حضور وغياب

[c]انا من اشد المعجبين بهتان واشعر كانها تكتب عن مشاعرى بكل ما كتبت لذلك وانا راد لكم من جديد بعد غياب أسبوع كانه سبع سنين بديت واخترت لكم قصيده قرأتها بالطياره واعتبرت نفسي موجود معاكم بحضورى وغيابي :) :) صح والا انا غلطان :) :)

-------------------------
حضور وغياب

غـيابـك قـبـل ماانـت تغـيب .. مأثـر فـيني فاضحـني

فـ كـيـف اليــوم وانـا اشـــوفـك تلملـم باقي ايـامـــك

أمـانة لارحـلـت.. ارحـــل بحــب .. وقـلـبي رابحـني

أنا شـــوفي مـن عــيـونك واعـــانق فـيها احـــلامك

احـس بغــصة تـذبحـني .. دخـيـلك .. لـو تسامحـني

على احساسي اللي بعـثرته .. جمح خيل يبي لجامك

وطــن ياغــربتي بـدونـك ياشـــوق وهـــم ذابحـــني

وانـا ادري بـك تحــس فـيـني ولام الله مـــن لامــــك

ابيع الروح ياكل الروح .. لجـل لحـظه .. تصارحـني

حـقـيقه .. كنت انا بدنياك .. أو مـن صــنع اوهـامـك

أثـاري حـبي لك واضـــح ولا ادري شللي جـارحــني

وعـشان الخـوف غـيبت الحـقايق .. بس .. قـــدامـك

أنا ادري ملخبط احـساسي واشوف الوجـد فاضحـني

قـبـل لاتـروح لملمني .. وخــــذ مني .. هـنا ايـامـــك

-------------------------
هتان ( سواح نت معجب باحاسيسها )

[/c]

اله عليك ياسواح

حتى باختيارك
مبدع


سلمت يمناك على النقل

((اذا ممكن قصايد عبد الرحمن بن مساعد))


تقبل تحياتي
اختك
نوف

تسلم على هذه المشاركة



سواح ترانا بعد نفقد الأعضاء اللى مثلك


وعساك ماتفقد غالي يالغالي



ولك من اخيك التحية


وياهلا

هلا باختنا نوف

تسلمين على اعجابك ومواصلت تشجيعنا

وانشاء الله بالنسبة لشعر عبدالرحمن بن مساعد ( حاضر )

تحية من القلب

هلا وغلا وتسلم على مواصلة تشجيعك لنا

صدقنى من كثر احراجي احس ان المضيف بيتى الثاني

تسلم وصدقنى احاول اجد كل ما يناسب المضيف

والعمليه هنا ليس عملية نسخ للشعر المنقول

لكن احب اتذوقه قبل ما اهديكم اياه ولكل من يوجد باالمضيف

تحياتى لك

تحية من االقلب