مغامرات--(برق النفود)- الجزء رقم واحد
بسم الله الرحمن الرحيم
اما بعد فنظرا لانقطاعي عنكم هذ الفتره الماضيه
(بسبب حقده الكبير على محارش لانه قفل الموضوع حق الكوره
اللى رزه مده عندكم لاومن الامانه كاتب بالنهايه مسروق الغبي
يبكم تصفقون له )
المهم نرجع لسالفة انقطاعي عنكم اللي
ادري لوني مبطي شوي تسان دجيتوا من قلة الوالي
لكن ابشركم اني رجعت
لا وجايبن معي قصه بس ابي اقهر محارش
وان شاء الله يبي يثبته وذلك لقوتها النصيه التي تجاري معظم القصص
الاخرى في الساحه الادبيه
(سبحان الله يضع سره في اضعف خلقه وشلون طلع مني هالكلام
المعقد هذا).
القصه :
طبعا كلكم تعرفون عن سوالف خطف الطيارات او على الاقل
سمعتوا عنهن في الاخبار .
انا قصتي حول الدعوى هذا ياجماعة الخير بحكم عملي كرجل اعمال
(بزنز مان للي مايعرفون عربي اقصد للقراء من ثقافات اخرىكالمؤدبون الماليزيون والافارقه والروس …….الخ)
وعملي هذا يحتم علي السفر من دوله الى اخرى
وطبعا كل هالسفريات تتم بواسطه الاير بلين
(طياره للي مايعرفون ثقافات اخرى ).
في الفتره اللي انقطت فيها عنكم صار عندي
عمل طارئ جدا في دوله اسمها شاطي قرون الفيل المهم
كل سفراتي اللي قبل كذا تجيني طيارة الشركه
لكن هالمره ماخليتهم يرسلونها لا ن الوقت مايمدي
تجي وتاخذن وتنكس وانا مستعجل بالحيل قلت لهم لا ترسلون شي
انا ادقه تأشيره واجيكم
المهم حجزت تذكره على متن الخطوط الخيطي بيطي مالكم علي حلف
ان حظي احلى من الدبس لا ن بنفس اليوم تطلع الطياره يم الديرة اللي ابي . ويوم حجزت وخلصت قالي الموظف
بس تعال بدري مره لانك ترى احتياط
طقت سبايكي العن ام الحاله
ليه ماهو اوكي حجزي قال ياحبيبي حاجز بنفس يوم الرحله
وتبي اوكي المهم بعد بورهه من التفكير العميق قلت
كم عدد الاحتايط اللي تبون
قال اغلب الاحيان ناخذ خمسين واحد نحطهم احتياط
قلت طيب الترتيب من الاول يعني تاخذون اول واحد من الاحتياط اللي هو انا
قال لا نسوي قرعه وناخذ العدد اللي نبي ونركبهم
قلت انا والباقي وين يروحون
قال بزمهرير وشدخلنا بهم .
بعد هذي الحركه طقت براسي فكره جهنميه المهم
بحكم الحاجه اشتريت كل تذاكر الاحتياط اللي عندهم
وش اسوي ابي اظمن عمري .
وبعد ذلك توجهت لصالة الانتظار اللي بالمطار انتظر اقلاع الرحله
وزي ماتعرفون ان الصاله حقة الانتظار كله قزاز من عند المدرج
وانا اجلس اتفرج على الحركه اللي بالمدرج
وهولك يلفت نظري واحد يركض مع المدرج
تقل يبي يقلع وانا مدري وش السالفه
والله لا يوريك ركض ركض وانا اقوم من محلي واتهايق عليه
يمار يطرد له باغه (كيس بلا ستيكي)
المهم تحمدت ربي على العقل
وقعدت محلي شوي الا هو داخلن علي بالصاله
قمت اتصدد عنه مابيه يبلاني بشره مار وتقل يدري
وهو يجي يمي مطبق ويجلسلك علي الكرسي اللي بجمبي
وعلى ماجلس ويخزن بعينه وانا ماعده مخلوق معطيه اشكل
وهو يتنحنح اكا التنحنحه اللي قمزت من محلي هي صتستي
مار وهو يقع على جنبه من الضحك ويوم استقعد وهو ينشدن
وش بلاك خفت قلت مادري خرعتن تنحنحتك المهم وهو يقول
انت تبي تروح لشاطي قرون الفيل قلت له ايه قال
تمام اجل انتخاواانا وياك
بيني وبين نفسي قلت هذا اللي ناقص
المهم اعلنو المطار عن رحلتي وانا اتوجه يم الطياره حقتي
ويوم شفت الطياره وهي تعاف نفسي الروحه كله
يالربع عمركم شفتوا طياره لها لفاحات
هذي له لفحات لا والقزاز كل ابوه مغيم كتم اسود
والباب محطوط عليه لزقة ادلع ياكايدهم
اما السواق حق الطياره فهو سالفه لحاله
مرتكي على الكفر حق الطياره ويسولف مع خويه يقول
تذكر الطياره حقت مصر اللي طاحت بالبحر
هذي انا وياه كنا نتجاكر المهم يوم خذيت لي شوط عليه
وانا قدامه ويوم شفته يبي يلحقن وانا اغبر لك عليه
الرجال ماقدر يشوف وحدر الطياره وقربععععععععععععععععع بوسط البحر
وبعدين تحطمت معنوياتي
وركبت الطياره وانا مؤمن بأنه لن يصيبنا الا ماكتب الله لنا .
ومن قرادة الحظ طلع كرسيي جنب رفيقي حق الباغه .
