قصة بدون قصيدة (حالت الآولين)
من قصص الاولين
هذه القصة واقعيه ولشخص معروف.... اليكم القصة
هذا الشخص كان لايمكلك الا ستة بعارين فقط.
متزوج وله اربع بنات وولد. راس ماله هالبعارين الستة المهم ضيعها وأنجن وقام طول يومه يركض وينشد عن بعارينه . وكان في فقر شديد. يقول
ذكرت بعاريني في لينه وأتجهت هنا ك وكنت ابغى أموت من الجوع ولا معي زاد نهائيا ولكن معي شوي من الماء . ويقول كانت حذيانه أكرمكم الله من جلد البعير. فلما أشتد الجوع عليه وضع حجره وربطها على بطنه وأستمر بالركض حتى اوشك على الموت من شدة الجوع قام وشب نار وأحرق حذيانه حتى صارت محتركه مره وطحنها مابين الحجار وسف عليها شوي ماء.. المهم المغرب يقول كنت حاوالي لينه (اذا ماني غلطان) ويقول سمعت أصوات الذيابه تعوي من كل صوب المهم خفت وأعتبرت نفسي اني ضحيه لهاذي الذيابه ......
يقول لقيت كهف(غار) صغير وقطعت مجموعة من الاشواك والكتاد ودخلت في هالغار وسكرته بالشوك. وبعد شوي تجمعت الذيابه فوق الغار واسمع حفرها
وكان شق صغير ومسكر بالرمل والطين من عوامل التعريه. المهم دخلت يد لبوه علي مع هذه الفتحه وأقوم واسحبها بقوتي وآضع الخنجر فيها بالعرض بحيث انها لاتستطيع ان تتطلعا. المهم يقول أسمع عوى وصياح ونياح واصوات مخيفه
ويقول بعد شوي طاحت اليد على داخل الغار ..الذيابه كلت اللبوت وراحت ..المهم يقول كأني لاقي غزال.. طلع الصبح شب النار وشواها وآكلها..
فكمل مشواره للبحث عن بعارينه والذهاب الى المكان اللي موصف له ويقول طول يومي أركض فلما حصلتها جيت أبوقف وأمشي لاأستطيع آخذت لي شوي وانا اركض دون اي اراده مني.. المهم حصل البعارين ورجع بعد فتره لبيته فلم وصل الى بيته قالت له زوجته لاتخلينا جيرننا صابهم مرض أكثرهم مات ينام الواحد ولا يصبح....
المهم يقول يوم جاء الصبح الى وحده تصيح وتقول درزي ضاع يقول قمت أقص أثره وبعد شوي حصلته رامي ملابسه وكملت قص الاثر وحصلته طالع على جال صفاه وميت يقول صليت عليه ودفنته ورجعت الى بيتي ويوم جاء الصبح الى واحده من البنات ميته واشيلها وأحفر قبرها وارجع والقى الثانيه ميته وعلى هالحاله حفر قبر ودفن ..خلال يومين ماتوا كل أبنائي وبناتي وآخر شي أمهم
وعفت هذه المنطقة وجليت الى منطقة آخرى وعشت فيها والحمدلله زي مأنت شايف....
هذه القصة حدثت قبل حوال خمسين سنه تقريبا..
وهذا الشخص لما يقص على هذه القصة والله أنه تذرف عيونه دموع من اللي ذاقه يوم كان بعز شبابه..
قصة حقيقة ومعروف صاحبها ولايزال عايش الله يطول بعمره ويخليه لعياله..
اتمنى ان تنال اعجابكم
