قالت امي تفتكرني طفله وتظلم بختها
[poet font="Arabic Transparent,12,black,normal,normal" bkcolor="" bkimage="http://shammar.org/vb//backgrounds/17.gif" border="double,4,gray" type=0 line=200% align=center use=sp char="" num="0,black"]
فضفضتلي عن سواليف امها اللي كدرتها
والحزن مثل الحسن لامر لازم ينوقف له
جت تفلسف طفلتن مكياجها من فلسفتها
كملت عشرين عام ولاتزال اليوم طفله
يشبع الخلخال والسلسال جايع في ارقبتها
خيزرانن لينها بين انتباه وبين غفله
ودي ادري لامشت بشعور الارض اللي تحتها
وان تثنت قلت وين اللي يقول ان الترف له
اااه لولا خصرها قلت اسرفوا في تغذيتها
مافقره بين النعيم ولايبي من ينتصف له
حاجتن تطري عليها جايبتها جايبتها
نسمتن ماتعترف بالباب والحارس وقفله
قلت وش ذا اللي خفق بين الضلوع من اولتها
قبل اقول الضيف جاك اثره فتح كل الغرف له
يوم قدمته لها ليلة سرتبي سلهمتها
قالت اتشرف بقلبك يافتى قلت الشرف له
وطرت مع سرب الحمام اللي ظهر من حنجرتها
ساعتين وهي تسوق الرمش وابصم واعترف له
تجدل انفاسي واذا حست دفاها كسرتها
واطلقتها للهبوب بكل طيشن تنجرف له
لين باخر طيشها قصيت اظافر شيطنتها
لاتشح بكيدها اللي كيدها ابن ادم ضعف له
نسنست عصريه الجمعه وهي تقراء بختها
بين جمع من العذرا كل شين منكشف له
كل ماجن يمشطن شرطانها اللي تعبتها
سمعوها من قصائد خلها اخر من عرف له
ولدت لحلم تدور له وتنشد منظرتها
ولدت لبروازن اسود دمعها ياما ذرف له
ولدت توصي مكاتيبن قبل مازرفتها
ضمنتها الغاليه دمعة وداع وعطر حفله
قلت اراضيها وجيت وجاءت والدنيا ملتها
والغزل دار ولقى المشتاق مشتاق يعزف له
كل مازودت وردي السواليف اخجلتها
وكل مازاد الحياء قلت الحلو وش ينكسف له
قالت امي تفتكرني طفله وتظلم بختها
صح انا ماني بطفله صح انا ماني بطفله
[/poet]
