وبعد مدة وتنزل ركادة الأسلمية بعنيزة وهي ترعى بحمى ابن سليم وهي ماتدري انه حمى طلع عليه ابن سليم وقال: وش اللي جايبكم للحمى قالت : مادرينا انه حمى ولامعنى الا هالجملين وهالمعز والحين نطلع يمار معه ولد صغير ودلى يضربه بشوحط وهي تطلبه وترجاه ياخيي ادخل على الله لات ضرب هالوغد ياخيي لكن دون أي رحمه أو أي شفقه ودون إحترام مشاعر الضعفاء والمساكين ودون احترام الجار والضعيف ولا كن فيه أي إنسانية مارد عليه وهي تنغبن المسكينه وقالت :
ياعبيد يارْجَالي (1 ) ( هذه لهجة شمر لكن عند أهل الجنوب يقال للجماعة رجاجيل أو رياجيل ) قال : بعد تنخى عبيد وهو يذبحه
وصل العلم للأمير عبيد وهو يتشاور مع الامير عبدالله وخلصوا الى راي إنه يسير عبيد على الامام ويبين له خطر قوة القصيم وفعلا سير وقال هذه القصيدة :
يا شيخ انا جيتك مسير وعساس *** وباغ اشوفك يا مضنة فؤادي
متولع يا نور قصر ابن دواس *** عليم يا معطي الرمك بالعدادي
وابا اخبرك باحوال ناس من الناس *** ناس على حكمك تدور الفسادي
يا حاكم النقره وديرة بني ياس***وهجر تزوجته وهي بالحدادي
يا شيخ قلدت البزازين الاجراس *** ولا كل من حط الرسن به يقادي
والناس من نوح الى الصيحة اجناس *** الى الحشر ما يلقا الغب بالكتادي
قلته ونا معكم على كل هوجاس *** معكم على درب الخطا والقوادي
وان طعت شوري يابن مقرن فلا باس *** والا برايكم الهدى والسدادي
اطلق اسبوق اللي للاضداد نساس *** عبدالله اللي مثل صقر الهدادي
انا وربعي بين الاثنا والاخماس ***يركب لنا غير الفلا والعيادي
خمسة عشر جمعا والارياق يباس *** نسقى بهن كبد الضديد النكادي
وكم سهلة يكثر بها قلع الانفاس *** ليا سندن عقب السماح السنادي
وكم هجمة عنها الخبر عين الماس *** نصبح على هلها بذكر المهادي
وتلقى النعي مع لجة الخلج محتاس *** بيوم غدابه مثل يوم التنادي
ويشاور الامام اللي عندهوياخذ أيام بالضيافة وبعد ذلك تأكد الامام من نوايا أهل القصيم فقال خالد بن عمهوج :
حي الذي جانا مسير وعساس *** ناص امام الدين عان وكادي
حي الذي معنا على كل هوجاس ***يفرح بعز الدين هو والجهادي
ادير افكاري على خمسة اجناس *** واظن هاجوسي لهجسك يلادي
ساقو له المدا بحبر وقرطاس ***اهل المشارع والبحر والبوادي
ايضا يجي المعروف من خز والباس*** برسم يجيبه مثل جنح الجرادي
حنا هل الطوله وحنا هل الباس ***ولولا العفو محد علينا يكادي
كم جاهل منا بزومات الانفاس ***يصير طوع بالرسن والقيادي
وكم نادر ما فوق راسه على راس*** متعصب درنا عليه الشدادي
وحنا نعرف اهل الدوادي من الناس ***واهل النقا انا نذل القوادي
حريبنا نسقيه من كاس الاقباس *** وتقصر الطائل بهجر القيادي
وحنا ندل الدرب من غير بلاس*** لا كبرة القاله نجيها عنادي
ناتي جهار مع شفاروس الاطعاس *** قتامنا يشبك بروس المبادي
ضارين بالدنيا على قطع الامراس*** من فوق هجن غفلا للمعادي
عرج حنايا كاليعاسيب يباس*** من قطع الفيافى والحزوم البعادي
ويجي الأمير عبيد الرشيد لحايل وقالهم والله ألا أذبح بهم إلى أن يؤذن أذان الظهر
