مقتطفات اجمل ماكتب في الشعر الدار مي
لدار مي شعر عراقي شعبي احترفه العراقيبون واستخدموه في الحب والعتاب والغزل والمديح ويقال انا تسميته جاءت من شخص كان يحب امراه اسمها مي وكان يذهب للقائها عند دارها فسمي الشعر بدار مي
اليكم البعض منها
شعر طلاب الجامعة
بالصف وافكر بيـــج وعن درســي فاتر
واسمج كتبته بشوك فوك الدفــاتـر
من الجـــامعه للبيت انته عـلـى بــالي
وكل صفحه يل المحبوب وجهك يلالي
محبوبــي يا هل الناس مــاكـــو بجاله
القمـــر مــن يغيــب يــطلـــع بـــداله
محبوبــي لــو شفتيه ما ظن تصبرين
وخطـــابه كل الناس انتي التودين
هذا شعر غزل
رش الدرب تيزاب حافي اعتنيلك
جا شلي بالرجلين لو ما تجيلك
لو مو ترش تيزاب لو تزرع الغام
ايصير الحم طفار واوصلك عظام
اســود باسود والجنطه ســـوده
ميت حبيب الروح لو هاي موده
خذ روحي الك كيتار وقليبي الك عود
ومن تعزف اترجاك حطني اعلى؟؟؟؟
هذا شعر على الغدر
ما همنـــي القصـــاب العــلك جـــلاي
همني الصديق القال عيرلي من هاي
يا روحــي مــا كفـــاج سهـــر اليــالي
شو بعدج تونين علــى ما لا تـــالــي
بطل وربع جريت حسبـــالي انــساك
تاليها باخـــر بيـــك بالثلــجه الكـــاك
اشــرب اريـــد انساك اسكر واذكرك
مــو بالعظم مكســــور بالقلب كســـرك
يسالني هل البطران تشرب عرك ليش
هنه سبـــع تيـــام والتحـــق بالجيــش
صاحبت عــزرائيل حسبـــالي ما مـــوت
قبــل المنيـــه بيـــوم حظــــرلــي تابوت
رحت انا للـدكتور شــــاورني بسكـــوت
لو ولفـــك يـــداويك لو باجـــر تـــمــوت
ســل وانســلا وسليت وانسلت عظاي
حتى الطبيب احتـــار ون وبجــى وياي
بعض ابيات الدار مي
الدنيا بس أوياي صارت حريصـه
أو من سلة المكتوم تطلع لي شيصه
همي الليالي اتعود واتعاتب أوياك
احجايه للشمات خلاني فرقــاك
سـلـم ولَو بالعين تكفـي الإشــــاره
روحي إبتلت بهواك سـويلي جـاره
أرد اسأل العراف واهـل القـوافـي
ليش الحجاب إيلوق للوجه صافي
شفت الضوه إمن إبعـيد كًًلت إحتركًًنه
لمـن وصلت البيت لـن ولفـي عدنــه
شمـاتي مو شـمات شمـاتي شمات
بالكًًبر ويسألـون حي بعده لو مـات
شمـاتي موشمات شماتي خوتـي
حته امي ياهل ناس تتمنه موتي
شماتي موشمات شماتي اشرار
بالكبر ويـقـولون ياربـي بالنـار
شماتي موشمات شماتي ورطــه
نصهم امن واجرام والباقي شرطه
شمـاتي مو شمـات شماتي تسعه
والعاشر إزغيرون يأشر باصبعـه
حطيتك بسرداب وفوقه متـر صـب
اصبح الواشي وياك من ياكتر طب
وينه اليخَيـطْ العين ويفكني منهــا
كـل مـا تصـد للدار يكثر حزنــــها
لو غبت عني الروح احسبها شده
واحرق ابدمع العين حتى المخده
بالك تمـر بالـدار عنها أشمر ابعــيد
دار العزيز اهواي نوح أوبجي اتريد
عمـده امـر بالدار والنوح ازيـده
واسمع صداها يقول راح التريده
عمـده امـر بالدار واشبـع مغمـه
والمعتني الطيبات لوطاح شيهمه
غصبن عليها الروح جابتني اشوفك
كفـر عـليها للـوم بلجـن تعـوفــــك
ظلمى اوذرب عاثور لليلة شتى أوعت
روحي اشتهت ملقاه عتتني لك عــت
أهلا وسهلا بيــك وكثــر بالوياك
الكَلب قبل العين فـز وتلـكَـــــاك
اقدر اسكت الناس وامك واخوتك
قلي شيسكت اهواك لودره ابموتك
ياعـازة الخـوان عـازتها عــازه
والماوراها صياح وحشه الجنازه
نسخ مع التحية للاخت ريوف