وانا لك استسلم لقضاء الله وقدره ومن ركبت
وهو يبدا مهرجان الالعاب الناريه مابين صاروخ ابو ريال وطرطعان ونوافير والنحله……الخ.
واجي اب اقطع الموضوع وانا اسأ له قلت:
اشوفك يوم حنا بالمطار تطرد الباغات وش قصتك
قال : ادري انك مستغرب لكن لواقولك ماتصدق
هذي طول الله عمرك هوايتي من يوم انا صغير اللي هي
تجميع الباغات مالكم بالطويله هزيت راسي مقتنعا بكلامه
على شان مايدخل باسامي خواته لانه عد طبلونه المسكين …
شوي ويسكرون الباب استعدادا للاقلاع
والمضيفه الله يجزاه بالخير تستدير علينا وتقول اربطو الاحزمه
بيني وبينكم ماتنفوت هالحركه وانا اصوت له واقول اربطيه لي
المسيكينه على نياته وهي تقوم تحربث بالحزام حقي
اثريه شافت مخابي اللي جنبي .
وهي تقول شايفتن له داب وتقوم الغبره بالممر حق الطياره
وسيدا يم كبينه الطيار وشوي الا الطيار عاض شليله
وحاط نعوله بيد وباليد الثانيه قناه
(عجراء للي مايفهمون العربجه)
وجاينا يركض وهو يقول وينهو وريني اياه
والمساعد حقه وراه ومعه سلسله لافه على يده ويركض مع الكبتن
والمضيفه وراهم تذرا بالكبتن والمساعدوتغط على اللي جنبي
اما خويي اللي جنبي صابه شلل مؤقت بسبب البوهه
اللي طقته اما ضعت بالطوشه مدري وش ابو السالفه .
وهو يجي الطيار ويترزه مع جيبه ويقول اسمع
تراك ماتعرفني اسأل كل سكان الكره الارضيه عن الكابتن
محيميد ابو لفاحه اللي هو انا ……. قل ونعم يامال الجدري
وخويي مدري وشلون طلعت منه ونعم المهم انه قالها .
ويكمل الكبتن انا ان كنت ماتعرفني العدو اللدود للأرهاب
وش عاد لو يصير بطيارتي .
والقط الرجال من الكرسي وطبق عليه جميع حركات المصارعه المعروفه
وختمها بسمفلكس خلفي عاونه المساعد حقه على تطبيقه
ويومهم يكمخونه انا استانست بالحيل
لان من ضمن صواريخه اللي اطلقهن علي انه متضارب مع الحانوتي
لانه جاء يفر بحارتهم . ويوم انتهت المصارعه اثري الموضوع به لبس .
اثري المضيفه يومهي تربط لي الحزام
شافت مخابي الرجال متنفخات من الباغات اللي هو يجمعهن
قالت بس هذي متفجرات يبي ينسف الطياره وراحت تحرش الكبتن
والكبتن ما صدق خبر جاء يستعرض عضلاته على المسيكين .
انتهت هذي الغمه بالصلح بين الكابتن والرجال خويي
وهو يجلس يكفكف دموعه المسكين
وانا ماكلمته ذال لا يبرد حرته بي ويوم مرة المضيفه من عنده وهولك
يتهددها ويتوعدها بس يقول ياما ناصل
والله لا ابتسيتس
وهي ولا كأنه موجود ماهي داقتن له خبر
المهم هو يحرف السالفه يمي
ليه مافكيتن يالطقوع وليه وليه انا احاول ارقع السالفه بس ماش مافيه فايده .
اثناء هذه اللحظات ارعدت محركات الطايره معلنا موعد الاقلاع
اشوي وهو يهجد رفيقي .
والكبتن يشلع الطياره وشوي يوم اقلعت اشوى الاقلاع كان ممتاز
لكن فجاءه يوم ركز الطيار الطياره بكبد الخظيرا
راس الطياره فوق وذنبه تحت غدت الطياره تقل مكوك فضاء
لدرجة ان نعول اللي قدامي لهن وحيفة من عند اذني
ويوم اعتقدت اننا اخترقنا الغلاف الجوي حق الكره الارضيه وطلعنا للفضاء
وهو يعدل الطياره ويشغلك السبيكر ويقول
بالله وش رايكم بي ماني فنان
بهاللحظه بالذات تندمت من قلب على ركوبي لها الطياره .
تدرون ليييه
لاني يوم التفت جنبي للرجال لقيته يسبح ببركه من (……)
وبعد اقل من ربع ساعه من الاقلاع قاموا ثلاثه من ركاب الدرجه الاولى
وطلعوا مسدساتهم واعلنوا مقتل الكابتن محيميدوان الطائره مخطوفه ……………………………………
…………………………………
ماذا حصل بعد ذلك
ماهي طلبات الخاطفين
ماذا حصل لي انا والرجال اللي جنبي
ماذا حصل للمظيفه عندما ارادت ارسال اشارة استغاثه
من اللذي يقود الطائره بعد مقتل الكابتن محيميد (علما بأن مساعد الكابتن ماعنده ماعند جدتي بالطياران )
كل هذا تعرفونه في الجزء الثاني من مغامرات
________برق النفود________:confused: :confused: :confused: :confused:
راااااااااااااااااااااااااااااااااائع رااااااااااااااائع يابرق الطعوس رااااااااااااائ
ههههههههههههههههههههههه
ايه هذا الكبتن وللا بلاااااااااااش <<< عربجي :D
اما حركته بالاقلاع مسكككككككت هههه
هههههههههههههههههههه
مووووووووووضوووووووع دسسسسسسسسسسم مرررررره
ينصح بقراءته اكثر من مره :)