وكان الوقت قريب من شهر الضحية ( عيد الأضحى ) فتذكر إن ابن سليم قتل ولد الاسلمية في شهر رمضان
فقال نهجم عليهم في يوم العيد
و يوم جا ليلة العيد وهو يكمن لهم..وبعد ما سرحوا ادباشهم أرسلهم عبيد الجيش(عددهن 30 ذلول ) وهم ياخذون الدبش ويشملون به ويجي العلم لأهل القصيم ثلاثين على اركاب خذوا الدبش ويفزع أهل عنيزة كلهم لأنهم خذوهن بالقرب من عنيزة وبعد ماخذولهم طول وعرض هجم عليهم راعي الشيمة والحمية يتلونه أهل حايل من شمر وتميم وهو يرثع بهم
وهو يشوفله خيال وظن إنه ابن سليم وهو يحرفه عليه يوم وصله ,التفت راع الفرس ليا هذا عبيد قال : لا ياعبيد لاتذبحن. قال: ماهو انت ابن سليم ؟ قال لاوالله انا ابو بطين
قال: وين ابن سليم ؟ قال: هذاك ابن سليم وهو يرمسه عليه,,وابن سليم من شاف عبيد هو يسند يبي القصر يوم قرب للدروازة ويضربه عبيد ياقاسمه نصين نص وقع داخل الدروازة ونص برا الدروازة
يــقــول عـبـيــد الـرشـيــد :-
يـابـوبـطـيـن اســــــأل لــــــي الـخـالــديــه
***قـــل وشـلــون نـومــه يـــوم خـلــي الـمـكـانـي
ذبــيــت جــــوزه فــــوق بــنـــت الـعـبـيــه
***عـامـيــن مــــا شــمــه عــريــب الـحـصـانـي
كــلـــه لـعـيــنــي صــيــحــت الاسـلـمــيــه
***دلــلـــت ســيــفــي بـــطـــوال الاذانــــــي
وشـواالــلــي يــحـــرم دمــكـــم بـالـضـحـيــه
***وحــنـــا يــحــلــل دمـــنـــا بـرمـضــانــي
أما عن فرس الأمير عبيد فلها قصص
كانت الفرس كروش ملكاً لإبن هادي شيخ قحطان ،واشتراها منه الإمام فيصل بن تركيوأهداها للأمير عبيد العلي الرشيدوتعلق به الأمير قال به :
ما ذقت شي عنك يا طوعت الراس *** لوهو من المطعوم شي قلايل
ولادرتمن فرجك مثامين واكياس *** اربع سنين فوق الأرباع حايل
باغ عليك ان فرعت كلمكياس *** وذهلوا مصانيم الدروع الحلايل
انطح عليك وجيه شرابت الكاس *** معوجه مروين الغلب بالدبايل
حلفت ماتنصين حي من الناس *** لابالثمن ولا بردالجمايل
وهم ويش لو كز المراسيل عباس *** ماسلت عن راس به الزوم طايل
انا بجاماسلت عن باقي الناس *** ولولا المعزة مانزلنا بحايل
وجا ابن هادي يبي كروش من الامام قاله أهديته لعبيد فطلب من عبيد حق " المثنوي " وهو أول بطن تلده الفرسكروش
فقال هالأمير عبيد هذه القصيدة :
جانا جوابك يا الشجاع ابن هادي *** تقول لك " بكروش " عندي مثاني
وكروش جتني من نحاز المعادي *** عز العرب عند اختلاف الزماني
سلطان نجد ٍ حضرها والبوادي ***محيي من الجودة سمال المعاني
ريف الضيوف و تاج راسي السنادي *** أنا وهي له ، ان بغاه او بغاني
شيخ ٍ على غالي حلاله نفادي *** وعطاه مابه يابن هادي مثاني
هضيمة ٍ طلبك مثاني جوادي *** وانا بكفي حبلها والعناني
ومحفر ٍ من مرهفات الهنادي *** وفعلي علي الشدة يطاوع لساني
ثم الصلاة لمن بتلعة " اجيادي " *** ينزل على قلبه حروف القراني
وكانت فرسه الأثيرة (كروش) قد وصل صيتها حتى السلطان العثماني عبد المجيد الأول، فطلبها من عبيد، غير أنه رفض ذلك، وسجّل موقفه في قصيدة خالدة من قصائده. وكان قد استقبل في حياته عدداً من المستشرقين والرحالة ومندوبي شراء الخيول لملوك أوروبا.
