اه يا شباك ريم اللي مقابل للحديقه

اه يا شباك ريم اللي مقابل للحديقه
كل مانامت عيـون النـاس صحينـاك معنـا

تستلـذ بهمسنـا المجنـون ويبللـك ريـقـه
تحتمل نار العتاب وتوجعـك دمعـة وجعنـا

كم غسلنا وجهك النعسان بالدمع وحريقه
كم على عيونك تقاسمنا الوصال وما شبعنا

وكم رسمت احلامنا في قلوبنا صدق وحقيقـه
كم صدقنا في مواعيد الغـرام وكـم رجعنـا

اه يا شباكها الغرقـان فـي العيـن الغريقـه
كيف مرت خطوة العمر الجميل ومـا سمعنـا

وكيف طاح الليل في كاس الوصل واخفا بريقه
وكيف نفس الموعد اللي قد جمعنا ما جمعنـا

منهو اللي خان من غير عن احبابـه طريقـه
أنـت ياشباكـهـا ولا بــداوة مجتمعـنـا !

او انا او هو زمن( مهدي )حبس وجه الطليقه
ليـن كفّنـا بقايـا أحلامنـا فيـنـا وطعـنـا

اه ياشباكهـا فرقـى الحبايـب مـن يطيقـه
ومن يطيق الحب لاضاعت مواعيده وضعنـا

واه ياشباك ريم اللي شـرب وجـه الحديقـه
ذبلت زهور الغرام وضاعت الاحـلام معنـا

تسلم الغالي سالم
وصح لسانك وسلمت اياديك

نقل رائع ومنقول ذوووق >>> كعادتك في التميز دائما



احترامي,,,

تسلم وتدوم يالغالي ابو مشعل اسعدني مرورك الكريم لاهنت


لك تحياتي