الطـنـــايــا

الطنـــأيــا
ياربعنـا مايعتـذر كـود غلطـان
وانا عجزت القى خطا فـي خطايـا

حي العمى كاني تناوشت الازمـان
ماشفت غير خيولهـم فـي عمايـا

وان قالوا انـي ماتعـوذت شيطـان
نفسي لاني شفـت سـود النوايـا

قدامكم ربـي بلانـي بمـن شـان
فعله معي لين اظلمـت بـي سمايـا

زل وكتمت .. وزل وازددت كتمان
وازداد فـي غيـه وجانـي بـلايـا

اعطيته الصافي من العلـم خلصـان
من غير ما اسال من معـاه ومعايـا
ماغابني وان غالب الدمع الاجفـان
راجف رموشٍ ميـر ثابـت حنايـا

اللي بوجهي ما تحشـم لـه لسـان
والله لحرّمـه الحكـي فـي قفـايـا

كان الردي من رشفة الكاس سكران
سكران انـا بغبـار خيـل الطنايـا

عاداتها تقبـل تقـل مالهـا ارسـان
وعاداتنا نهـدي ضحانـا ضحايـا

من مثل شمر علقوا يـوم الاكـوان
ارواحهـم عقـد بجيـد المنـايـا

حنا الضياغـم والزقاريـط نيشـان
فـي جبهتـي زاد المزايـا مـزايـا

وانا ولد عافت سلايـل كحيـلان
على اسم جدي والاسامي وصايـا

ياشين يوم الطيـب نجـر وضيفـان
منـا العطايـا تستمـد العطـايـا

ياشين يوم العـز خيـل وفرسـان
شمر عصا موسـى وربعـك حيايـا

ويومك قنعت بسقف واهي وجدران
الشمري للشمـس حـث المطايـا

ياخـف وزنـك ان وزنـا بميـزان
وفعالنـا مـن كـل شـيٍ عرايـا

لاانته بجنبي طيب اوعـز او شـان
ولاانته بقدامـي ولا انـت بورايـا

الله بلانـي بـك ولانـي ببلشـان
لاشـك ودي ينطحونـي قـوايـا

الشاعر الكبير فهد عافت

صح لسان الشاعر

وصح بدنك





ماعليك زود يالبناخي

تسلم ونعم فيك وفي خوالي


هذا اقل شي ينكتب عنهم


نقطة من بحر فهد عافت


للطنا يا ويستأهلون أكثر

لك تحياتي

اويلي


وقف شعر وجهي :)




صح لسان سالم


وصح لسانك يافهد



<< دايخ من الطنخه :)







صح نقلك يابو زياد



وتقلد تحيتي

لا لالالا تتهور يابو ماجد


امشط شعر وجهك الظاهر حاط عليه جل


اسعدني مرورك يالغالي



لاهنت


لك تحياتي