البي بي Bb و الغزو الفكري !
،
بـ الخير :)
يا ويلي يالحريم ما يتركن شي ما يحتسن بوه << وانتي رجال مثلاً :)
هكاليوم تعللت مع أمي عند حدا عجايز الحاره .. و جابن طاري البلاك بيري !
حسيت إنوه بلاك ليبل اللي يحتسن عنوه مو بلاك بيري :a:
و هي تنط وحده عمره بالثلاثين و قالت : تدرن ليه سمّوه بي بي ؟؟ :puzzled: ( يعنني صايدتهم )
قالت وحده من العجز : يا علّهم بالشر هالكفار ما يجي منهم شي سنع ( يعني هي تفكيره ان معناوه مهو زين ) :)
أنا قلت الحين تبي تقولهن إن بي بي إختصار لـ بلاك بيري بس الجديد بالموضوع بالنسبه لهن إن معنى بلاك بيري هو التوت الأسود ..
الا تقول : سمّوه بي بي يعني بيبي :)
يعني الناس يعتبرونوه مثل عيالهم :a: ٢٤ ساعه بأحضانهم :a:
أنا بغيت أشرق بالقهوه و أنزل فنجالي أحاول أستوعب :)
و يرجع بي شريط الذاكره لـ سنين مضت و أتذكر هاللي تفلسف يومنه صغيره يقولون إنه بالمدرسه الأبله قالت له عندتس نشيد ؟
و طلعت عند الصبوره و قالت :
يا ليت شمر هلٍ لي .. دخيلهم ما يضاما ....
:)
و أنا آخذ نفس عميق و أقول لهن : غزو فكري أعوذ بالله .. :)
ما لي الا التسليك لأن الكثره تغلب الشجاعه هههههههه
بس بصراحه قعدت أفكر بـ كلامه و بغيت أشتري ٢ بي بي واحد ألبسوه كفر أزرق أسميه ( طلال ) و الثاني كفر وردي أسميه ( ملاك ) :)
بس اللي قطع علي تفكيري و أشغل بالي : الحين وش وضع آيبادي ؟؟
لأن قبل كم يوم أبوي هاوشن يوم شافن نيمه و هو بـ جنبي :) :3ajeeb:
.
.
