ونيت انا عقب العشـى ونتينـي
الأولـه منهـن دموعـي ملنـي
والثانيه يالربـع بـاح الكنينـي
وجاوبت انا السرحان ماهوب مني
واجضر جظير اللي تجر الحنيني
على ولدهـا شافتـه يـوم ثنـي
ردو رقبتـه ولغفتـه السنيـنـي
وعلى دماه الركبتين احـد جنـي
خرشت ونشت من فراق الجنينـي
ويبسن علايق قلبها وأصرمنـي
لياجا العشا قامت تدوس القطينـي
وسمعنها الخلفات ثـم ارزمنـي
كيف الدبش يرحم ولا ترحمينـي
وهذي طعونك بالضماير هونـي
يالله ياللـي تـرزق الغافليـنـي
اليا عطيت الرزق منتـب تمنـي
انك تهيأ الزين موضي الجبينـي
عليه بيبـان الضلـوع اصفقنـي
انكان هاف الوسط صدق يبينـي
يالله تبـذر مـن حبيبـي ومنـي
يالله تجمـع شملنـا يافطيـنـي
يمودع الاركان فـوق استونـي
ون كان هو يكذب ماهومشتهينـي
لعـل بيبـان الغضـي يغلقنـي
وانا ان بغيت اموت من قبل حيني
حلفت انا ما ريد من صـد عنـي
لوإن مالـه بالضمايـر وزينـي
اشوم لاشفت الجفا مـن مضنـي
مير الله على مامون طلق اليميني
اسبق من اللـي بالبحـر قلطنـي
سفن اليا ذبـن ابشـط الحسينـي
على خفيف اللواحهـن يسبحنـي
ابا أردف اللي نهدها طلع تينـي
وابعد مصابيـح المقاريـد عنـي
حلفت انا منساه لامـا مانسينـي
لوكان جـرد اسنيننـا يرمسنـي
وتقلدوا تحيتي
