الزين

..

مساكم يا سمين



[GASIDA="type=1 color=#FFFFFF width="100%" border="none" font="bold x-large 'Times New Roman'" bkimage="""]الزين من نظره ونص إبتسامه = أذنب بنا يا سعود لا رحم حيّه
أدق ما شفته إزميم وشامه = والعين خرسا والرموش محنيّه
والوجه يومنّه رفع للثامه = برقٍ شعق في ليلةٍ خرمسيّه
والجسم في تكوينته وإنسجامه = تدق لا شفته سلام وتحيّه
اخذت وقت متيمٍ في كلامه = الوضع طيّب والنوايا خفيّه
واليوم بين الهاويه والسلامه = لا شفت شمس ولا تضللت فيّه
تعبت أوّردها العتب والملامه= أرد كيّه وأخذ ألفين كيّه
ياسعود مال الظلم وجه وعلامه =لوكان بعض جروح الاحباب نيّه
مشّيتها ياسعود طيب وشهامه = واضحك لوّن إهموم قلبي قويّه
حرٍ وعيني في جناح الحمامه = لو حامت العقبان صبح وعشيّه
إما تجي جيّت غشين الغمامه= الجوّ هادي والهبايب نديّه
وألا طويت الحب طيّ العمامه= أقفي جسد وأعطيه قلبي هديّه
بعض الرجاء ياسعود مثل إنعدامه= وإن زاد فالرجّال عيب وخطيّه
وإن قيل كثر الطق فك اللحامه =ما فكّت الأيام حبل القضيه
ولا فاد دس الراس جسم النعامه= شفها مثل للخايبه والرديّه
يا طول ليل الحب لقبل ظلامه= على الذي محرٍ لخله بجيّه
مرّه يعدّي فوق ضلع الندامه = ومرّه يشيله شيلةٍ سامريه
وإن مات حيله ثم بردة إعظامه =جرّ الونين بليلةٍ سرمديّه
وأنا جزا جفني وحرّم منامه = غاب القمر عنّي وغيّب سميّه[/GASIDA]
إعذرونا يالربع عن القصور ... ومشكورين ,,
فهد الغنام الشمري ,,






,,,

يالربع .. ولا عليكم امر اللي يقدر ينسقها تكفون ..ينسقها ما مشى معي التنسيق ,,,
الله يوفقكم
فهد

صح لسانك اخوي فهد

قصيدة جزلة من جزل

لاهنت


لك تحياتي

صح لسانك فهد




ابيات روووعه

فهد الغنام صح لسانك يابعد


عزالله هذا القصيد مهو قصيد هالايام اللي ماينعرفله وجه

*
*



يستاهل الزين الكلمات البليغة والشعر الجميل
صح لسانك اخي


*
*

صح لسااانك اخوي فهد


روووعه




ياخي لا تبخل علينا يااخي


ننتظر القادم




وتقلد تحيتي

صح السانك ولاهنت ع الطرح الراقي والمتميزرر تقبل مروري وحترامي & كبرياء انثى &

يا هلا بفهد

صح لسانك يالغالي على هالقصييد الجزل


امتعتنا يا بعدي


اخووك

هايس

**


لا تحتاج تنسيق ، أظن الكلمات هنا ..

نسقت نفسها بنفسها ..





رائعة ..




**