يابوفـهـد ضـيـقـت صدري بشـكـواك.......

عندما يشتكي اليك صديق عزيز جدا(خارج المملكه) ولا تملك اي وسيله للمساعده.
فهنا يتدخل الشعر للتخفيف من المعانات.
وهذه القصيده موجهه للاستاذ / احمد بن حمود القريشي


يابوفـهـد ضـيـقـت صدري بشـكـواك = الامــــر لله ما لنا فـيـه حـيـلـــــه


عـنـد الـولي يابوفــهـــــد داك ودواك = الله كــريـم وكـل هـمٍ يـزيـلــــــــه


يابوفـهــد عـسـى الـبـلاوي تــعـــداك = وعـلـيـك سـتـر الله يضـفي شليله


يابوفـهـد كان اسـود الـوقـت عــاداك = ولاعـتـك بقعـاء بالحمول الـثـقيله


وبالمـعـمعـه يابوفـهـد تاهـت اريــاك = وحسيت وسط الصدر مثل المليله


عـليك باللى من عـنـا الوقـت ياقــاك = ربٍ كـريـمٍ مايـضـيـَع دخـيـلـــــــه


نشـفـق على من كان مثلك وشــرواك = نـشـفـق على اللي مايمد الهـزيله


عـز الله انك هـقـوت اللي تـهـقــــواك = ربيع في وقت الـسـنـيـن المحـيله


ماضاق صدر اللي على الدرب خاواك = ياعون من ضاعت عليه الوسيله


الـمـشـكـلـه يابوفـهـد ماقـدر انصـاك = الـوقـت ضـيـق والـمسافه طـويله


والا انت تـسـتـاهـل عـنا من تــعـناك = مثلك ترى يستاهـل اللي يـجـي له


احمد بن عبدالرحمن العريفي
(نديم المجره)

صح لسانك

وعلا شانك

هو يستاهل..وانت تستاهل




لاهنت يالعريفي




وصح لسانك ياراعي الجزيلات

صح لسااانك يالعريفي


يستاااهل وانت كفو




وتقلد تحيتي

يابــــو فهد بي علـــةٍ مثــــل بلواك وياعل ماتالي هدفنــا فشــــيلة

وعسى الردي واللاش والنذل يفداك ياشاعرٍ صاغ البيوت الجزبلة

شرفني مروركم
واسعدني ثنائكم
الله يسعدكم
تحياتي