ديوان الشاعر الكبير والقدير دواس ابن تبنان الشعيلي الشمري
[align=center][align=center]السلام عليكم ورحمة الله وبركاااته
الاخوة الكرام حبيت اقدم لكم نبذه عن اللشاعر الكــبيردوأس الشعيلي
وبعض من قصائده المميزه والنادره 0000 اعلامياً0000
هو الشاعر والكاتب: ( دواس تبنان الشعيلي الشمري )
من مواليد العقلة جنوب منطقه حائل 1367هـ
بداياته كانت في مجلة الفن في الكويت ثم جريدة السياسة في
السبعينات الميلادية ثم انتقل الى اليمامة ففواصل وكتب فترة في بروز
كتاباته تتمثل في العادات العربية والتراث العربي.. والفروسية.. وبالأضافة
الى شاعريته الفذّة فهو قاصّ ويحفظ الكثير جداً من التراث الشعبي والقصائد
وخاصة السعودية... يمتلك العديد من المخطوطات النادرة ويحفظ العديد من كتب
التاريخ التي كتبت بواسطة المستشرقين..
تعرض لحادث مروري افقده الكثير من التميز الجسدي والمعنوي والتواجد الصحفي
سألته عن ذلك وخاصة التواجد الصحفي.. قال .. احتاج الى لياقة زمان00
علماً بان شاعرنا القدير رافق الامير نايف بن عبدالعزيز قرابه العشرين عاماً
ومن قصائده وابياته اخنرت لم التالي :
القصيده الاولى [poem=font="Simplified Arabic,5,#FFA100,bold,normal" bkcolor="#171702" bkimage="" border="none,4,#400000" type=0 line=0 align=center use=ex num="0,#400000"]
سلام فياض (ن) من الود مسكوب =عذب المذاق اسلوب فن وتعاجيب
عصر الاساء كاس الهناء منه مصبوب=قطر النداء سالب جمال الرعابيب
تحيةً (ن) بلسم جروح (ن) لمصيوب=شفه شفايا المحصنات الخراعيب
ياكن فيها نغمه الناي وطروب=هز الشجون فنون بعد ً(ن) وتقريب
نمط(ن) طغاء مافيه عيب (ن) ً وعذروب=من الشوايب وختلال الاساليب
هزجن(ن) على لحن ابن لعبون ملعوب=لحن الودد عن اختلاق الاكذايب
صافي النغم يلعب باالاعصاب مسحوب=لعب الهواء بعذوق غيد(ن) مراطيب
ماتنحوي كل المعاني بمكتوب=والمعرفه ماتنطوي باالدواليب
ذابت ونا قلبي من الوجد مذيوب=لامن صهر جاء فيه بحث وتنقيب
عن كل معنا جاذب السيب مجذوب=من مربط مافيه كدش (ن) مهاليب
قصده رفيع وجانب المجد مرغوب=نفسه طموح في وداد المعازيب
لمشاهدت نايف يقينن لمريوب=ومام من تطلب وراه المطاليب
تمشي ليامن مالت الشمس لغروب=وتصبح على ذكر الصقور المناجيب
فج (ن) وسيع به ملااوي وعرقوب=يلقاء بها اجوال الحباري جلاديب
اللي يراقبهن شبيهن بشيبوب =يحدهن لاسرب (ن) عنه تسريب
برقن يفلن ناعم الريش مقلوب=زرق العلاابي ناعمات اللغابيب
واشيل برقع من على الكف مكبوب=وبان الغظب برقابهن كاالدباديب
وتفرطن من تالي اللخوف بهروب=والتاليه مثل المتلي من النيب
وهد اشقراً(ن) من كفه الخرب معطوب=ووماعلى لحق الطيار المهاريب
لحق الطيار وطارف الريش ملهوب=ودلت تراوغ نظرت العين وتغيب
صكه سماء وستموت الخرب مرعوب=مخالب(ن) مثل انعطاف الكلااليب
طير الامير اللي من السند مجيوب=اشقر زعيم امدميات المخاليب
اغراه في نصب الشبك مسبل اللثوب=شعثً(ن) اعدومه من عجاج اللسلاهيب
وردو لديوان (ن) على العز منصوب =ليثً حواليه الشبول المحاظيب
[/poem]
القصيده الثانيه
[poem=font="Simplified Arabic,5,#FFA100,bold,normal" bkcolor="#171702" bkimage="" border="none,4,#400000" type=0 line=0 align=center use=ex num="0,#400000"]
ذكرت والذاكـره مانـي بفاقدهـا=ايام فيها الغـلا والغـي عشناهـا
