انا ماقدر اكون المرحوم طلال الرشيد
قصيدة لشاعر المرحوم طلال الرشيد
راقتلي ونقلتها
أنا مقــدر أكــون أنـي حبيبـن فـي بعض أحوال
أنــا كلــي أجــي والا أروح بعــزتي كلـــي
تخيـرت الفـراق ومــادريت أن الفــراق وصـال
أقــول انــي نسيتـك بـس مـدري كيف تاصلـي
خـذاني لك ســؤال في عيونـك والجـواب محــال
خذانـي منك دمـع في عيـوني مارضـــى ذلــي
رحلت أنت وتـركـت لخاطـري طيفـك وصبري طـال
غـدت ذ شمـس مـا تغيـب وصـورتـك ظـلــي
حكيـت ومـالقيـت مـن الحكـي إلا النـدم مــوال
سكـت ومـت بالحسـرة ولا ادري وشهو احسن لـي
أحبـك .. كـل مـا فينـي يحبـك يـا خلـي البـال
تخيلتـك دواي وصـرت جـرحـي الصعب يـاخلـي
تعبت أرحل مع وجيـه النـاس بانسـاك بالتـرحـال
ولا أدري وش يجيبـك فـي وجيـه النـاس وأهلـي
