أســـتـــريــــحـــي ..؟!؟!
بـــســــم الله و الــصــــلاة و الســـــلام على رســـول الله. . .
[poet font="Simplified Arabic,16,white,normal,normal" bkcolor="" bkimage="" border="double,4,gray" type=2 line=200% align=center use=ex char="" num="0,black"]
ياهواجيسي مع النسمات .. روحي=و أستحلي قلبها ثم أستبيحي
وزعي نفسي على الدنيا و نوحي=و عند مدخل قلبها..قومي و طيحي
أحكي اللي ما احكيت الها و بوحي=و قولي انها ((سيدة قلبي)) و..صيحي
صيحي بأعلى الصوت..ياقلبي و روحي=ياعواتي نسمتي.. يا صحو ريحي
يا أرتباك النطق فيني..يا وضوحي=دائماً واقف.. و في يدك.. مطيحي
كان عندك ما فرق جٌــدي..مزوحي=ما عرفتيني عدل..بس..أستريحي!!
تجرحيني و أفتخر بأغلى جروحي=و أجرحك و لا أتفاخر في جريحي
علميني وش كثر حبي..و بُوحي=ذوبي نفسك على صدري..و سيحي
عطري نفسي من أنفاسك..و فوحي=كانك انتي وردتي..فالشيح شيحي
أطلعي قلبي..تجلي به..و لُوحي=الهدب كفني و في عينك..ضريحي
أهدمي اخر مباني في صروحي=و أبني أول منشئاتك..في قريحي
سولفي لقلبي و هو لا شك..يوحي=أنتي أسنادي كذا..و انتي صحيحي
يوم عاقبني الهوى و أعلن نزوحي=قلت يا نفسي عسى ماهو طريحي
علميني وش بقى ما ضم .. لوحي=ماني بقايل عن الضلعين..زيحي
سامحي عتمة شعوري قبل..ضوحي=حللي نفسي من ذنوبك..و بيحي
داخل عروقي..تعالي ثم روحي=و ان تعبتي؟!..داخل القلب أستريحي
[/poet]
أخوكم /
عبدالله ذويبااااااان
الله الله الله عليك يا عبدالله ذويبان
قصيه في منتهي الروعه
تحمل الكثير والكثير من الابداع
صح لسانك مليووووووووووون
مبدع وابداعك ذهب
لاهنت اخوي وتقبل
تحياااااااااااتي
والله يابوعابد .. ( إنك رائع )
عبدالله ذويبان ... السلام .. ياعذب الكلام ...
كل بيت أعذب وأجمل وأروع وأحلى من الثاني من اللي بعده .. وإنت وأمثالك اللي يستحقون المدح .. لأنكم شعراء بمعنى الكلمه ..
تصدق قريت هالقصيدة أكثر من مره من روعة معانيها .. وياليت يابوعابد ماتحرمنا من هالروائع ... الله يوفقك
أخوك .. عديل الروح ..
السلام عليكم ورحمة الله وبركاته
عبد الله ذويبان ....
مساك الله بالخير ..... يالفلته ...
صح الله لسانك ولاهنت ......
سبق لي وان صافحت هذه الرائعه مرارا وتكرارا ....وهذا لا يمنع من مصافحتها مجددا .. ما دامت لعبد الله ذويبان .....
حياك الله في المضايف ,,,,, اسفرت وانورت .....
تقبل تحياتي
