قصيده مؤثره لاتفوتكم

السلام عليكم ورحمة الله وبركاته
هذي قصيده اعجبتني وحبيت انقلها لكم (لاتفوتكم تراها شيء)
غابت عني ولا ادري وش حالتها
ولا ادري وشلون قلبي بتنام عيونه
قلت اقوم انشد عنها بنت خالتها
عله يرتاح قلب ٍ تلعب فيه ظنونــــه


صدت عني ما تبيني اشوف دمعتها
قالت يا ولد البنت بالعود مدفونـــه
ماتت وغابت بالسما أحلى نجمتها
وحزن النجم والقمر إنخطف لونــه


ماتت ومات بالحديقه أغلى وردتها
وبكى الشجر والزهر قاموا يرثونه
وقفت مذهول وزاد بجسمي رعدتها
وقفت صامتن وعقلي جنت جنونه


رحت المقابر علي الحق جنازتها
لقيتها مكفنه وقبر البنت يحفرونه
وصلت المقابر ومحدن فيه حرتها
غير امها وابوها واخوها يعزونه



شالوها يبغون يحطونها بحفرتها
وغطوها بالتراب وقلبها يدفنونه
لولا خوفي من الله ثم فضيحتها
لأقول هالبنت جسمها لا تدفنونه


التفت لي شخص أظنه من جماعتها
يقول هالولد علامه تبكي عيونه
غمضت عيني ما أبي تنزل دمعتها
بس بان الحزن والناس يشوفونه


وإنزلت دمعه من قوة حرارتها
احرقت خدي وخلته احمرن لونه
قلت انا اللي روح روحي فدتها
قلت انا من روحي وقلبي يفدونه

قلت انا من تركتني وحيد بدنيتها
وانا من عشقها وحبها دايم يصونه
أحبها واسألوا عينٍ يا كثر ما بكتها
واسألوا كل هالبشر وهالعالم وكونه


أبيات شعري ياما وياما تغنتها
تقول أبيات شعرك قلبي يطربونه
من لام روحي عله يعيش حسرتها
ويعيش طول الدهر تبكي عيونه


يا لايمين قلبي شوفوا صورتها
بعدها تبون تلومونه لكم تلومونه
ما أبي غيرها أبي اسعد بضمتها
ما اريد غير قليبي تنجلي حزونه


فوق قبر هالبنت تعالت ضحكتها
يا عسى قبر هالبنت بالسما يرفعونه
لعنبو عين عقبك ما تحدر دمعتها
ولعنبو خلقن كان اسمك ما يطرونه


لعنبو روحي كان تكتمل فرحتها
ولعنبو الحزن لو فارق يوم بسجونه
روحي فقدتها ودموع عيني رثتها
بأبيات شعر مكسرة ما هي بموزونه


يا الله يا كريم تغفر لها كل زلتها
وتغفر لها ذنب كل الملا يقترفونه
يا كريم اجمعني بها بجنة عدتها
حج البيت والصيام وخمس ٍ يصلونه

يا ليتني ساكن اليوم بوسط حفرتها
وروحي بجنب روحها اليوم مدفونه






وسلاااااااااااااامتكم اتمني بالفعل انها تحوز على اعجابكم واعذروني على الاطاله بس تراها تستاهل


تحياتي

ريماس (يجمع بين الريم والماس).

حياك الله وتسلم يمينك على هاالابيات اللي تحرك المشاعر فعلا.

لكن ودنا نشوف ونقرا تعقيباتك بالمنتدى النبطي, لاني اعتقد من كتاباتك انك صاحبة احساس مرهف وتحبين الشعر النبطي.

سيري علينا وتلقين الشباب والشابات اللي بيرحبون فيك اكثر

تحياتي: الغازي

اختي ريماس

قصيده مؤثره
وربي بكيت لما قريتها

ذوقك حلو
ولا تحرمينا من المزيد

سلمت يمناك على النقل

تقبلي تحياتي اختك
نوفه

ياهلابك والله
الله يحييك ويسلمك اخوي واشكرك على تعقيبك
انافعلا من محبي الشعر النبطي لكن مع الاسف اللي شفته مايدل على الترحيب بوجودي لااقصدالكل اقصدانسان معين وهوعارف نفسه فتعقيبي على قصائده يحرمه من الردعلى البقيه
الف شكر على مرورك وتعقيبك وكلامك المشجع اللي يدل على روعتك
تحياتي وتقديري
اختك ريماس
__________
بنتك آنا يابوي لايلحقك ريب
علمتني كيف السلوم العريقه

هلابك اختي
تسلمين ياعسوله كلك ذوق والله
اشكرك على تعقيبك
تحياتي
اختك ريماس
_________
بنتك آنا يابوي لايلحقك ريب
علمتني كيف السلوم العريقه

[c]
الغاليه


والرائعه جدا ريماس


والتي جمعت بين الريم والا لماس


ومااجمل اختيار اسمك فاختياره بحد ذاته يدل على الرقي بالذوق


ومااجمل مشاركتك


ولكن مثل ماقال الغازي تعالي النبطي


وربي راح نفرح بوجودك وحنا فرحنا بجيتك من الا ول ولكن خاننا التعبير


ياجامعٍ بين الغزاله والا لماس 000ياريم يالماس ياورد ياشمس

في ذمتي في جيتك تفرح الناس 000 بكره بيفرح بك مثل مافرح امس

تقبلي تحياتي


اخوك 000 فيصل اللويش[/c]

ياهلابك يالفيصل
الشكروالذوق للي اختار الاسم مولي انا فهذا رقي ذوقه وجمال روحه
بالنسبه للشعرالنبطي من اجمال الاشعار واروعها لكن على مين اعقب على عمالقة الشعر؟ماني قدهم
ياجامع بين الغزاله والالماس00ياريم يالماس ياوردياشمس
في ذمتي في جيتك تفرح الناس00بكره بيفرح بك مثل مافرح امس
صح لسانك مليووووون واشكرك على تعقيبك
والف شكر على الترحيب ومن مين من الذيب فيصل محد قدي هيييييييييييه
تحياتي وتقديري للفيصل
ريماس
_________
بنتك آنا يابوي لايلحقك ريب
علمتني كيف السلوم العريقه