من هول صكات الزمن صرت مرعوب=عقب الشجاعة قمت أهدّي وأحاسب
[align=center][poem=font="Simplified Arabic,6,#FF9200,bold,normal" bkcolor="#161601" bkimage="" border="none,4,#400000" type=2 line=0 align=center use=ex num="0,#400000"]
من هول صكات الزمن صرت مرعوب=وعقب الشجاعة قمت أهدّي وأحاسب
وأحسب ليالي العمر والعمر محسوب =لاشك من فوق المحاسب محاسب
وإن رحت لا طالب ولا نيب مطلوب=خسارة الدنيا لديني مكاسب[/poem]
السلام عليكم ورحمه الله وبركاته
الآخوة الكرام انقل لكم بعض قصائد
ا لشاعر المبدع و القدير سعيد الحمالي القحطاني
اتمنى ان تحوز على رضاكم واعجابكم
القصيده الاولى
[poem=font="Simplified Arabic,5,#FF8A00,bold,normal" bkcolor="#181801" bkimage="" border="none,4,#400000" type=0 line=0 align=center use=ex num="0,#400000"]
ما يستوي خد المهند وحدّه = وما تستوي في اليد طول الأصابع
ومايعرف النادر سوى في مهدّه = ويبين فرقه عن لزيزٍ وتابع
ومن لا يكف عن المخاليق يدّه = يرسل عليها من ردى الحظ جابع
اللاش مابيني وبينه مودّه = أكرم عن مخالط ردي الروابع
اللي لبس له ثوب ماهوب قدّه = ما يطهر الا من بعد غسل سابع
هم المعالي مابعد يوم هدّه = همه يبات الليل رويان شابع
والوقت لو غربل عذاب الأشدّه = والروس للكرعان صارت توابع
وشط العرب لو صب في بحر جدّه = والنيل جفت منه كل المنابع
وصار البحر الأبيض خلي مجرهدّه = ولا فياض للبداوه مرابع
والله ما ينسى الفتى سلم جدّه = لوكان تعصف فوق راسه زوابع[/poem]
القصيده الثانيه
[poem=font="Simplified Arabic,5,#FF8A00,bold,normal" bkcolor="#181801" bkimage="" border="none,4,#400000" type=0 line=0 align=center use=ex num="0,#400000"]
دع ألفاظ الموده ثم دعني = وثوب الود خله في مجرّه
لبسته حيله لغدري و طعني = بخنجر وقع بظهري مقرّه
خطاي إني لخوتكم دفعني = نفوري من وجيهٍ مكفهرّه
نعم خوة عريب الساس تعني = لي أشياءٍ كثر نجم المجرّه
ولكن شفت منك ما وجعني وكن الشب في عيني تذرّه
صديقٍ في الرخاء لكن قطعني = بوقتٍ ضاق بي بحره وبرّه
صديقٍ في الرخاء لكن فجعني = بيوم الضيق مابين مسرّه
صديقي لو يبي نفعي نفعني = ولو يلحقه من نفعي مضرّه
ولامن ضامني وقتي رفعني = وضحكة ناجذي دايم تسرّه
وزماني لو يبعثرني جمعني = خشيري في الزمن خيره وشرّه
نويت أهينك ولكن منعني = شعورٍ بالوفاء لله درّه
وهذي كلمةٍ خذها ودعني = وثوب الود خله في مجرّه
[/poem]
القصيده الثالثه
[poem=font="Simplified Arabic,5,#FF8A00,bold,normal" bkcolor="#181801" bkimage="" border="none,4,#400000" type=0 line=0 align=center use=ex num="0,#400000"]
الموت والعلة وسلاّل الكبود = لاحدتك الأيام للنذل الدني
ماني غشيمٍ فيه لكنّ محدود = حسبي على ظرفٍ لمثله حدني
ياجعل يومٍ ساقني له مايعود = وياليت ربي من مراحي لدني
لوكان صاحب جاه وإنسان معدود = مستغني عنه ورزقي سدني
العام يزهمني و أقول:إرقى سنود = والله ما تقول "الحمالي" ردني
واليوم رد الطيب نكران وصدود = يقول مقدر والنظام يحدني
