-
% يا سعود %
يا سعود كانك مرهف القلب حساس
..........................غض البصر لا شفت غنّاجة الهوس
شبه الملاك اللي مثل صافي الماس
.......................من شافها غَزّه على الكبد ناهوس
الخد خد الشمس والجفن نعّاس
......................والعنق عنق الظبي والجسم ممسوس
بالحاظها نبل يتطلّق من اقواس
......................والموت في سهم النواعيس مدسوس
تفتق شغاف القلب وترّج الانفاس
.......................اسرع من البَرّاق وارهف من الموس
احذر تناظرها ترى الشوف حبّاس
........................ياما سجن قبلك من الناس محبوس
لاهيب لا ترحم ولا تاوي الناس
......................تدعس على الوجدان يا سعود وتدوس
ترى البها يحرق مراهيف الاحساس
.......................حرق الفراشه في وهج نار فانوس
وتقلدوا تحيتي
-
-
دوووس دوووس :)
صح بدنيك يابو خاااالد
لاهنت على هالمرور يالغالي
وتقلد تحيتي
-
رووووعه يالغلا
اختيار عذب ياعذب
صح لسااانه ولسااانك
-
^
ولسانك وبدنك يالغلا :)
لاهنت على هالمرور
وتقلد تحيتي
-
لاهيب لا ترحم ولا تاوي الناس
......................تدعس على الوجدان يا سعود وتدوس
صح لسانك ونقلك
ذائقة نقية فعلا
تسلم
-
اختيار رااائع وناقل أروع !!
صح لسانك وسلمت اياديك
تشكرات ابو ماجد،،،
-
صح لسانك الف
ذوقك رائع وجميل
لاهنت
لك تحياتي
-
يا هلا باختي ملهمه
الروعه بمرورك
وتقلدي تحيتي
-
تسلم يابو مشعل
لاهنت يالغالي على هالكلام الطيب والمرور الاجمل
وتقلد تحيتي
