من قصائدي وارشيفي

ياللي تحسب انك بفعل الزلل سيد ؟
تراك ماتسوى بعيني شعيره!
بغيت بالفعل الذي صار تمجيد ؟
لكن عادت فوق راسك مريره!
اذا تصاقلت الحصن خلك بعيد؟
... لا تعترض درب الخيول المغيره!
عصفور ياعصفور فعلتك تغريد؟
وقفتك قدم الصقر والله خطيره!
والجهل وارد مير له عندنا قيد؟
يجهل به الجاهل معالم مصيره!
شفت الضبا قدم الاسوده شواريد؟
تسمع زئير الاسد لكن حذيره!
بغيتني صيده وعودتلي صيد؟
جاتك على حدب الظلوع القصيره!
ورا كفوفك يوم جابتلك العيد؟
خشيتها بعد الخطا بالجفيره!
تعال واقلط فوق عد المواريد؟
واجه فعال اهل الوجيه السفيره!
فعلتك هذي ماتسع فسحة البيد؟
ولا تسعك اليوم كل الجزيره؟
شعر رافع الشمري]

صح لسانك اخوي رافع


قصيدة رائعة

لاهنت


لك تحياتي

عصفور ياعصفور فعلتك تغريد؟
وقفتك قدم الصقر والله خطيره!
والجهل وارد مير له عندنا قيد؟
يجهل به الجاهل معالم مصيره!

صح بووووووحك ..

صح لسانك اخوي رافع




وتقلد تحيتي