يا رياض الأسعد خبرت الموت وشلونه
وشلون يشفق على روح الصناديدي
الي بسوق الجنايز تشري كفونه
ولاهمها الزيف والاعلام و الكيدي
والروح لجل الشرف والعز مرهونه
تكابد الظلم والطغيان كالحيدي
ولو باعت أعمارها ماتعيش مهيونه
الذل للي سجنه الذل كالقيدي
ساعات فرحة وعشر ايام مطعونه
والعار يحكم على الانذال تأبيدي
ملعونة ٍ ياحياة الذل ملعونه
والعمر يمشي على ما الانفس تريدي
واشوف في الشام شي ٍ يدمي عيونه
الفرس والروس والفزعه تسانيدي
لجل الأسد والبشر هانت بمليونه
صاروخ يضرب سما والموت بالبيدي
وشيء ٍ ذخيرة سلاح وشي ن مؤونه
وحنا العرب بالكلام أقواه تصعيدي
نارٍ ن تسـّعر حطبها وسط غليونه
حطي وشيلي وحطي زيدي وعيدي
وبشار يرقص على أنغام حسونه
فتوى وتعطي فعول الخزي تأييدي
