أساتذة الكمبيوتر أريدكم في مشكلتي لكن وسّعوا صدوركم ,,
السلام عليكم ... أخواني أساتذة الكمبيوتر ..
لايستطيع جهازي العيش بدون نصحكم لقد أدمن كلامكم .. لذلك يتعمد الخراب
حتى يسمعكم ...
عندي مشكلة في الجهاز .. بس أبي شوية تركيز عشان تفهموني الله يخليكم ...
شوفوا أعتقد أن الجميع عارف إن الجهاز إللي عندي هو
ويندوز xp ( وهذا من كثر مشكلاتي )
وطبعاً هذا يعني وجود كذا مستخدم ( راجع موضوع كلمة السر )...
في خمسة مستخدمين في الجهاز ..
ولما أجي أفتح الجهاز يطلع صفحة سوداء وفيها كتابة من ضمنها سطرين ...
واحد ويندوزxp
والثاني العادي ...
أختار ويندوز .. تمام لحد كذا .. إلى الأن حلو مافي مشاكل .. بس لحظة أنا جاية بالمشكلة ..
وبعدين يحمل وتظهر صفحة المستخدمين وأختار مستخدمي وأضع كلمة مروري .. وأدخل .. تمام .
يفتح إعداداتي الشخصية .. وأسمي بالرحمن وأشتغل ...
الواحد لما يكون مبتدألابد يواجه مشاكل من كثر التجارب والمحاولات .. وعشان كذا مطباتي ياكثرها ..
أختكم مادري كيف خبصت الجهاز ؟
الحين لمايفتح يطلع الويندوزxp وأختاره وبعده يحمل وتطلع شاشة سوداء داخلها مربع
وداخله إسم المستخدم .... وكلمة المرور ..
يعني من قبل كان جميع الأسماء تظهر .. والواحد يضغط على إسمه ويدخل الكلمة ويدخل
الحين مربع واحد وداخله إسم المستخدم إللي قبلي فألغيه .. وأكتب إسم مستخدمي وكلمة السر
وبعدين أدخل
يعني كان الإسم موجود الحين لأ .. تغير ..
حتى الإتبدال بين المستخدمين تغير .. يعني عشان أعطي للبعدي الجولة لازم أقفل ويدخل في المربع
ويكتب إسمه ......
وهذا أثار الأصوات حولي بأني المخربة للجهاز ,, ولكن إعتمادي على الله ثم عليكم ..
وقلت لهم عندي أخواني في المنتدى يساعدوني وهذا عشمي .. الله مير يسلمكم ..
دمتم بخير :)
