(( أبي أظاهر هو يصير أو مايصير)) & ((ظاهر وجيش المشاعر لك ظهير))
اعذروني على طول الغياب بسبب الجامعه -الله يعين الجميع-
هذي القصيده موجهه لي من أخوي خضير وردي عليه
قصيدة خضير خليوي النماصي:
يامطوع إقر تر وضعي خطير
قمت أشوف نجوم في وسط النهار
واعطني قروه جزاك الله خير
يمكن تثلج صدر مشتب نار
لاطرى اللي مخلين قلبي أسير
يجي قلبي حالتن شبه انهيار
أبي أظاهر هو يصير أو مايصير ؟
يحكمن ظالم ويشعل في نار ؟
تحسبه معطيني من حبه يسير
لا"مجهز أسلحه يبي الدمار"
يامطوع وش حكم تعذيب اسير؟
وويش حكم اللي قطع فيني وجار؟
قلت ابنسى ! قال قلبي إلق خير
قلت أحاول ! قال تنسى كان صار
باراك اوباما على تريلة شعير
يشتغل مملوك للمالك بايجار
قلت أجل ياليتني طيرن يطير
طير لامنه بغى له شي طار
لاذبحني الشوق اجي بيته أطير
وبست خده وشفت حاله والأخبار
قال هذي بعد عرعر عن عسير
لاتخيل ! " قلبك المسكين طار "
قلت اجل شكواي ملفاها قصير
وانا يامطوع ترى بالإنتظار
رد قصير خليوي النماصي :
جاني المرسول بالعلم الخطير
وقمت أحيي به وياحلو المزار
دام تشكي حب خلك ياخضير
والله إن الحب للعاشق دمار
ظاهر وجيش المشاعر لك ظهير
والعمر تاليه سكره وإحتضار
النوايا:سيف والعقل:الجفير
والعزم: يجتاز بك سبع البحار
والغرام: يشابه إحساس الأمير
والفراق: بدولة الحب انهيار
والجفا: تعذيب للقلب الكسير
والوصل: مفتاح الأحلام الكبار
والعتب معناه: تعديل المسير
والتغلي والزعل....خير إختبار
والوله والشوق للعاشق سعير
والتظاهر بالفرح أصعب قرار
والحبيب إن غاب... ماعينت خير
وإن حضر... تنظر لهمك بإحتقار
هو حياة الروح والقلب الأسير
وهو وناسة عمرللضحكه شعار
وهو دوا للي قضى ليله سهير
سارحن دايم ومل الإنتظار
آه.... قلبت المواجع ياخضير
وآه من حبن تعلا بي وطار
حالفن ماأنساه أبد وش مايصير
ولوتغيب الشمس في عز النهار
ولو يحرر قدسنا توني بلير
ويكسر إسرائيل ويفك الحصار
ولو يصير ابن طلال أفقر فقير
عقب برج المملكه والإفتخار
هو الأول في حياتي والأخير
نبض قلبي كله إحساس ووقار
