مرحوم ياللي يندهونه ببندر ..

الله كتب فرقاك هذا المقدّر
واللي كتب رب البشر مالنابه

النفس وده مار قلبي تخدّر
قفل على مابه مزاليج بابه

جرحٍ لزا بالجوف للكبد فدّر
واشتم جرحه ثم قبّ الحشا به

شكاه ابن صلفيق رمحن تخندر
(يا ما سطابه يالعبيدي ذبابه)

وبعذر ابو نايف لو انه تكدّر
(اودع صناديق الضماير خرابه )

ولوف قلبي لوف سيل(ن) تحدّر
لا لاف قاع(ن) دزّ عنها ترابه

على وليف لا تأخرت بدّر
واليا نشدته ماتأخر جوابه

علمي بدمعه فوق خدّه تحدّر
النفس قفّت والخفوق التوابه

حبه ترك قلبي بصدري مجنّدر
لما توكد من غلااه وعثابه

مرحوم ياللي يندهونه ببندر
متنبي عتيبه عظيم(ن) جنابه

اللي مشى في نجد ياما تسندر
نط الهضاب وكل ضلعٍ رقابه

يقول سرك وسط صدرك اليا درّ
حذرا تحلبه لا يجي من حكابه

محمد منصور بن رمال

قصيدة جزلة كالعادة من ابن منصور مار الفقيد منهو؟

صح لسانك اشهد بالله انك رائع ومبدع

لله درك

قصيدة رائعة


لك تحياتي

اقتباس:

---

المشاركة الأصلية كتبت بواسطة الاصمعي

قصيدة جزلة كالعادة من ابن منصور مار الفقيد منهو؟

---

هذا وليفٍ لا تاخرت بدر
وليا نشدته ماتاخر جوابه

قفى يقول اقبل وانا اقول ما اقدر
من صد عني لا ينوخ ركابه

صح لسانك


جزله من جزل

صح الله لسااااااانك والأبيات ندر
ومتنبي عتيبه عزيزن جنابه

أنا أشهد إنه بالضماير مقدر
شاعر حكيم ولا لمثله مشابه

لا واهني أصحاب وأقراب بندر
وردو على نهرن لذيذن شرابه

شعره على نار الحنايا مخدر
وأحد من سيفن سطا في جرابه

مرحوم ياللي من عتيبه تحدر
صليب راس وجور وقته عثابه

وكم واحدن من ضيق صدره تكدر
حتى مشى بدروب ماينمشابه

وسيع بال وضيق باله مقدر
حده زمانه لين ضيع صوابه

الله يرحم هامة الشعر بندر
لو مات.. فكره حي وسط الكتابه

قصير أنت شاااعر جزل ، بانتظار جديدك ، باقة ورد،،،،،،