من اشهر القصائد في الخيل هي قصيدة الامير عبيد الرشيد واسم كروش الذي اصبح مثلا للجميع وهي فرس الامير عبيد ابن رشيد
حين قال :
يا بيه أنا لكروش ما اعطي ولا ابيع
***قبلك طلبها فيصلٍ وابن هادي
يا بيـه لو كثّرت بالقول ما اطيع
***يـا حيف تبغيـني أسلّم جوادي
يابيه ما يرهم على مثلهاالبيـع
***ولا يجي مثلـه يقـوده مهـادي
مـا جمّع أصله بالقراطيس تجميع
***بـيته يـعرفونه جميع البـوادي
بـاغٍ إلـى ما لقمّوها المصاريع
***وصاح الصياح وثار عج الطرادي
ألحـق وانا فوقـه ترثّع تراثيع
***مثل الفحل لا صال وقت الهـدادي
هـذاك بيعـه والصبايا مفاريع
***بين الـقنا ومـخفّرات الـهنادي
هذك بيعه كان تفهم لهـا بيـع
***لامنهن جلبن بسـوق المـزادي
يا بيه أنا مسمع كلامك ولا اطيع
***هـرجك بمقلة ناظري والفـوادي
يـا سابقي ما نرخصك بالمطاميع
***حتـى ولـو قيل ارفعوا بالحدادي
أبغـى إلى ثـار الدخن بالزعازيع
***وحطـّوا على عجلاتهـم العدادي
بيومـيشيب من وحاه المراضيع
***حدين وحاديهن من الخوف حادي
أنطـح ورا ربعي وجيه المداريع
***وأقضـي عليها دينهـم والعيادي
حلفـت ما يطري علينا بها البيع
***إلى الحشر ما يفخت سواده سوادي
ما دام راسـي للريـاح الذعاذيـع
*** بالعون طالبها من النـاس غـادي
وصلوا على محمد خير المشافيـع
*** اللي لنـا يشفـع بيـوم التنـادي
ولهم من القصص الكثير منها
قصة قصيدته ربعي لقوبي عقب ما شبت أنا عيب ...
واللي أنا سمعته إنه كان يوجد رجل اسمه شريدة الصلبي وكان مرسال بين الامير عبدالله وعبيد وكان الامير عبدالله يثني عليه عندما ذهب للعراق وبعد سنين جاء الصلبي لحائل وقابل الامير عبيد ورحبه وأكرمه فتكلموا اثنين فقال الأول عبيد وش عنده مخاوي هالصلبي فقال الثاني أكيد له اخت فسمع عبيد كلامهم فقال قصيدته وهذا اللي أنا أعرفه
والبعض لهم مقوله أخرى وهي
كان لعبد الله وأخوه عبيد رفيق يدعى عبد المحسن بن السيف الملقب بالملا من اهل بريده وكانوا يتجاذبون الحديث فقالوا له:يا عبدالمحسن علمنا بعيوبنا
فقال لهم عطوني الأمان فقالو عليك الله وأمانه
أنت يا عبيد جميع مكارم الاخلاق حاويها ومدركها ولا فيك سوى العيب واحدوهو تقديرك للصلبي اذا دخل في المجلس اقربته حولك وادنيته بجانبك فقال عبيد نعم انا يا عبد المحسن ان هذا الرجل طيب وفيه شجاعه وهمه عاليه ونفس ابيه عن الادناس -فمن اجل ذلك قال هذه القصيده
طلبت ربن يعلم السر والغيــــــــــب
***يقبل صلاة لي ويقل صيامـــــــــــي
ويجعل لنا عرضن نزيهن عن العيــــب
***ويفكنا من شر سوء الاثامــــــــــــــي
ابن ادم ملفا الخطا والعذاريـــــــــب
***لو ما فعل رميت عليه التهامــــــــــي
جليت عن نفسي شبا الشك والريـــــــــب
***ولا حسب يلقون العرب بي كلامـــــــــــي
ربعي لقوبي عقب ماشبت أنا عذاريــــــــــب
***بتسطير كذب مفسرين الحلامـــــــــــــي
قلت اخبروني يا ملا وش ها العيــــــب
***قالوا على ساقت رفيقك تحامــــــــــي
قلت: ان هذا من قديمن لنا عيــــــب
