يا وجود اللي عيونه شقاويه
يـاوجـود الـلـي عـيـونـه شـقـاويّـه
مـرّهــا حـلــو الـمـنــام وتـعـداهــا
كــن بـيـن جفونـهـا جـمـرةٍ حـيّــه
مايطـفـيـهـا سـهـرهــا ولا مــاهــا
بيّـتـه لـيـل الشـتـا فـابـو حـدريّــه
واحتداه و حد نفسه على أقصاها
مشكلـة بعـض الـصـدور الجنوبـيّـه
لــو تجيـهـا دمـعـة الطـيـر تمـلاهـا
الـعـوامـل والــظــروف الطبـيـعـيّـه
غـيّـرت مـجــرا زمـنـهـا ومـجـراهـا
ياوجود اللـي عشـق لـه سنافيـة
فـي صـلات الرحـم ماهـوب وياهـا
مـن تحبّـه لـو تحـبّـه عـلـى النـيّـه
برّكـت بأقـصـى ضلـوعـه مطايـاهـا
ذوقتـنـي هجـرهـا ثـانـي ضـحـيّـه
و اصطلت روحي على حر فرقاها
طيّرت من غصـن الاشـواق قمريّـه
ورهنتـنـي فــي هـواهـا ولامـاهـا
حايـلٍ مــن دونـهـا حــول وشـويّـه
مـيــر مالله حــايــلٍ دون ذكــراهــا
كــل حـاجـه باقـيـه مـثـل ماهـيّـه
ماسرا معهـا علـى درب مسراهـا
كود عضوٍ (في جهتيّ الشماليّـه)
فـاع مــن عــوج الحنـايـا وخـاواهـا
ودمـعــةٍ نطّحـتـهـا راحـــة ايــديّــه
( اف ) ياماحرّها و ( اح ) مقساها
حوّلـتـهـا يــــوم قــالــت وداعــيّــه
واستباحت سترها فـوق ماطاهـا
حيلـتـي لاهـبـت الـنــود عـصـريّـه
قمـت مـع كــل الجـهـات آتحـراهـا
وأمسـت الفرحـه يتيمـه ومنسيّـه
فـي عيـون حرقـة الوجـد تصـلاهـا
عن خدينات الترف نفسـي امعيّـه
لـو تجينـي مثلـهـا كنـهـا ايـاهـا !!
من غدت منه ( الذلول العمانيّـه )
ماتعوضـه ( نـاقـة الله وسقيـاهـا )
دكّــت ضـيـوف المعـازيـب رجلـيّـه
مابـقـى الاّ ضيـفـةٍ فــوق مركـاهـا
سيـرةٍ مـن وحـي عاميـن هجريّـه
ودّي أنـسـاهـا ولا ودّي أنـسـاهــا
الـمـعـالـم والــرســوم الـطـلالـيّـه
مايـحـفـظ أمـجـادهــا الا بـقـايـاهـا
ذكـريــاتٍ تـعـبـر الـعـمــر طـرقـيّــه
وذكـريـاتٍ فــي وطـنـهـا ومـربـاهـا
وصـورةٍ فـي متحـف البـال مطويّـه
كــــل يــــوم آفـلّــهــا وآتـهـجـاهــا
مــن لـهـا قــدر أوّلـويّــه وأهـمـيّـه
ماشـعـرت بغـربـة الــروح لـولاهــا
والــذي نفـسـي بـيـده إنّـهـا لـيّـه
أقـرب مــن كفوفـهـا عـنـد حنـاهـا
لــو جفتـنـي والعـيـون الشقـاويّـه
مـرّهــا حـلــو الـمـنــام وتـعـداهــا
