لاتنشد القلب

لا تنشد القلب وش عناه وش .. رده
إن قـلت أدلـك يقول الـوقت لـي غادي


عيّت ظروفك رخا .. وش عاد بالشده
خـل المشــاريه لــون المسأله ســادي


اتعـبت الــقلب وهـــو وده ولا وده
مــعذور ما دام بــك موتـــي وميلادي


اجيك ضامي غــلا وانــا على عـــده
واي والله ارجع وانا ما احصل مرادي


اجاملك والوله عــندي وصــل حــده
ياليت تدري بغلاك اغــلى من فــؤادي


واجد بهالوقت اشوف قــلوب مرتده
وان جيت ابا ارتد معهم ردني منادي


من علمك هالجفا من شار... بالصده
هو ما درى انه طفا بي شمـعة ودادي


من شافني قال هالمغرور مــن قــده
مايدري اني سببك اصارع رقـــادي


اخذت مـــنك جـــروح مـــقبله مــصـدّه
وش حدني لك سوى الاصرار وعنادي


من برد صدرك حرقت وجيــه منهدّه
تعبت ابا ادفى واخاف اولــع شدادي


البحر الاحمر سبب لونه ســهم جـــدّه
ومن كثر عشقه لــها متهيجن هـــادي


ما همّه صدودها مـــا شــح فــي مــدّه
ما اختار رغم القسى وما اختار له وادي


بسلامة اللي سهــر وايــده على خـــده
العب ما دام الهوى ســيّد مــن اسيادي


ايه اعشقك والغــلا مــلعون ابــو جــده
ان قلت عادي حشــى والله مـــو عادي


عرفت هالــقلب وش عنـــاه وش رده
مــعذور ما دام بــك موتـــي وميلادي



,
’,
ماراق لي لشااعر حمد السعيد

ايه اعشقك والغــلا مــلعون ابــو جــده
ان قلت عادي حشــى والله مـــو عادي


عرفت هالــقلب وش عنـــاه وش رده
مــعذور ما دام بــك موتـــي وميلادي


صح لساااانك وسلمت يمناااااك
وصح لسان الشاعر حمد السعيد

ذوق رائع في النقل والاختيار

لاهنتي وسلمتي كبرياء أنثى




كل احترامي،،،

ايه اعشقك والغــلا مــلعون ابــو جــده
ان قلت عادي حشــى والله مـــو عادي



صح لسانك وعلى شانك اختيار رائع وذوق عالي

ونقل جميل

وصح لسان ابو خالد



شكرا لك اختي كبرياء

الله يعطيك العافية

تقبلي مروري

لك تحياتي

يعطيكِ العافيه كبرياء


سلمتِ

البحر الاحمر سبب لونه ســهم جـــدّه
ومن كثر عشقه لــها متهيجن هـــادي

بيت قمه المعاني والتشبيه

رائعه بروعه ذوق نقلك المميز

يسلموا