***مستارثينه من خوال وعمامـــــــــــــي
العيب ترك المعرضه بالمواجيــــــــــب
***وألا الرفيق أبفزعته ما نلامـــــــــــي
رفيقنا كنه بروس الشخانيـــــــــــــب
***براس حدن نايفن ما يظامـــــــي
ورفيقنا ما نجدعه للقصاصيــــــــــــب
***يجبر بنا لو مكسره بالعظامـــــــــــي
ورفيقنا لو هو من الجد بصليــــــــــب
***متعلقن منا بذروة سنامـــــــــــــي
شريدة نعرفه قبل يبديبه الشيب
***مرة خطيب ومرتينن حرامـــــــي
والشر ما نسعى بجره بتقريــــــــــــب
***ونذرى الى هبت لنا بالاولامــــــــــــي
هذي قدايمنا الى عدو الطيـــــــــــــب
***وكل يريع لفعل اهله القدامــــــــــي
ويوم الوغى ما نستشير الزواريــــــــب
***لا طار عن سود العيون اللثامــــــــــي
مركاضنا يشبع به الطير والذيـــــــــب
***ونروي معاطيش السيوف الضوامــــــــــي
نلحق على سردن يجنك جناديــــــــــب
***بمطارقن مع مثل صف النعامـــــــــــي
يتلون ابو بندر ربيع السعابـــــــــيب
***اللي على خيره تعيش اليتامـــــــــــي
فأن سلم راس امبيد الكنس النيــــــــب
***حريبنا مايهتني بالمنامــــــــــــــي
غنوا بها ركاب عوج المصاليـــــــــــب
***من مصرن الغربي الى دار يامــــــــي
شارخ اخذ نابه زبون المهاليــــــــــب
***وشجاب سطوه مطبر وبن لامــــــــــــــي
وللأمير عبيد قصائد أخرى منها
نفسي تمنيني لرقي السنودي *** من لابه توزي نفوسه على الكود
بحرابنا نرعى الحجروالنفودي *** رغمٍ على الزعلان والخد ممدود
من فوق قحص كنهن الفهودي*** وملبوسنا بظهورهن صنع داود
وبايماننا شغل العجم والهنودي *** وشلف نرهمهن علىركبة العود
ومخيضنا دايم على الضد يودي *** ونصبح على كبده مع الصبحبجرود
والضيف ليا جانا نرحب وزودي *** ونحط له بالعسر من كل ماجود
مستارثينهمن كرام الجدودي *** طبع لنا من خلقة الحمد محمود
وأفعالنا عند العدالة شهودي*** وقولٍ بلا فعل على الرجل منقود
وله هذه القصيدة :
بالقلب من كثر الهواليـس هوجـاس
*** والنفـس ماتصـرى بليـا دواكيـك
والخلق حكمه عند قـوّات الانفـاس
*** وحنا تحـت حكمـه عبيـدٍ مماليـك
واحلو لطف الرب من عقب الإيّـاس
*** ياحلـو تدبيـره بـهـذي وهـاذيـك
يادار ياللي من ورى غر الاطعـاس
*** لاتحسبين اني على الطـول ناسيـك
انا بشيـر اللـي يديـرك بالافـلاس
*** وقبله نصحتك عن توالـي محاكيـك
يـادار خليتـك علـشـان عـبـاس
*** ولغيـر عبـاس فـلا نـي مخليـك
ولاني بحال اللي زعل ساس او راس
*** إن كان من حضرك والا من بواديك
يادار ماعندي حذا السيـف والفـاس
*** وقبس ٍ يهـدّم مانبـا مـن علاليـك
الا ان تبعتي ملـة الخلـق والنـاس
*** وتبتي عن الفايت وعفتـي طواريـك
يادار مايجلى صدى القلب وعمـاس
*** الا بمنصـور ٍ وربـعـه نفاجـيـك
ارجي برب العرش مع باني السـاس
*** على شريعة من نهى عـن مخازيـك
ان ساعفت نقول لك يـأم الاجـراس
*** وبدم مـن يبغـي خرابـك نحنيـك
يابوحمـد لاتكربـك قـوم دربـاس