ياجعل جنسه في الأوادم مايزود = محزم فشل ماأشدّه ولا شدني
الصاحب اللي لا بدا اللازم يحود = ماعدّه من أصحابي ولاعدني
أميّز القلب النقي امن الحقود = واللي تودّد كذب واللي ودني
ولوكان تبعدنا المسافةوالجدود = القرم أحبه لو بسيفه قدني
والأربع اللي كل شخص الها محدود لابد تصدفها وأنا لابدني
الأوله, لابد من كيد الحسود = تلقى الحسد في البدو والمتمدني
والثانية يجزى جميلك بالجحود = اللي بعيدٍ يجحدك واللي دني
والثالثة خوة ردي ما منه فود = تحدك الأيام له وتحدني
والرابعة لوتملك اللي في الوجود لابد ماتحتاج للنذل الدني[/poem]
القصيده الرابعه
[poem=font="Simplified Arabic,5,#FF8A00,bold,normal" bkcolor="#181801" bkimage="" border="none,4,#400000" type=0 line=0 align=center use=ex num="0,#400000"]
أطرب وأصخّر كايفات الهناديب = وأغني المسحوب لازان وألعب
على طواريقٍٍ لحنها تعاجيب = يطرب لها راعي الجزيله ويعجب
ماقلتها في وصف زين الرعابيب = للي تولع في هواهنّه الصب
ماشاقني غير النواميس والطيب = وأشوش لاذكروا هل الطيب وأطرب
وأنهل من الذكرى وعذب المشاريب =مناهل التاريخ ماهيب تنضب
وأذكر بني عمي حرار المراقيب = اللي تعلّوا كل عالي ومرقب
وإن قيل:من قلت:القروم المعاطيب = آلاد "بن دراج" فعلٍ ومنسب
كعام المعادي فزعةٍ للأصاحيب =جنٍ ليا ركبوا على الضمّر القب
وليا ذكرت مكمّلين المواجيبي = طري علي شالح وذكراه تاجب
ونجد العذيه مدهل الفطر الشيب = وأصايلٍ تهذب بالأبطال وتخب
وحس العزاوي عند حرش العراقيب = وعج الرمك والرمح والسيف الأحدب
ووضح البكار اللي عليها الكواليب = في ظل "ذيب الخيل" ترعى وتشرب
وبر الفديع بخوه ومن عقبهم ذيب = صارت مفاخر لآل هدلان تنسب
ووصيته للذيب لا يأكل الذيب = وجزل القصيد اللي يدوّن ويكتب
تاريخهم مافيه شكٍ ولاريب = صاروا مثل بين المخاليق يضرب
وافين مافيهم عيوب وعذاريب =ماقلت غير الحق ويشهد لي الرب
من بعدهم والخيل عرجٍ مهاليب = وش عاد لوتعسف .. وتسرج .. وتركب
[/poem]
القصيده الخامسه
[poem=font="Simplified Arabic,5,#FF8A00,bold,normal" bkcolor="#181801" bkimage="" border="none,4,#400000" type=0 line=0 align=center use=ex num="0,#400000"]
كنت أغني لاجلها صبح وعشيه = وأخفي أشواقي عن العالم حياااااء
وأنظم أشعاري "لحونٍ عبقريه" = لا تلبسني جنون الشعراااااء
هكذا غنيتها من غير نيه = وهكذا غنيتها لحن و حداااااء
ما أتكلفها وجتني بالسجيه = هذرمة عاشق ولكن بالغناااااء
جردوني من صفات الشاعريه = وقولوا إن الشعر من شعري براااااء
غصب أطوعها الحروف الأبجديه = ما تهجيت الكلام ألفٍ وباااااء
طيفك الزائر وليله قمريه = هو حياة الروح من عقب الفناااااء
فوقي النجمات وجنبي شاذليه = دلةٍ لكن لها فيك إنتماااااء
ريحها ريحك ومن عودك وريه = إكسبت خصرك ومايخفي الرداااااء
وفيك منها بوجة الخد البهيه = مع شموخ الرأس يا رمز الإباااااء
كنت أسيرك في الهوي كُلت يديه يا مليك الروح لك قلبي وعاااااء
لكن أيامي رمتني بالرزيه = وصارت الدنيا عناءٌ في عناااااء
وردتني بسمتك حوض المنيه = لين صار الموت مع ضده سواااااء
