ياناشدة بلاش نشده واقاويل
أعجبت بهذه القصيده وهى للشاعر مرزوق العتيبى
وأرجو ان تنال اعحابكم
ياناشــدة بــلاش نشــده واقــاويــل=== عابر سبيل وباكر الصبح ماشــي
ماجيــت سايــح يالرموش المظاليل === ولاجيت ادورفي بلــدكم معاشــي
لــوانهـــامعكـــم تطيــب التعــاليــل === ياهل الطرب والفرفشه والتماشي
ولا جيت في راسي ضرم للفناجيل === يا اهل الدلال اللي تجيب المغاشي
انا اقهوتي مــكرمات المعــاميــل === يوم اقهــوتكم في قــزاز الغراشي
والبن لامنه نجض وارتهى الهيل === هــذيك والله نشـوتــي وانتعــاشي
في مجلس ما ضم رعديد واخبيل === ولاضم لاش ولاحتفى فيه واشي
ولا تمــركــابه خطــاة المهــابيل = == اللي تشــابه فـالحيــاة المواشي
تاكل وتشرب من حساب الا زاويل === ولاتهــوش ولا ترد الهــواشــي
اوادم في ضــف اوادم معـــاويــل === تسرح وتضوي للعلف والعراشي
لا والله الا مجلـس يعــدل الميــل === ويضم حلــوين النبا والنقــاشــي
حــديثهم كنه عبيـــر الا كــاليل === وعن الكرم ما يعـرفون التحاشي
والقل لا صار الثرى مدهم سيل === والسيل مخزون المزون النواشي
والذل لاضـــام القلـــوب المعـــاليل = == فــزعاتهم من كبرياءالنجــاشــي
فالصــامله فيهـــم قســاوة مغاليل === للمــزح يــا بنيه و جيه بشــاشــي
للصاحب احلى من حليب المباهيل === وامر من طعم الشري للغشــاشي
وياناشده ماني خواجه ومــوديل === ولا افنــدي واتصنــع واخـــاشي
لبست بدله واسكن بوسط هوتيل=== وغريب والبس لبسكم يالرياشي
جيت بلزوم وللــزوم الــرياجيل === وان سهل الله ونقضى ما بقاشي
حجزت للعودة على اول تساهيل = == في ليل والا مع طلوع الغباشي
ولاني على الفرقانديم المـواويل === فرقاكم اعيادي وتنهيض جاشي
did you get it, okيافاتنه حيل =قالت نعم وانا لبست اندهاشي
يا عربيه ليه من غير تمثيل = == على السطر مالك وما ل الحواشي
لسانك افصح مايكون وشهاليل === والغيم ثغرك والكلام الرشاشي
وثمانك الذبل رحيق المناحيل === وشفاهك الجمره واش بنا مابناشي
والنور وجهك كن في فالوجه قنديل= يانور صار الزين حولك فراشي
والليل مجدولك وانا غربتي ليل=== والريح يتمنى حريرك وطاشي
ماله شبيه الا الكحيله من الخيل == حزة اطراد وفوقها القرم شاشي
والجيد ما يحتاج عقد وسلاسيل=== يحتاج ما شالله عليه البواشي
بوشية تحماه من نظرة الويــل === ومن فزة القلب الحسود الدفاشي
والردف ذكــرني نفــود وغراميل === والخصر نســانـي تقــول امتلاشي
يامنتعش ليه الهدب فــاتر الحيـل === يا مرتب اربكت الخفوق الهشاشي
وش جابك لدار انحلال وبهــاذيل === ما هيب لك يا الخيــزران النشاشي
وانا هنا لي كم مــع كــم ماميــل === وميلتنــي غصــب عليـــه بـلاشي
وقالت وحضن الدمع كف ومناديل=== والكحل سال طالع الحزن غاشي
جابتني اقدار الزمــان التهـــاويل=== وعنف النظام اللي به الشر فاشي
انا ضحية غطرسة حكم تضليل === كلــي مـواجــع وين ابلقاه شاشي
تصور اني كنت فــي اول ابــريل ===بليلة زفــافــي واز دهر في قماشي
الصاله الوردة والصبايا الهلا هيل== ناسي عريسي والحيـــاوارتعــاشي
واحلامي البيضاء وبغداد واربيل=== ونسيم دجله والهوى وانكمــاشــي
ونظــرات عينه والليل المقــابيل=== واحســاس صعب اعبره يامــداشي
وفجاة تغير لون مجرى التفاصيل== ولمحت وجه الموت والموت عاشي
صوت الرصاص يبعثر الناس تقتيل= =مــاكنه الاشــرهة فــي بقـــاشي
يــــاليتــهـــا كذبـــه من ابـــريــل ف ابريل= لكنها كانت حقيقه ياماشي
