ألوج مثل أيوب من عظم iiبلواه = وأسهر إلى ما يصبح النجم زايل
على حبيبٍ كل ما قلتii أبنساه = ا لذكره تفطنني من الهجن iiحايل
إلى نسيته ذكرتني iiبطرياه = شيبا ظهر.. من عاصيات iiالجلايل
يلتاع قلبي كل ماأذكر سواياه = كما يلوع الطير شبك iiالحبايل
ولا واحبيبي أربع سنين iiفرقاه = عليه انا قصّيت كل iiالجدايل
ولاواحبيبي يتلف الهجن iiممشاه = إلى بغى له نيةٍ ما iiيسايل
ولاواحبيبي يسقي الربع من ماه = دليلهن لا ضيعوه iiالدلايل
ولاواحبيبي أرعب الهجن iiبغناه = من كثر ما يوحيه ليل وقوايل
ولا واحبيبي كل قومٍ تنصّاه = تلقى ربوعه طيبين القبايل
ولا واحبيبي تذرف السمن iiيمناه = ياما ذبح ما بين كبشٍ وحايل
ولا واحبيبي وافياتن iiسجاياه = عليه غضّات الصبايا iiغلايل
ولا واحبيبي دوم للعفن iiمتقاه = ياما تلنّه مدمجات iiالفتايل
ولا واحبيبي بين ذولا iiوذولاه = خلّي بوجه معدلين iiالدبايل
ولا واحبيبي طاح يوم iiالملاقاه = بنحور غلبا فوق قب iiالأصايل
ولا واحبيبي طير شلوى iiتعشاه = قطّاعة المهجة سناعيس حايل
ياعارفين وديد ياطول iiهجراه = يا ليتني بوديد ما أبغى بدايل
أخذت أخوه أبي عوض ذاك من ذاه = والبيت واحد من كبار iiالحمايل
عندي مثيله واحدٍ كنّه iiإيّاه = عليه من توصيف خلّي iiمثايل
الزول زوله والحلايا iiحلاياه = والفعل ماهو فعل واف الخصايل
#
ملاحظة
اللي يقرء هالشعر ،،، ممكن يتطعم بشعر غيره من شاعره حديثة
والله ظليمة ،، هذي يسمونها شاعره والحين يسمونهم شعراء