*** ولا تزملـك شاشاتهـم والدبابـيـك
ولا بالمثل فزعو لهـم قـوم فـراس
*** ناتيـك بجمـوعٍ يروكـن تـرويـك
إفهم جوابي واوصله يابـو حـواس
*** وان وسّـرو وسـرٍ سعينـا بتفكيـك
الحر يستالف على قـرب الاونـاس
*** ولا ظنتي يستالـف البـاز والديـك
والخيـل ماجتنـا شـرنٍ بالاكيـاس
*** بوقايـعٍ ناطـى بـهـن المـداريـك
كم نزلةٍ بأشناقهـا نضـرب الطـاس
*** هثـلات بالبلـدان نقعـد شـواويـك
والحضر بالبلـدان ياكلهـم الحـاس
*** نـاسٍ خيايـطٍ ونــاسٍ حـواويـك
حنا هل الصولات والحرب والبـاس
*** ونبّـرك الفسقـان بالقـاع تبـريـك
حنا مشاتينـا علـى كـل عرمـاس
*** نحايـفٍ ياتـن مـثـل المسـاويـك
وجنايبٍ تبرى لنـا قـب الافـراس
*** واحلو قول الغوش حيّك على ِحيـك
وصلاة ربـي عـد مانفّـس النـاس
*** او نبت نبتٍ او سعـى لـه بتفكيـك
و للأمير عبيد بعض القصائد الغزلية النادرة, و قال هالقصيدةبعد رجوعه من إحدى المعارك, يقول ياصف الضلع اللي مر عليه :
ليبأيسره من لابسات العشاريق *** خشف يخلط المسك و الزعفراني
وش عيشتي لولارجا ذابل الريق *** لولا رجا لاما زريف المثاني
ابو قرون كنهن دفن الهيق *** وامجدل فوق المتن له وقاني
من حط فوق الصدر زين العشاريق *** حص ومرجان زها بالبياني
روض البختري زاهي بالزماليق *** و امفلجات به كماالقحوياني
هي نقوتي من لابسات العشاريق *** من مصر الى غربه لشرقي عماني
وجرت القصة وهو في طريقه للحج ومعه مجموعه من ربعه وعلى رأسهم أبنه حمود ويوم دخل أطراف مكةوبين طرقاتها فتح أحد الأبواب بنت مزيونه وشافه الأميرعبيد الرشيد وقال الأبيات التالية يسندها على أبنه حمود:
يا حمود أنا عارضي شابي*** طرد الهوى جزت أنا منه
يا كــود وضــاح الأنيــــابي*** هذاك مني وأنا منه
عسلوجة حشو الأثيــابي*** وردوف للثوب شالنه
يا ما حلا جدع الأسـلابـي *** وركاي سني على سنه
والزين لو هـو ورا البابي *** لزمن عيوني يشوفنه
يا رب إغفر لمن تابي *** العبد مطلوبه الجنه
كذلك قال وهي قصة طريفه عندما تزوج الامير ودخل عليها بالنهار فقال الناس :
شي صار وماصار * عرس عبيد بالنهار
فقال
حلالك يازنار * بالليل والا بالنهار
فقال :
ناح الحمام بعاليات المقاصير*** وأهل الهوى طربين ما يسمعونه
ذكرتني يا الورق لا ذكرك خير*** غرو كما لدن المطارق قرونه
علامكم ماكم ضايع يا هل الحير*** نبي نعدله كان ما تعدلونه
مع الحمية ساقتن نية الخير *** والشرط ما نبيه لو تشرطونه
باكر ضحى العيد لا طقوا الزير*** ما عندهم من غالي يلبسونه
أنا وخلي فرقتنا المقادير*** يا من خبط بيديه وأعمى عيونه
يا شاعقين النار جاكم مسايير*** ضو سناها يجذب اللي يجونه
يا مال تفاق شفوق على الطير*** ومحنش من بعد ذا يذكرونه
والا ف(حر) ما لوى رجله السير*** بالوكر طلاب العشا يحترونه
يظهر عشيري كالخلاصة من الكير *** أعيذه برب الناس لا ينحتونه
تصبح عروق القلب عندي معاشير*** ويزهر ثمر قلبي وتطرخ غصونه
وله موقف مع شاعره تدعى "ظاهره الشراريه" من أهل الجوف ..
