه تدور الدنيا تدور وحدة تعرف العروسه عشان تحصل كرت دعوة!!!!ولاحتى تروح للفندق وترجى الحارس انه تدخل لآنة ناسية الكرت!!!


نطلع الظهر بعز الحر وندور من بقاله لسوبرماركت كلة عشان ندورالجريده اذا لقيناة نفتح بس الصفحة الرياضية والباقي نرميه عشان نقرا تحليل للمبارة الى شفناه امس ونعرف نتيجته!!!!


نشترك بخط تلفون جديد للبيت وجهاز كمبيوتر براتب شهر وذا سألنا ليش كل هذا قلنا عشان نعرف وش صاير بالدنيا وحنا بس على الشات وغالبأ مع ربعنا واصدقانا!!!


نسب ونلعن بمديرنا وانة شايف نفسة ونقول وش اللة بلانا فيه مايدري ان الكبر لله ! وحنا بيبوتنا ماننادي السواق الا يالوح تعال والخدامه اذا سوت شي غلط قلنا لة ياغبيه ماتفهمين!!!


نشره على اقاربنا انهم قطعوين وانهم بس بامناسبات نشوفهم !!! واذا واحد منهم عزمنا تعذرنا بحجة اننا مشغولين!!! او اذا مر علينا عشان يسلم قلنا وش جايب هالعله مايعرف يتصل قبل !!!

بسم الله الرحمن الرحيم



نقاط صراحة مفيدة جدا تطل علينا مع نافذة الحياة اليومية والكل يعرف ذلك ويعيه جيدا ولكن بصيرتنا احيان كثيرة لا تسعفنا لذا اقدم شكري للأخ ابو خالد على طريقة الارشاد السلسة والمرحة نوعا ماء وهذي هي الطريقة المناسبة للقراء بالأخص الذين يحبون كسر الروتين والطرق التقليدية 0

وااله استحيت ووجهي احمر من ردك يالسنعوسي ومشكوووووووووووور ون شاء الله اقدر اخدم هذا المنتدى اكثر

ابو خالد




السلام عليكم ورحمة الله وبركاته



تسلم اخوي على المشاركة الرائعة والله يسلمك اخوي


هذي وهثله الله يعطيك العافية



وتقبل تحياتي واحترامي




وياهلا