شايب يشتكي ضعف السلاح

قوم عطني يا طبيب التسترون=فيه شايب يشتكي ضعف السلاح


قال عطني حل باللي هو يكون=بالعلاج اللي يجيب الانشراح


في خلال ايام ولا ادنى غضون=سخرالطاقات حسب المستباح


خايف ٍ يالعود من ريب المنون=اترك التفكير في عقد النكاح


اكثر من الذِكر في وقت السكون=واطلب الله المثوبة والصلاح


لا تفكر في علاج التسترون=كم كبير ٍ قِــد خذا منه وراح


غض طرفك لا تبحر بالعيون=ما بلاك الا التمقــّـل بالملاح


قض حياتك كلها وضع السكون=انت عايش في زمان الانفتاح


خايف ٍ ياتيك ما جا الآخرون=ثم تودع قبل ما ياتي الصباح


خايف ان المس مسّـك والجنون=وانت طايح طيحة ٍ في ذا المراح


انت تبغى تفعل اللي يفعلون=وهذا شي ٍ ما يكلل بالنجاح


اشهد ان لله في خلقه شؤون=وانت زولك ما يجيب الارتياح


العجيّـز ضمها ضمة حنون=لا تهملها وتطلقها السراح


المطوّع يقرا في زيت الزيتون=قم تدهن لا تعرض للرياح






الشاعر : يحيى بن شيبان




https://www.youtube.com/watch?v=-csMWedoQgs






https://www2.0zz0.com/2025/04/01/05/651086284.png