قصيدة الذائقه الفضيه { كبرياء أنثى }
أطلّت بمشاركتها
بهدوء يختاله الكبرياء أحياناً
كان لها من الاسم نصيب
كبرياؤها سر ذائقتها
حازت على استحسان اللجنه وذائقة الاعضاء
أختيرت لتكون صاحبة الترتيب الثاني
انها كبرياء أنثى
ومشاركتها :
۞ اسبــــوع ۞
اسبـوع مـرّ..ولا وصـل منـك مرسـال
ياقـوّ قلـبـك كـيـف تقطعـنـي اسـبـوع
الـجـو كافـر!وانـت مـاتـرحـم الـحــال
وانـا عليـك مــن الـولـه مـيـتً جــوع
ياللي غيابك صعب يطري على البـال
تركـتـني ضايق..وحايـر..ومـفـجـوع
مـاكـنـي الا:شـايـبً فـاقـد عـيـال
وماكـنـك الا: مـحـرمً حـق مـشـروع
يـفـوع لـك قلـبـي لـيـا مـر الاطـلال
ياليـت مـالـي قـلـب يشـتـاق ويـفـوع
حسبـي عليـك شلـون قطعـت الامــال
بآمـوت لاصـار الامـل فـيـك مقـطـوع
يـاصـاحـبـي مــاكــل نــزال رحـال
انت الحيّـا مـن ويـن مارحـت متبـوع
نسيـانـي لــزولً بـالاعـمـاق يـخـتـال
اصعب علي صاحبك من حبـة الكـوع
لـو الثمـن فـي شوفتـك عـمـر رجــال
كان الثمن مـن يـوم ماغابـت مدفـوع
ولـو الـقـدر مـاتم قـولـه لـيـا قـال
ماضاق صدر ولا انحنى راس مرفوع
ياصاحبـي عشقتـنـي فـعـل وخـصـال
وانا عشقتك شعر واحساس واطبوع
وشلـون تتركنـي كـذا لاشهـب الــلال
وقـدام عينـي تجـف ينبوع....ينـبـوع
وانـا عشـانـك جـيـت والغـيـم هـمال
اسـيّــل الـوديـان...واداحــم جـمـوع
مـاردنـي عـنـك سـوالـيـف عـــذال
تـزعـل عـلـي ربوع..وتـقـدّر ربـــوع
كـان المهـم اعيشـك جنـون ووصــال
ويكون لـي كلمـة ولـي راي مسمـوع
واليوم ضاقـت بـي مـن الجـال للجـال
فرقـاك تقـصـم ظهر..وتحز...وتـلـوع
لو جيت شفـت الحـال ماسـرك الحـال
فـي غيبتـك ضايق..وحاير..ومفجـوع
هذا غيـاب اسبـوع وشلـون لـو طـال
طالبـك لايطـول غيابـك عـن اسـبـوع