باطلال دار(ن) سقا الماطر مواردها=بعد اللذي صدرو منهـا وردناهـا
ماراعني كود لما جيت قاصدهـا=مدرع البيد لجـل اظفـر بلقياهـا
حيث ان لي بها مواعيد(ن) موكدهـا=وعهود خلان ليت القلـب ينساهـا
ماحسب االاحباب تنكرني وتجحدها=حتا رعيت الجفا واقفـت مطاياهـا
حسب الوعد قلت الااقيها واشاهدها=حيث ان عهدي بها سمحن محياها
وصارت مواعيد عرقوبن تجددها=في كل يوم(ن) تواعدني ولاالقاهـا
ياتي لنا الدهر بهمومـن نكابدهـا=واشياء تفيض المدامـع لاذكرناهـا
وقفت نفسي تجاهدنـي و اجاهدهـا=وحشاشت الكبد مني قاضي(ن) ماهـا
سفينتي زتـت الامـواج قايدهـا=في قبة(ن) ضيع الربـان مرساهـا
اخشى على النفس من شي(ن) يهددها=لاشك صابر وصبر النفس سلواها
من دونها زمرتن سودن عقايدهـا=رهطن من القوم ماحمدت سجاياها
ماني ولد عم احجرهـا واقيدهـا=ولا نويت الردئ قصدي بلا اماهـا
خليـت ذكـراه للـذاري يبددهـا=وايست منها بعد ماشفت جفواهـا
اعتظت عنها الذي ماني بزاهدهـا=اللي تحب الهلاك نفوس لرضاهـا
نجد(ن) بها العز تسعد من يساندهـا=فالضيق ويجرد القاطع ويحماهـا
ان عله السيل واخضرت جراهدها=مراتع(ن) للجوازي كـل صحراهـا
تجود بالنبت لاجـادت رواعدهـا=واسبل عليها السماء بالغيث واسقاها
تنزل بها البدو ماخلـت عوايدهـا=والنوق تاجد بها ماهـا ومر عاهـا
ومدينًة مسلمين(ن) فـي مساجدهـا=تسمع نداء الله من ادناها ليااقصاها
احبها حب فـي نفسـي باخلدهـا=وافخر بها واتحدى مـن تحداهـا
حيث ان ماطبها جيش اليهود ابها=لاجيش هتلر ولا غيـره تولاهـا
سعوديه الاسم والباري مساعدهـا=عشنابهـا والسعـاده مافقدناهـا
يامهبط الوحي بك خيرت بدايدهـا=من نسل قحطان منبعها ومنشاهـا
فروع عدنان تنبع مـن اماجدهـا=مجد(ن) تطاول على الدنيا وغطاهـا
دار(ن) لاهلنا جديد(ن) كـل بايدهـا=مادش مستعمر البلـدان بحماهـا
كنه فتاتن تبالـغ فـي توجدهـا=تطوي على الصدر يمناها ويسراها
تفخر بعبدالعزيـز اللـي مقلدهـا=عقدن من المجد قابلهـا ويزهاهـا
[/poem]
القصيده الثالثه [poem=font="Simplified Arabic,5,#FFA100,bold,normal" bkcolor="#171702" bkimage="" border="none,4,#400000" type=0 line=0 align=center use=ex num="0,#400000"]
يامل قلب (ن) كن به شذره الموس=طول شقاه ومسه الوجد والياس
اغراه من يغري حشاشات ونفوس=موضي جبينه ناعس الطرف مياس
هيفاء هنوف الصدر والعجز متروس=والوسط ملهوف (ن) باالاصباع ينقاس
والياء تهلهل نكس الشعر منكوس=مثل الشماريخ انطلاقه من الراس
هي ناعمه والثوب ظيق وممسوس=وجسمه من الماء صافي العذب حساس
والياء جلس كن الذي حولها جلوس=مثل الخدم والناس سبحانه اجناس [/poem]
القصيده الرابعه
[poem=font="Simplified Arabic,5,#FFA100,bold,normal" bkcolor="#171702" bkimage="" border="none,4,#400000" type=0 line=0 align=center use=ex num="0,#400000"]
يازين بطراف الهضاب المحاديب =مد النظر ومنادمت بعض الاصحاب
اما مثل سالم نجيب المجاذيب =والا مثل راكان ابو زيد معطاب
لاصرت قازي من سموم اللهواهيب=تلقاء البراد بدار سادات الاعراب
بني اميه ناطحين المواجيب=هكا الرجال اللي تدلو باالاقطاب
تمسي بدار (ن) داخل(ن) قلبك الريب=وتصبح بدار(ن)ماتفكر باالاياب
دار(ن)بها الغض الصبايا الرعابيب =اللي يسددن الهوايا للالباب
بيض(ن) تبش اوجيههن باالتراحيب=لهل الهواء في ذوق عالي وجذاب
ان قابلنك شفت شي(ن) مع الجيب=يشكي العرق والناعمات من الاسلاب
