الحلم جزء من ماذا !!؟

قبل فترة حلمت إني أطير طيران مظلي (( باراشوت ))

بس عاد باراشوتي كان مميز :)

كان عبارة عن كيسة :7ayyoh:

ولا هي أي كيسة !!؟

كيسة أسواق العثيم :315r:

وأطير في العالي على قولتهم وكنت مستمتعة بالطيران بقوة لولا خوفي من هالكيسة لاتنشق وتنكبني :)

وأنا أطير مريت على نيويورك <<< رحلات مكوكية :)

ووصلت جنب مبنى كأني أقول لنفسي هذا (( الامباير ستيت )) <<< وفعلاً لما قوقلت عليه بعد ماصحصحت لقيته نفس شكله :)

وتعديت نيويورك وشفت مدينة تحتي وقررت أهبط فيها وأنا أنزل نزلت جنب عربة تسوق <<< العثيم وعربة صارت دعايات :)

العربة كانت كبيرة مرة بحجم مبنى صغير تقريباً

نزلت من هنا وصحيت من حلمي من هنا :7ayyoh:

الشاهد بعدها بكم أسبوع رحنا لقطر ومرينا مجمع الحياة بلازا وأنا أشهق وأصرخ : هذي هي !!

روّعت اللي في السيارة وبغينا نصدم :)

قالوا من هي !!؟

قلت : العربة !! هذي اللي شفتها في حلمي

بغيت أتسطر بس ربي رحمني إننا كنا بوسط السيارة :7ayyoh:

معقولة حلمي تحقق !!؟

طيب ونيويورك والامباير ستيت !!؟

تهقون يتحقق باقي حلمي وأروح لهم :hala1:

أو يمكن العثيم يرسلوني في بعثة على حسابهم بما إني طرت بكيستهم :)

لو بعثة مندوبة مبيعات :7ayyoh:

الله أعلم

السؤال اللي يراودني الحين :

هل الأحلام جزء من الحقيقة أم من الخيال !!؟

...اليوم عاد صايبني ملل ماهو طبيعي
وموضوع مللني اكثر << طويل<< ترانا في عصر السرعة << اختصروا ياناس:d:

لي عودة للاجابة

الله يهديك

ليه تغصبين نفسك على التصفح وأنت تحسين بملل !! :7ayyoh:


خصوصاً مواضيعي لاتدخلينها إلا وأنت قمة في الروقان عشان تكتبين رد سنع يبرد القلب

نورتيني يالغلا ولو إنك ماجاوبتي على السؤال :)

حلمـك ونآآآسه : )


بصراحه انا قد صار لي كذا .. اني اشوف شي بالحلم ويتحقق نفسه بالظبط ..


حتى اني حلمت مرآ اتمشى بساحة مدرسه ومريت من عند جدار كان فيه رسمة ورده وقفت عنده شوي ومشيت

وبعد سنه انتقلت لمدرسه جديده وحصل لي نفس الموقف بالحلم وجاء ببالي ع طول مو كأنه من سنه..


واذكر زمان كان عندي اختبار علوم نهائي وجالسه اذاكر ونمت من التعب.. وحلمت اني اقرأ ورقت الاسئله..
.. وبوقت الاختبار اخذت ورقت الاسئله الا نفس الحلم وربي>> انا انصدمت لما شفتها ماصدقت :a:


وامثله كثير تصير لي حتى سوآلفنا مع اخواتي وطريقة الجلسه وايش كنا ناكل تتحقق نفسها ..


شي يخووف هذا مو حلم اعتقد يالجازي فينا شي :d: .. خصوصا لو اتحقق حلم نيويورك حقك .. :)


يعطيك العافيـه


احتراامي لك

هلا وغلا بسومة

أما وناسة مايحتاج

أنواع الفلة وأنتي طايرة في السماء والهواء المنعش :)

معنى كلامك وبناء على أحلامك اللي تحققت إنك تشوفين الحلم جزء من الحقيقة !!؟

أجل أجهز شنطة السفر لأمريكا :)

منورة يالغلا شرفتيني

الاحلام عالم آخر


احيان تكون دلالات لاشياء

واحيان تكون ضغوطات على النفس والعقل


واحيان يكون البال مشغولا في شي ويستمر العقل مشغولا به حتى وقت النوم




ليس لي علم بتفسير الاحلام لامن قريب ولا من بعيد


ولكن اتمنى ان لاتؤول الاحلام من اي احد كان ولاتُعبّر لا مزاحا ولا حقا الا من عالم



لان الرؤيا على جناح طائر كما ورد في الحديث الشريف

حَدَّثَنَا أَحْمَدُ بْنُ حَنْبَلٍ حَدَّثَنَا هُشَيْمٌ أَخْبَرَنَا يَعْلَى بْنُ عَطَاءٍ عَنْ وَكِيعِ بْنِ عُدُسٍ عَنْ عَمِّهِ أَبِي رَزِينٍ قَالَ
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ ((الرُّؤْيَا عَلَى رِجْلِ طَائِرٍ مَا لَمْ تُعَبَّرْ فَإِذَا عُبِّرَتْ وَقَعَتْ قَالَ وَأَحْسِبُهُ قَالَ وَلَا تَقُصَّهَا إِلَّا عَلَى وَادٍّ أَوْ ذِي رَأْيٍ)) رواه أبوداود والترمذي وابن ماجه ومسند احمد وقال الحاكم (هذا حديث صحيح الإسناد ولم يخرجاه بالزيادة)


