-
صباح الشوق واللهفة ..!!
صباح الخير ياعمر القصيد وهمهمة راعيه
صباح(ن)يرسم البسمه على ثغرك ويزهابك
صباح الشوق واللهفه وحزن(ن) بالصدرتخفيه
صباح الورد وغصون الربيع اللي تغنابك
انا لي حظ بالدنيا تعبت اسايسه واعطيه
الى من جيت له عاني نهرني قال وش جابك؟
وجيتي يابعد عمر الثواني والوله شلتيه
نفضت غبار زلاتي وحظي قام هلابك
تفز عروقي الخضرا لحرف ال(شين) لاقلتيه
لك الله كل عرق(ن) في وسط قلبي تغذابك
فديت عيونك النجلا ووجه(ن) بالحلا كاسيه
فديت امك مع خالك وابوك وشلة اصحابك
غلاك بداخلي يكبر غريبه كيف ماشفتيه
ونا عيني توصيني الى من نمت تصحابك
عشقتك حلم لو وزع على كل البشرتكفيه
وصرتي ملهمة شاعرحلف مايرخص ترابك
حبيبي لاقسى وجه الزمان وشاغلك ماضيه
ونامت دمعتك تحضن بقايا رعشة اهدابك
انا ودي اكون اقرب من احساسك الى بحتيه
وودي لو تخليني اكون اقرب من ثيابك
تراك بعيني تساوي جميع الكون واللي فيه
ولو صار الزمن ضدك تراني فزعة احبابك
-
حبيبي لاقسى وجه الزمان وشاغلك ماضيه
ونامت دمعتك تحضن بقايا رعشة اهدابك
انا ودي اكون اقرب من احساسك الى بحتيه
وودي لو تخليني اكون اقرب من ثيابك
الله عليك يابو فيصل اختيار رائع وجميل
وقصيدة رائعة
لاهنت
لك تحياتي
-
ومن قال يسلم يالغلا
مشكور على المرور
ولك التحية
-
تسلم الايادي راعي الوقيد
تراك بعيني تساوي جميع الكون واللي فيه
ولو صار الزمن ضدك تراني فزعة احبابك
-
الله يسلمك يابونورة
مشكور على المرور
ولك التحية
-
غلاك بداخلي يكبر غريبه كيف ماشفتيه
ونا عيني توصيني الى من نمت تصحابك
عشقتك حلم لو وزع على كل البشرتكفيه
وصرتي ملهمة شاعرحلف مايرخص ترابك
---------------------------
تسلم الايادي والعيون والذوق
وتسلم كلك يابو فيصل.
-
الله يسلمك يابو يوسف
لاهنت يالعزوة على المتابعة
ولك التحية