وقد جاءته تنخاه تبي حقه من "السبيلة" فقالت :
ياعبيد عيّوْا يقبلون السبيلـه *** متنكفين كيف للحق يمشون
الحق ظلمـا ومصقّـل دليلـه *** ولاتنقِضي حاجات من يتِّبِع الهون
فقام الامير وأظهر حقه وبأحد الأيام جت تشكي على بنته
ياعبيد وحده من بناتـي كوتنـي ***كوي المريض اللي تجدّد مكاويه
عرّفتها الحكـام ليـن اغلبتنـي *** العفو ، كيف الكلب ياكل مربِّيـه
لا واحسايف نقلَها فـوق متنـي *** غير الرّضاع اللي لجسمه يغذّيه
وهذه ابيات عرضه للامير عبيد الرشيد رحمه الله
نطلب اللي كسا العرش نوره ** جايب النور عقب الظلامي
يجعل العز مفضي نحوره **عقب قطع الفـلا والمظامـي
دار اهلنا تسقي حيوره ** بين سلمى واجـا والعصامـي
بالمعـزة طـول شبـوره ** دار نـاس عـدامِ كرامـي
عطرنا عن مروكِ عطوره** من دخن مبعدات المرامـي
كمعدو بـداره نـزوره** نسهـره عـن لذيذالمنامـي
كم عدو نثـره وثـوره ** بالمعـارةوزرق الوشامـي
والمعارة نعشي نسوره ** والحـدا والضبـاع الصيامـي
ياعلي قلللابس خصـوره ** لايلفـي قليـل الرحامـي
وخبره لايحط البخـورة** ولايـرص النهـدوالزمامـي
كل درده يحكـك قشـوره** بانـي عقبنـا لـه سنامـي
وقد قيل بالأمير الهمام الكثير ومن ضمن ماقيل :
قال عنه أمين الريحاني - تاريخ نجد ص286 -: "امتاز عن أخيه بأمور ثلاثة - تغلوه في الدين - وبخشونة طبعه- وبنزعه شديدة إلى الجهاد في سبيل الله والتوحيد وكان رسول النجديين الأكبر في الجبل، وكان بيته محط رحال النجديين في حائل ومرجعهم الأعلى. وهو فارس من أبطال الفرسان وشاعر من فحول الشعراء". ساهم في بناء الدولة منذ نشأتها في 1834 وحتى وفاته عام 1865 م.
وفي المسوعة الحرة " ويكيبيديا " :
ولقصائده أهمية فنية، وأهمية تاريخية كبرى كونها تروي واقع الحال ووقائع الأحداث في نجد في تلك الفترة، وتستخدم معظم أبياته لدى مؤرخي الحروب والأنساب كبراهين إثبات.
