الناس فرحانه وانا دموعي يهلني ... يهلني صح لساني
[c]بسم الله الرحمن الرحيم[/c]
تنبيه للي مادريو
هطلت امطار متفرقه على منطقة حايل وما جاورها من القرى والمدن
التابعه لها وشوفي بعيني ماهوحتسي احد على تجمع كثيف للغيوم فوق المدينه وتم هذا الحتسي يوم الربوع عقب صلاة الصفره وانواع كيف الحلاتي من الامطار والخير سالت على اثرها الشعبان والشغايا وصبت الشخاليل
وعبر اهالي حايل بفرحتهم من خلال تغبير سياراتهم على الدايري(ياقدمهم)
راجين من المولى عز وجل ان تكون سقيا خير وبركه وان يعم بنفعها ارجاء الديره
:D ماصلح بدال حسن كراني:D
المهم نرجع للدموع
هذا طول الله اعماركم يوم شفت المطر والخير وفلة الحجاج قلت ياولد مايبيله
اطلع بالبر تمش وتونّس
والله وانا ارعد مكينة ام عزيّز وانا انهج وامشي وامشي وامشي وامشي وامشي وامشي وتدرون وش صار كملت المشي وامشي وامشي
المهم اني لفيت عن الطريق ونزلت وامشي وامشي ومن شعيب لعدامه ومن عدامه لطعس وانواع المطامر وانواع النقزان وانواع الخض وانواع اي والله
المهم اعترض قدامي طعس الله حق ماهو كبير بس انه طعس والله وانا ازرلكم الموتر وهو يرقاه
الى هالحين تمام ويوم نزلت خشة الموتر يمار اكاالطعس اللي كبر منه قدامي
ها اااااااااءطننننننننننننن هذا صوت صفقت راسي بالقزازه حقت السياره
وانا استجمع قواي وانزل من السياره يامار قدامي سنود ووراي سنود والكفرات اللي ورا مرتفعات
بالعربي الفصيح (حالة وزى)
واقعد افكر وشلون اطلع وافكر وافكر وافكر :confused:
وتجيني فكره جهنميه وهي اني ادور احد يطلعن من هالمكان
بس علمي بالسيارات يوم انا انزل من السفلت
المهم اني توسدت الصدام وانا ادقه خليلي وبتساء وبتساء. وهي تقوم تمطر وانا اقطع البتساء واروح يم السياره وانتظر وانتظر ياما وقف المطر .
ويوم وقف وانا انزل يمار اكا الشغيه وانا اشرب اشرب اشرب ياما طقطقن ضلوعي وانا اتوسد الصدام وبتساء وبتساء.
وبعد شوي يامار صوت اكا السياره وانا اتنهض يامار هذي هي فوق راس الطعس وانا صوت لهم وهم ينزلون وطلعوا ناس اعرفهم والله وهم يساعدوني ويطلعون موتري وانا اجي ابا امشي وهم يعزموني وانا اتعذر تسن عندي شغل والله وطبلون الددسن يم البيت من اكا الساعه الى الحين مانزلت من السفلت
الفائده من القصه
تسان سواقتك وسط وموترك مهو دبل خلك من مشار وجاي استر لك
[c]وتوته توته قضت السالفه[/c]
والسلام ختام
المنكوب دائما--(برق النفود)-
