يامساء الورد يانور العيون
يامساء الورد يانور العيون ... يابعد عمري حياتي في خطر
في غيابك صابني مثل الجنون ... والشقاوي صاحبك عاف الصبر
يابعد عيني ع روحي تمون ... بس لاتبطي وأنا قلبي جمر
أشتعل صدري وخالفت الظنون ... وضاقت البلدان من ضيق الصدر
العطر والورد عنك يسألون ... ولذة الأفراح في عيد الفطر
تدري بغيابك حياتي وش تكون؟؟ ... غصن ذابل وإنت للغصن المطر
يانسيم الحب ياعذب اللحون ... ياصفاء الفجر يانور القمر
يارزين ويافهيم وياحنون ... واثق بنفسك ولاهزك بشر
لوتخالف بالشعر كل الوزون ... وتكسر أبياتك بصوتك تنجبر
صوتك الساحر به أنغام وسكون ... وإبتساماتك مثل نسمة عطر
لاحكيتي خلق ربي يسكتون ... ما أسمع ألا همس صوتك لأنهمر
ربنا أعطاك ما لايملكون ... جل سبحانه تعالى وإقتدر
القصايد عند وصفك يعجزون ... والكلام من المشاعر يعتذر
وأكبر أبياتي بمدحك يصغرون ... وتصغر بعيني تعابير الشعر
للكلام أسلوب للي يعرفون ... وأجمل الكلمات عندك تنصهر
الشفايف جمر والثلج السنون ... كيف جبت الثلج بأحضان الجمر
إنت غامض والغموض أصل الفنون ... وإنت كلك ذوق ياسيد النظر
