رفعت كفي ماقدرت ارفع الصوت

رفعت كفي .. ماقدرت ارفـع الصـوت
لو كـان فالخاطـر .. كـلام ٍ كتمتـه

لحظه وداع / وكنهـا سكـرة المـوت
ضاع الطريق .. اللي من اول رسمتـه

ضاع الطريق وصرت في الدرب مبهوت
مدري وش اللي فاتني مـا اغتنمتـه !

العمر مرّ .. وراح مع فايـت الفـوت
صحيح ضعت .. وضاع حلـم ٍ حلمتـه

الا انت ياللي قربـك لروحـي القـوت
لو غبت / يبقى وسمك اللـي وسمتـه

يبقى كما نقش ٍ على الصخر منحـوت
حفظتـه .. بشكلـه ولونـه وسمتّـه

مهما الفراق اوجـاع والبعـد ممقـوت
اصبح مصير ٍ من غـلاك / احترمتـه

دمع النصر لو طاح من ( عين جالوت )
( عين العقل ) دمع ٍ تكنّـه / حشمتـه

ذخرت لك يافرحـة العمـر .. تابـوت
فيـه الغـرام اللـي بديتـه / ختمتـه

يبقى الغصن لو مابقى فالغصـن تـوت
تحـرك انسـام الذعاذيـع .. صمتـه

سكّت .. وانا مـن موادعـك مكبـوت
شي ٍ تجاهلتـه .. وشـي ٍ فهمتـه !

حبل الرجاء من جور الايـام مفلـوت
ياليت قلبـي عـن غرامـك عصمتـه

ياما .. بنيت بيـوت وبيـوت وبيـوت
اليوم .. كـم بيـت ٍ بنيتـه .. هدمتـه

يبقى الغصن لو مابقى فالغصـن تـوت
تحـرك انسـام الذعاذيـع .. صمتـه

تسلم الظفيري

تسلمين اختي ايثار


شرفني مرورك الكريم

لك تحياتي

يبقى الغصن لو مابقى فالغصـن تـوت
تحـرك انسـام الذعاذيـع .. صمتـه





تسلم سالم



اختياراتك عذبه ولا عجب فانت شاعر جزل

لاهنت الاعذب مرورك الكريم اخوي ابو غازي

لاخلاولاعدم

لك تحياتي

كل ابياتها حلوه هالقصيده


وش انتقي ووش اخلي




سالم انت مميز وكلمات الشكر والثناء بحقك قليله






لاخلى ولاعدم

لحظه وداع / وكنهـا سكـرة المـوت
ضاع الطريق .. اللي من اول رسمتـه
سالم لا هنت على النقل ولا ادري لك القصيده ولا لأ وصح الله لسااانك ولي قصيده قديمه غير مكتمله ذكرني بها هذا البيت
اقول في مطلعها
قبل الموادع سكرة الموت لاحت //// وريح الشهاده من نفسها يهبي
صرخه الم من جوف الاعماق صاحت //// ليه البخت كسر مجاديف حبي
هي بكرةٍ مع اول الذود راحت //// اقفى بها راع المغيرات دبي

ياهلا ومرحبا فيك اخوي الغالي ابو نورة

يشرفني ويسعدني مرورك الكريم

لاهنت يالعزوة

لك تحياتي

هلا فيك اخوي نايف

وصح بدنك

لاوالله ماهي لي

وصح لسانك على القصيدة

شرفني مرورك الكريم


لك تحياتي