وتتفاوت مواضيع قصائده من الفخر إلى التحذير إلى الغزل إلى المراسلات، وله قصائد تنطوي على جانب فكري يشرح بها أفكاره ومبادئه عن الحياة والسياسة والحرب.
وكذلك أول من جمع قصائد عبيد في ديوان مخطوط كان الرحالة الفرنسي شارل هوبر الذي زار حائل عام 1883، وحفظت كذلك حتى نشرها محمد سعيد كمال في سلسلة " الأزهار النادية " وعبدالله الحاتم في " خيار ما يلتقط ". وقد نشرت طبعة حديثة من ديوانه مؤخراً (عام 2000) أعدها إبراهيم الخالدي.
وكذلك المستشرق و المؤرخ الفرنسي ويليام بلجريف (الذي زار الجزيرة العربية )
يقول ويليام بلجريف :
وقد عظمت فرنسا في عهد الامبراطور نابليون بونابرت و أخضع أوربا في أيام عـزّه
لسلطه فرنسا حتى دان العالم بأسره لفرنسا و صارت العالم كلها تتحدث عن فرنسا
ونابليون . و الدولة التي يأتيها مندوب من فرنسا تكون مخيرة بين الحرب و بين الولاء والغالب منهم أعلان الولاء , إلا أنني و أنا أتحدث لا أزال أذكر مقولة رجل من جزيرة العرب يقال له عبيد الرشيد لمندوبي نابليون !عندما أتوا من حاكم الشام المعين من قبل نابليون برسالة من نابليون نفسه تطلب منهم الولاء له و الولاء كان يتطلب منهم الخروج عن دينهم و قد عرض ذلك على أميرهم عبدالله (بن رشيد ) لكنه رفض ذلك و بشدة إلا أن رد أخاه عبيد (بن رشيد) كان الذي يستحقأن يحفظ (( كونا من تكونان و لكن أعلما هذا : إذا أرتضت الجزيرة العربية كلها الخروج عن الإسلام فسأبقى لوحدي أدافع عن الإسلام و معتقدات أسلافنا و لو كلفني ذلك حياتي ))المؤرخ و المستشرق الفرنسي : ويليام بلجريف
توفي الامير عبيد العلي الرشيد توفي سنة 1865 م (1282هـ)، عن عمر يناهز التسعين عاما. وكما روت الرحالة الليدي آن بلنت عندما زارت حائل سنة 1871 فقد تصدق عبيد قبل وفاته بكل مايملك للفقراء، لكنه أوصى بألا يخرج سيفه من غمده بعد وفاته وهو موجود عند أحد أحفاده، وألا يركب أحد فرسه (كروش) كما أوصى أرملته (حسناء الحمود العقلا) ألا تتزوج من بعده اما لورمير فيقول : " ان فترة حكم متعب الرشيد ( 1767-1871) تميزت بموت العم العجوز عبيد بعد ان تقدمت به السن كثيرا سنة 1896 م(1286هـ) وكان عبيد محبوبا إلى ابعد الحدود كما كان الحاكم الفعلي لامارة جبل شمر منذ موت شقيقه عبدالله ، وترك عبيد بعده ستة ابناء وخلف لهم ارثا ضخما من الاراضي بحائل والنخيل في جوف آل عمرو (الجوف) ونصف العائد من واحات حيات"
توفي الأمير وله من الأولاد :
1- حمود
وله أبناء :
أ- ماجد
ب-مهنا
ت-سالم
ث-سطام
ج- عبيد
ح- عبيد
خ- متعب
د- فيصل
ذ- سلطان
ر- سعود
2- عبدالله
وله ابن واحد اسمه عبيد
3- سليمان
4- فهيد
وله ثلاثة أبناء :
أ- ضاري
ب-سليمان
ت-عبدالمحسن
5- فهاد
وله ابن واحد اسمه عبدالله
اللهم أرحم الأمير عبيد الرشيد اللهم أكرم نزله اللهم اجعل قبره روضة من رياض الجنة اللهم اجعله مع الأنبياء والملائكة والصديقينا والشهداء
أخيرا تقبلوا تحياتي وانتظرونا في الجزء الثالث
