من عنـــزه ... الى ... ايـــــران (الفرس)
بسم الله الرحمن الرحيم ...
يا الفرس لا يغريكم الضعف والهون
حنا ترانـا عيـال كسابـة الفـوز
تخبرون ذي قار العظيمه تخبـرون
يومن نصيح من السطر كلنا عنـوز
ما اظنكم تنسون يا كيـف تنسـون
جدع الجنايز والعلم فوق مركـوز
النصر رفـرف والحمايـم يغنـون
سلم الدخيل وعزكم صار مهـزوز
كم دولتن تشكـي فعايلنـا وينعـون
من راح منهم بين ميت ومحجـوز
ربعي بني وايل على العز يمشـون
وكم واحدن منا على الحكم مرزوز
واليوم حنا اسلام يا طالـب العـون
للحق نصر ونكره الظلـم والتـوز
اسلام حنـا مـا تبعنـاه صهيـون
ما شرَع الله نتبعه عنه مـا نجـوز
ومن دون دين الله ربعي يضحـون
بارواحهم واموالهم ما لهـا عـوز
وش عازة الارواح والدين مغبـون
هبوا نموت بعـزة الحـق والفـوز
عبد العزيز وادي
