اعذروني

[poet font="Simplified Arabic,14,black,normal,normal" bkcolor="" bkimage="http://shammar.org/vb//backgrounds/17.gif" border="double,4,gray" type=3 line=200% align=center use=ex char="" num="0,black"]


الخاطره تقول ....

القلم جف ولاعاد يكتب ...

والحروف بداخلي متبعثره ... متناثره ...

ويمكن قضت ..!!

الا قضت .. كل الحروف بداخلي والله انتهت ..

لايجيني شخص يعتب ..

لاتملكني السكوت ...

وانتم الغالين عندي ..

ليتكم بس تعذروني ...

لاتملكني السكوت

كل حرف(ن)قبل يطلع من شفاتي ..

يحتضر فيني ويموت ...

كيف اكتب من معاني ...

لاانتهت فيني الاماني ...

كيف اكتب لاتملكني السكوت !!؟

هي رمتني في مداهيل الظلام ...

هي رمتني وانتهى فيني الكلام ...

هي جنت واصبحت انا مجني عليه ...

وياحسافه كان هذا اللي تبيه ...

انصدمت ولالقيت الا السكوت ...

كيف ابي اكتب لاتملكني السكوت .!!

كنت في حبي مغفل ...

كنت بأشواقي مغفل ...

كيف اخجل...

من كلامي ... دامها هذي الحقيقه ...

انزوا هاك الشعور بداخلي ...

خاطره مكسور ...

ودموعه وقفت بين عينه والهدب ...

لاقوت ترجع ... ولاتقوى تسيل ...

كيف اكتب من معاني ...

لاانتهت فيني الاماني ...

كيف اكتب لاتملكني السكوت !!!

صدقوني مايلام اللي يحب ...

مهما سوى مايلام ...لو تمادى بالغرام ...

لويشوف نجوم في وضح النهار !!

ولو يشوف الشمس في وسط الظلام .. مايلام ..

كان لاموا بالهوى مجنون ليلى ...

ومن غلاة اللي ذبحنا ...

حتى بالشعبي كتبنا ...


ياصاحبي هي راحتك في عذابي
دايم تجافيني على غير داعي

هي غلطتي بينت لك كل مابي
واطلقت في بحر المحبه شراعي

ان كان ترضى ياحبيبي غيابي
كيفك وانا ضيعت كل المساعي

كيف اكتب من معاني ...

لاانتهت فيني الاماني ...

كيف اكتب لاتملكني السكوت ...

اعذروني
[/poet]

[c]
الغالي

والرائع


ملك الخواطر

فهد المويهي


ليه عسى ماشر


وربي يفداك اللاش وانت مننا وفينا


ومانحسبك الا من الغالين


قلي وش السالفه وربي مالك الا اللي يرضيك وانا ابو طلال


وراح يحاسب اللي حاول انه يسيء لك

انتظر منك رساله تعلمني وش الموضوع




اخوك000 فيصل اللويش


[/c]

مرحبا اخوي فهد المويهي ...

للاسف اني لاحظت ان هذه اخر مشاركه لك ..

انا اتاسف لان هذه اول مره اشارككم بالمنتدى

وبصراحه اول مره اقرا خاطره بهالقوه .. بس الحزن فيها كان اقوى

اخوي فهد ترى الدنيا ولاتسوى

صحيح في ناس نزعل عليهم من غلاتهم ..

لكن انت يمكن تحب بقوه الله اعلم

اتمنى انها ماتكون اخر مشاركه لك

بدر الفرحان

اخوي ملك الخواطر فهد المويهي00

لا لا لا لا تكفى اني طالبك لا تروح انا مغرم بخواطرك تكفى 00


وربي خاطره حلوه حيل تكفى يامويهي طالبك 00


اذا تحب وربي اصيرلك بحر حبك وادعي الله اني اصيرلك 00

لا وربي انك عزيز حيل على قلبي يافهد وانت تدري بهاشي00


فهل اقولك ارجوك ارجوك يا مويهي 00

اخوي واستاذي العملاق فيصل اللويش ...

اشكر شخصك الكريم على وجودك وعلى كلامك الطيب

صدقني الموقف اللي حصلي من شخص عزيز علي

واتمنى له كل خير ... انتم والله ماجاء منكم قصور وبيض الله وجيهكم

اشكرك ... وانت دائما مبدع ايها العملاق

الشامخ

تقبل تحياتي وتقديري

اخوك

فهد المويهي

اخي الكريم بدر الفرحان ...

اول شي حياك الله بالمضايف ..

وشرف لي انه يكون اول مشاركه لك هو الرد على خاطرتي

فعلا يمكن الانسان يحب بقوه ... لكن السؤال ؟؟

هل اللي تحبه يحبك بنفس هالقوه ؟؟

تقبل احترامي وتقديري ... وسوف اكون مجرد متابع لماتكتبون فقط

اخوك

فهد المويهي

اخوي الفاضل فهد المويهي

اللي اتمناه انها تكون مجرد سحابة صيف وبتعدي باذن الرحمن

واللي عرفته وشفته منك كل الطيب وكريم الاخلاق اتمنى ماتكون آخر مشاركاتك لان المضايف بحاجة امثالك
ولتسلم لاختك النجـــــــــلا

اخوي العزيز .. فتى حايل ....

والله كلامك زاد التعب فيني زياده ...

وانا اللي ارجوك واتوسل اليك انك ماترجاني ولاتطلبني ..

وانا اللي بقولك تكفى ..

والله العظيم ورب العزه والجلال انه يحز بخاطري هالشي

بس الظروف اقوى ...

ارجوك ارجووووووك انك تسامحني

تقبل احترامي وتقديري لك ايها العزيز

اخوك


فهد المويهي

اختي النجلا ...

اشكر حضورك الكريم وكلامك الاكرم ولك كل الشكر

صدقيني سوف اكون موجود ولكن للرد فقط ولااريد ان اكتب

وانت ماشاءالله عليك كتاباتك رائعه واخواني كلهم اللي موجودين

وخواتي اقلامهم لاتريد مني شهاده فهم افضل مني جميعا

تقبلي احترامي وتقديري

اخوك


فهد المويهي

اخوي فهد المويهي

ليه عسى ماشر يالغالي

ليه تخلينا وحنا متعودين على خواطرك

الله يخليك راجع امورك

ترى وربي مانقدر

تقبل تحياتي
اختك
نوفه