الخرف اجرنا الله و اياكم منه
السلام عليكم ورحمة الله
قريت رد لاختي الغاليه الجازي و كانت تقول فيه
" من شب على شي شاب عليه "
ردها اثار في خاطري كتابة هالموضوع
وهي من واقع تجربتي البسيطه في هالدنيا ومن هم الخبرات اللي اكتسبتها
من المحيط و ياليت تسمحون لي و تغضون الطرف على بساطة التعبير
من ضمن جيراننا أصيبت 5 حريم بحالات مرض خرف " الزهايمر "
من المنطق العلمي انه المرض غالبا ما تتشابه اعراضه لكن سبحان الله هناك اختلاف بالنتايج
يعني جدتي الله يرحمها اصيبت بهذا المرض و كان مخرفه بناتها و خوفها الشديد على انهن يجوعن ... و دايم تنشد كل من يزورها
جيعان ؟ تعشا ؟ تغديت ؟ فلانه ما تعشت
و تجلس تبكي هذا حالها اليومي و تطلع بره البيت تدور لبناتها العشى وهذا حالنا كل يوم بس سبحان الله فطرتها سليمه اذا ما لقت عباتها ما تطلع تجلس تدور العباة اذا لقتها طلعت و اذا ما لقتها ما تطلع لله يرحمها و يسكنها فسيحة جناته
المره الثانيه كانت بنت شيخ الله يرحمها و كانت دايما تتخيل نفسها فوق البعير و في حالة غزو و انها تذبح و تكرم الضيف و تقصد و تقصص قصص جميله جدا
و اللهم بارك حتى وهي مخرفه كانت بابهي حله و ريحتها دايم دهن عود و دايم عندها حلاو و مع الحلاو فيه " فلوس خرده "
والمره الثالثه بالخياطه تخيط الثوب و تفتق و تخيطه من جديده وهي ساكته اللهم بارك هذ طول يومها تخيط و تفتق
المره الرابعه اللهم انا نعوذ بك من شتات القلب كانت بنت تاجر و خرفها كله بالفلوس كل يوم تمسك جنطت الفلوس و تعدهن و تسكر عليهن و تفتحها و تعدهن و اذا طلعت جنطت فلوسها معها و تشك فلانه خذت من فلوسي و فلانه تبي تسرقني و عطيت فلانه فلوس ولا ردتهن
و ياويل من يقرب لفرشها بالخيزران يتمحط
الله يرحمها و يغفرلها كانت مضحكه جدا
كل ما تطلع من البيت معها جنطت فلوسها و فيها فوق الف دينار و خافوا عليها عيالها من لا احد يذبحها عشان الجنطه لانها مجودتها فراح ولدها الكبير و خرد لها مبلغ ربع فانترست الشنطه فلوس و كل ما تفتح الشنطه تسمي عليهن و تعدهن و حنا نشوفها و الله يغفر لنا نضحك
هذا المرض سبحان الله كشف لنا تاريخ شباب كل وحده منهن !!
و عندما بحث عن المرض من ناحيه طبيه يقول لج ان هذاالمرض مرض عقلي يبدأ لانسان اولا بالنسيان المرحله الاولى و الثانيه كنه يعيش زمن الشباب و يخرج ما في للا وعي يعني اي سر كنتو مغيبينه ايام الشباب يطلع بهالفتره
هذا المختصرالمفيد من الناحيه العلميه
السؤال الحين
حنا وش بنخرف عليه تهفون ؟
لان هالفتره هذي بتحدد خرفنا
و بيطلع اللاوعي
ولو عندك شخص مخرف كيف تتعامل معه ؟