كن العرق بصدورهن له جناديب=مثل الطفل على اللجميل من الالعشاب
وبرقابهن حمر المناديل والطيب=وبعيونهن حزن(ن) شكاء ظيم الاحزاب
ونحزمن هاكا المثاني بترتيب=ذابن خجل واللي بعد حولهن ذاب
شقر المعارف مثل خيل(ن) معاريب=معزلات اصدور وردوف وارقاب
يسقي زمان (ن) جاملني بتقريب=ياما بعد هاكا التعب خاطري طاب
في ليله(ن) فيها تشوف التعاجيب=همس(ن) رقيق وبوح سر(ن)للاحباب
في ليله(ن) مابه على المهتوي عيب=عيب الفتى لاصار مفلس وهياب
[/poem][/align]
القصيده الخامسه
[poem=font="Simplified Arabic,5,#FFA100,bold,normal" bkcolor="#171702" bkimage="" border="none,4,#400000" type=0 line=0 align=center use=ex num="0,#400000"]
مريت في دار منهبطه ومرتفعه=باالليل والطرق ملويه ومقطوعه
والنفس فيما تريد ارضاه مندفعه=والروح يامستريح الروح موجوعه
سبحانك الله ميسر لقمت الضفعه=والذيب ينح نبيح الكلب من جوعه
وطلق اليمين ان غضب يضحك من الصفعه=واخو الرداء كن ليث الغار بضلوعه
وراع المنافيع يبي من الردي نفعه=ومشابه الثور باالديوان موسوعه
[/poem]
القصيده السادسه
[poem=font="Simplified Arabic,5,#FFA100,bold,normal" bkcolor="#171702" bkimage="" border="none,4,#400000" type=0 line=0 align=center use=ex num="0,#400000"]
يالله انـك ترحـم الحـال واتطمنّـي=بالعيون سهـاد والقلـب فيـه الحنـة
حايـر(ن) محتـار باللـي تميـل لفنـي =طفلـةٍ(ن) ترمـي بقلـب الغريـم الونّـة
تعرف الشاعر غريب وقرينه جنّـي =والبنـات مجفّـل الريـم مـا ينسنـه
فـي وداده طايـحٍ محزمـي متثنـي =بس اجاري عبرتـي بالحشـا واكنـه
بي سفاهة نوب(ن) ابكي ونوب اغنـي =ونوب (ن) ابرك ذلّ مثل الجمـل بالعنّـة
طال وجدي واندفاعي يخيـب ضنّـي =والوصال من اريش العين فيـه المنّـة
كان رب البيت من صاحبـي مكنّـي =اشهد اني نازلٍ(ن) فـي ريـاض الجنّـة
وكان خلّي ما حصل لي عسى ما اثنّي =الديـار بغيـر الأونـاس يكثـر جنّـه
[/poem]
القصيده السابعه
[poem=font="Simplified Arabic,5,#FFA100,bold,normal" bkcolor="#171702" bkimage="" border="none,4,#400000" type=0 line=0 align=center use=ex num="0,#400000"]
لو ان جدي من وراء هاشم لوي =وانا لبو طالب سلاله قرايب
عزالله اني مغرم فيك يامي=ومطارته ياصاح حمر العصايب
حيثن لي معشوقه في جبل طي=ماياصلنه موميات الركايب
ابي الوصال وبار بي حضي السي=ونجم البخت عن سر نجواي غايب
ان رحت يمه جيت ياصاح لاشي=وان غبت عنهم شب قلبي لهايب
اقفوبها العربان كدغا وهي لي=رغم على الممرور عطب الضرايب
قومن سلايل حاتم الجود وعدي =ان جاهم المحتاج مارد خايب
لي في حماهم طفلتن غايتي هي=مادونها ياكود عوج الطلايب
[/poem]
القصيده الثامنه
[poem=font="Simplified Arabic,5,#FFA100,bold,normal" bkcolor="#171702" bkimage="" border="none,4,#400000" type=0 line=0 align=center use=ex num="0,#400000"]
يالله انك ترحم الحال وانت الواقـي =يارفيع الشان يـا مدبّـر المخلوقـي
كن بيت النمل يسعى بوسط اعماقي =والذحاح من الأفاعـي بـدم عروقـي
ويش اسوي... قلبي الهايم المشتاقي =كل ما جريت الونّه ضـرب صندوقـي
سرّي الغامض سرى بالدجا وانساقي =وحضي العاثر من البين فيـه فتوقـي
الشقا يلحق على كل رجـلٍ شاقـي =والحظيـظ يدبّـره حظـه الماثوقـي