متهم لكن تلبست القضيه = وسلموا منها العفون الأدعياااااء
شاش رأسي وإشتعل كله حميه = والغضب ماجابلي غير البلااااء
مافزعت لي قوتي وأنتي صبيه = "بهلواني" ضاعت جهودي هباااااء
وضاعت أيامي معك روحة وجيه = عل صبري عقب ما فاض الإناااااء
كم تمنيت أشربك شربة هنيه = وإختلط كأس الهوى طينٍ وماااااء
لا سلام منك ولارد التحيه = أتقدم لك وترجع للوراااااء
من يداوي خافقٍ تشخب دميه ؟ = ومن يرد الموت إذا حم القضاااااء؟
والقوي يضعف ولو طالت سنيه = ولو "يهجهج" يرجع بصوته رغاااااء
إنقطع دربي ونوخت المطيه = ولابقى لي غير ترديد الدعاااااء
وأذكر الله جوف ليلي وإضحويه = وما عدى ذلك ترا كله هراااااء
إنتهت أخر فصول المسرحيه = والبطل فيها تحول موميااااااء[/poem]
القصيده السادسه
[poem=font="Simplified Arabic,5,#FF9200,bold,normal" bkcolor="#161601" bkimage="" border="none,4,#400000" type=2 line=0 align=center use=ex num="0,#400000"]
لا إله الا انت يالمعبود رزاق العبيد =ما هما غر السحاب وما لمع برق بسماه
يا لطيف وياودود وياحميد ويامجيد = مالنا غيرك نصير وما لنا غيرك إله
جيت للدنيا وحيد وبأترك الدنيا وحيد = مبتدا دربي عرفته وأنت تعلم منتهاه
وأدري إن الخاتمه إما شقي وإلا "سعيد" = يالله إجعل لي من إسمي حظ ..وإرفع مستواه
شاعرٍ لا جن ليلي قمت أهجرس بالنشيد = لاطرح رأسي النعاس... ولاتريّح من عناه
أتسلى بالقديم من القصايد.. والجديد = علّها تطفي لهيبٍ في الحشا يضرم لضاه
أقدح من الرأس وأنحت في الصخر جزل القصيد = أمتطي صهوة خيالي والنجوم أدنى مداه
أبدع الأمثال وأحكمها علي القول الرشيد = كايفه.. والبيت وافي ما يعيبه من قراه
ما نقص عن وزنته قيراط ولا يمكن يزيد = كالذهب يبقى مع الايام ما ينقص غلاه
ولوبعض الأحيان عاندني فأنا رأسي عنيد = أسخره بأمر الله اللي سخّر لموسى عصاه
إن كتمته ينحبس ويعوم مع دم الوريد = وإن رفعت الصوت عالي حدّثت عنه الرواه
رغم هذا ما ذخرته للزمن كنز ورصيد = ماذخرت الا الجميل ومن ذخر شي لقاه
وماذخرت الا رجالٍ معرفتهم ما تبيد = بعد ربي هم غناتي يامدورة الغناه
والنشاما في الشدايد ليدك اليمني عضيد = والشدايد تبحث الصاحب وتكشف لك خفاه
ياحمد تشكي وأنا أدري إنك على الشده شديد = وفيك ثنتين مدحها الله وهي .."حلم وأناه"
لا تلفت في الدجاج اللي مناقيره حديد = وأنته الحر النداوي اللي ملا الدنيا صداه
إن بغيت تصاحب إختر صاحبٍ ذكره حميد= صاحبٍ تفخر بعرفه عدّها مني وصاه
همته دايم رفيعه مايطالع للزهيد = وماترصد في رفيقه ينتظر منه خطاه
حافظٍ عهد الصداقه عن طريقه مايحيد = ماتنكر للرفيق ولاتغير في وفاه
مانقل وش قال "عمرو" ومانقل وش قال "زيد" = صاين لسانه وخيره سابقٍ دايم أذاه
إن بغيته في إستشاره مدك برأيٍ سديد = تأمنه سرك لأنه خابر البير وغطاه
والصداقه ما تهون الا علي القلب البليد = والوفاء راعيه يكسب في الملا قدرٍ وجاه
ياحمد هذي نصيحه من فؤادٍ لك وديد = مبتداها طلبة اللي مالنا غيره إله
والختام أزكى صلاة لغوثنا يوم الوعيد = الشفيع لأمته يوم البشر عري وحفاه
[/poem][/align]
