http://www.youtube.com/watch?v=KMcBI6GuH5w
ياتويتر التغريد .. مدري على وين
........................ نركض بصفحاتك صباح وعشيّه !!
متقسمٍ بك مجتمعنا لقسمين ..!
....................... ولكل منهم .. مبدأ ومنهجيه ..!!
قسم يرى حرية الراي بالدين
........................ وقسمٍ يرى في مايرونه خطيه ..!!
احدن يتابع له من الشعب عشرين
......................... واحدن يتابع له من الشعب ميه !!
هذاك يوقد نار من دون بنزين ..!
...................... وهذاك ناره طول الايام حيه ...!!!
كم فيه مفتي دون شرع وبراهين
..................... وكم فيه قاضي دون حكم وقضيه ..!!
ماعاد تدري وشهو الزين والشين
....................... ولاعاد تفرق بين حسْنه وسيه ..!!
نمشي وسط دوار ماله قوانين
........................... مايندرى .. منهوله ..الأولويه ..!!
الصدق وجهه خامسه بين خطين
........................... متحير ٍ بالوصف ماشفت زيه :
غير الجنازه في جموع المصلين
....................... يركض بها الجاني لدفن الضحيه !!
هذا هو تويتر ولاادري على وين ..!
.................... نركض بصفحاته صباح وعشيه ..!!
"
"
"
"
"
"
مخرج :
والله لو مالي بوسطه محبين
......................... واخاف شرهتهم تكاثر عليه
اني لاكبه وانسحب منه هالحين
......................... واقول تحرم عن تويتر يديه