له شاهد من حديث طويل لأبي هريرة عند الترمذي (2280) ، والدارمي 2/126، ولفظه عند الترمذي "لا تقصوا الرؤيا إلا على عالم أو ناصح" وقال: هذا حديث حسن صحيح، قلنا: وسيأتي بنحو هذا اللفظ في الرواية رقم (16183)


هذا ماأردت اضافته

بصراحة
كل مااحدث نفسي بشي او اتذكر شي في اليقضة
الاقيه في منامي
يعني مثلا انا احب سطح بيتنا كثير واتواجد فيه بأستمرار
خاصة بالليل او عند الغروب
اطالع بالسماء او النجوم او القمر...
وبالنوم احلم بسطح بيتنا وفيه طيور او بحر
ودائما مايتكرر هذا الحلم معاي

اقتباس:

---

المشاركة الأصلية كتبت بواسطة الجازي

---

اقتباس:

---

المشاركة الأصلية كتبت بواسطة الجازي

وأنا أطير مريت على نيويورك <<< رحلات مكوكية :)

ووصلت جنب مبنى كأني أقول لنفسي هذا (( الامباير ستيت ))
<<< وفعلاً لما قوقلت عليه بعد ماصحصحت لقيته نفس شكله :)وتعديت نيويورك وشفت مدينة تحتي وقررت أهبط فيها

---

بصراحة حلمك هذا من وجهة نظري
غير منطقي ولايقبله عقلي ابد
وعشوائي:)
واعتمدتي ع قوة خيالك الواسع


او يمكن اتوقع انه مجرد اضطرابات
يمكن قبل ماتنامين مرتفع ضغطك
او عندك اضطرابات بالهضم:thumb:
او
او
قدرتك الواسعة ع التخيل
او يمكن يمكن تكون رغبتك النفسية
لم تكوني قادرة ع تحقيقها
وتتحقق عندك بالحلم


شكرا الجازي
احب مواضيع هيك
وهو من اجمل مواضيعك

الجازي لك roooose

يا هيك الأحلام والا فلا :d:

اوووما لو يتحقق حلمي البارحه مثل ما تحقق معاج بالعربه يا سلام :a:

\

بصراحه :wallah_hoo: ماقد حلمت بشيء حلوو وتحقق

الا الاحلام الشينه سبحان الله احلم بناس يصير لهم شيء يصير نفس الشيء بس مع ناس ثانين < وجه نكبه :(

هذي ما دري شـ تفسيرها حليها عاد :)

\

بليز اذا تحقق حلمج لأمريكا لا تنسين خيتج هند < تمسكن :d:

بعضه كذا وبعضه كذا :)



يمكن انه حديث نفس وهواجيس



اما بخصوص

اقتباس:

---

يعني مثلا انا احب سطح بيتنا كثير واتواجد فيه بأستمرار
خاصة بالليل او عند الغروب

---

طرت علي فتون علف هههههههههه

اقتباس:

---

المشاركة الأصلية كتبت بواسطة جمران

الاحلام عالم آخر


احيان تكون دلالات لاشياء

واحيان تكون ضغوطات على النفس والعقل


واحيان يكون البال مشغولا في شي ويستمر العقل مشغولا به حتى وقت النوم




ليس لي علم بتفسير الاحلام لامن قريب ولا من بعيد


ولكن اتمنى ان لاتؤول الاحلام من اي احد كان ولاتُعبّر لا مزاحا ولا حقا الا من عالم



لان الرؤيا على جناح طائر كما ورد في الحديث الشريف

حَدَّثَنَا أَحْمَدُ بْنُ حَنْبَلٍ حَدَّثَنَا هُشَيْمٌ أَخْبَرَنَا يَعْلَى بْنُ عَطَاءٍ عَنْ وَكِيعِ بْنِ عُدُسٍ عَنْ عَمِّهِ أَبِي رَزِينٍ قَالَ
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ ((الرُّؤْيَا عَلَى رِجْلِ طَائِرٍ مَا لَمْ تُعَبَّرْ فَإِذَا عُبِّرَتْ وَقَعَتْ قَالَ وَأَحْسِبُهُ قَالَ وَلَا تَقُصَّهَا إِلَّا عَلَى وَادٍّ أَوْ ذِي رَأْيٍ)) رواه أبوداود والترمذي وابن ماجه ومسند احمد وقال الحاكم (هذا حديث صحيح الإسناد ولم يخرجاه بالزيادة)


له شاهد من حديث طويل لأبي هريرة عند الترمذي (2280) ، والدارمي 2/126، ولفظه عند الترمذي "لا تقصوا الرؤيا إلا على عالم أو ناصح" وقال: هذا حديث حسن صحيح، قلنا: وسيأتي بنحو هذا اللفظ في الرواية رقم (16183)


هذا ماأردت اضافته

---

هلا بك أخوي جمران

فعلاً المفروض اتباع الهدي النبوي في التعامل مع الأحلام وتأويلها !!

لكن أنا كلامي هنا عن الأحلام لما تتحقق زي مانشوفها في المنام فهل نعتبرها جزء من الحقيقة !!

بارك الله فيك أخوي