اما انا.. كثفت جهدي وانا بوثاقـي =وجيت مثل الواني البايق المسيوقـي
جابهتني بالمشاكل وقصـت ساقـي =وهلهلت بالصوت للداشـر المطفوقـي
عزّ مطلوبي.. وصد الجميل الراقـي =وانصهر وجدي برقة رفيـع الذوقـي
جلّ من زادك جمال وحسن اخلاقي =له وجوب الشكر يا رايـع المنطوقـي
انت سلطان الصبايا لـك الميثاقـي =عن يقين وصاحب المركز المرموقـي
وانت مغري بالهوى فاتن العشاقـي =لا تلـوع بنظرتـك دامـي المعلوقـي
رد لي نظرة حنـانٍ تفـلّ ارهاقـي =يابعـد حيـي حنانـك غمـامٍ فوقـي
[/poem]
القصيده التاسعه
[poem=font="Simplified Arabic,5,#FFA100,bold,normal" bkcolor="#171702" bkimage="" border="none,4,#400000" type=0 line=0 align=center use=ex num="0,#400000"]
يالله انك ترحم الحال وانت الواقـي =يارفيع الشان يـا مدبّـر المخلوقـي
كن بيت النمل يسعى بوسط اعماقي =والذحاح من الأفاعـي بـدم عروقـي
ويش اسوي... قلبي الهايم المشتاقي =كل ما جريت الونّه ضـرب صندوقـي
سرّي الغامض سرى بالدجا وانساقي =وحضي العاثر من البين فيـه فتوقـي
الشقا يلحق على كل رجـلٍ شاقـي =والحظيـظ يدبّـره حظـه الماثوقـي
اما انا.. كثفت جهدي وانا بوثاقـي =وجيت مثل الواني البايق المسيوقـي
جابهتني بالمشاكل وقصـت ساقـي =وهلهلت بالصوت للداشـر المطفوقـي
عزّ مطلوبي.. وصد الجميل الراقـي =وانصهر وجدي برقة رفيـع الذوقـي
جلّ من زادك جمال وحسن اخلاقي =له وجوب الشكر يا رايـع المنطوقـي
انت سلطان الصبايا لـك الميثاقـي =عن يقين وصاحب المركز المرموقـي
وانت مغري بالهوى فاتن العشاقـي =لا تلـوع بنظرتـك دامـي المعلوقـي
رد لي نظرة حنـانٍ تفـلّ ارهاقـي =يابعـد حيـي حنانـك غمـامٍ فوقـي
[/poem]
و من الابيات المميزه لشاعرنا اخترت لكم الابيات التاليه
[poem=font="Simplified Arabic,5,#FF8300,bold,normal" bkcolor="#171703" bkimage="" border="none,4,#400000" type=1 line=0 align=center use=ex num="0,#400000"]
ودي اسولف واستعيد السواليف =في مجلس(ن) فيه السوالف طرايـف
لاشك مامن لقمتة(ن) تشبع الضيـف =واخس ما تطري الرجال الحسايف [/poem]
و لـــهـــو ايضاَاَاَاَاَاَ :
[poem=font="Simplified Arabic,5,#FF8300,bold,normal" bkcolor="#171703" bkimage="" border="none,4,#400000" type=1 line=0 align=center use=ex num="0,#400000"]
كل(ن) على طبعه من النـاس مطبـوع =وحنـا خلقنـا الله نصـون الودايـع
ما نشذب الغايب ولا اللواش مسموع =ولا نـحـط لتايهتـنـا ذرايـــع
واليا غضبنا بالرضا الغيض مدفـوع =دفع الحشاء فيـه انتحاشـا الوقايـع [/poem]
و لـــهـــو ايضاَاَاَاَاَاَ :
[poem=font="Simplified Arabic,5,#FF8300,bold,normal" bkcolor="#171703" bkimage="" border="none,4,#400000" type=1 line=0 align=center use=ex num="0,#400000"]
ليتك تعرف اللي حصل لي من احداث=يامن تواردبك صفاتن من الليل
عقب المحل ربعت في روض جثجاث=وعلى مقدم موجفاتن هفاهيف[/poem]
و لـــهـــو ايضاَاَاَاَاَاَ :
[poem=font="Simplified Arabic,5,#FF8300,bold,normal" bkcolor="#171703" bkimage="" border="none,4,#400000" type=1 line=0 align=center use=ex num="0,#400000"]
ابوك يامشعل يبي ينفض الريش=ياما تصير امسبقاته طشاشي
ان شاف برق(ن) في غلبها النقاريش=رفرف جناحه للهدد واستهاشي
الحر يفلس باالمخاليب ويعيش=وبعض الطيور معودن للخشاشي[/poem][/align]
