يامحلا طاروق الدحه

يامحلا طاروق الدحه لا وافق له صوت وبحه
صفين وحاشي ومصنع وبيوت الشاعر ممليه

متون تدحم بعضها وقلوب زايل مرضها
وأصوات سباع بتاعة ميه ميه ميه ميه

غناها عمي مع خالي وأنا أغنيها ل عيالي
تاريخ وبصمة معروفة أصلية من بطن أصليه

لعبة حرب ولعبة هيبة ما فيها حاجة معيبة
لا والله نفخر لا قلنا دحيه يا أهل الدحيه

ماهي لعبة هشك بشك مصيونة عن نيات الشك
محشومة من حشمة وايل ماهي دبكات شامية

وأنا طاريها سلاني وقمت أرددها ب لساني
ولا صحيت ألا الترفة تشبك يديها ب يديه

تضحك وتعضض مبسمها والضحكة ذابت من فمها
قالت لي تكفا يا مطلق أبغى دحه شمالية

قلت الغالي يطلب غالي قومي حوشي لي ب عقالي
يالله نبدا يالله نبدا نبدا بداية فعلية

يا بنية قومي غني لي يا ويلي منك يا ويلي
وأنا أصفق لك وأغني يا بنيه ميلي يا بنيه

حبيني يا ريحة جدي تراني جيتك متحدي
اللى عن دربي يحدونك أهل النيات الملوية

أبا تفنن بأوصافك لأجل يشوفك من لاشافك
وصف حي وتمشي روحه من روح الشعر وراعيه

مان ب وصف عيونك باحل عينك بحر ورمشك ساحل
لا بحرتي بي واغضيتي تركبني مية جنية

وخدودك بيض ومفروشة من ورد الجوري مرشوشة
أفتح من حب الرمانة وأغمق من شمس العصرية

وشفاتك لمة حبايب كانت فرقاهم غصايب
الفوقية فيها معاند والطاعة عند الحدرية

وحجاجك مبري ومقوس ورموشك ل رضاه تهوس
وإن طار وكسر جبينك أغديت الحسنة بالسية

واللى على متنك دايم دمه مي وقلبه نايم
متشيخ والشيخة جاته لا ورث ولاهي عاريه

وإن جيتي تمشين وعجله وعيونك ب عيوني خجلة
والقذلة تضحك للغربي والغربي يضحك عليه

كن القاع تعد خطاتك وإلا تحلف لك ب حياتك
شي ماقالو لي عنه شوفة ذي وشوفة ذيه

شفافة ذوق ولبيسه لبسك ملبوس برنسيسه
وإن تلثمتي بالشيلة كنك من أهل الشرقية

يقلدونك خواتك حتى في لبست عباتك
لكن قولي لي من يجمع بين الشمس وبين الفية

يوم الله خلقكم فرق ما غرب بالزين وشرق
خصه فيك وعمه فيهم سبحانه جزل العطية

والحين أبغى رايك فيها من أولها لا تاليها
عساني مرضي غرورك يا ام العيون السحرية

قالت تعرف رأيي مبطي لا تخطي تكفا لا تخطي
ما ذوبني غيراشعاركفديت الشعر وراعيه

أنا ضحية قصيدك لكن لي شرط ب جديدك
أبغي من اليوم وطالع تلعب دحة شمالية

الله الله الله


صح لسااااان الشاعر



وصح لسانك يابو زياد



مع اني ما اعرف للدحه بس اعجبتني القصيده



شي






وتقلد تحيتي

حوار شعري حلو بين الحاشي والشاعر
يسلم ذوقك اختيار رائع.
طيب ابو ماجد الدحة تراث شمالي ولا انت جنوبي:thumb:

لاهنت سالم

ياهلا بالغالي ابو ماجد


غريبة ماتعرف الدحه

فن من فنون قبيلة عنزة وكان يستخدمونة انثاء الحرب


لاهنت يالغالي


لك تحياتي

هلا وغلا بخالي ابو يوسف


لاهنت على المرور الكريم


لك تحياتي

ولا انت يابو نورة


اسعدني مرورك الكريم


لك تحياتي