معالم الرجوله

البارحه مع جملة إخوان واصحاب
دار الحديث وربعنا سببواله


حول الرجوله والطبايع والاسباب
ومنها تبين كل شخص وميوله


كل الرجال إرجال بدقون واشناب
لا شك تفرق بينهم بالرجوله


الرجل رجل والمراجل له أبواب
يدخل بها اللي با المراجل يطوله


المرجله ما هي سواليف وثياب
والمظهر المختال ما فيه طوله


المرجله بالعقل والعلم واداب
ومن لاسعا للمرجله ما ينوله


المرجله ما يدركه كل هياب
اللي إيتردد ما ينفذ إفعوله


لا شك ياساعي ورى المجد طلاب
ونفسك تطلع بالسمو إمحصوله


المجد ياشغموم في فعل الاسباب
بالمنهج العالي تحرى وصوله


المرجله في طاعة الله والاقراب
والبر والمعروف باللي رجوله


جزل العطا بالمد مايضرب حساب
لضيف والجيران واللي عنواله


يشكر له الله والاهالي والاجناب
لا جاد بالماجود تشهد إفعوله


والثاني اللي دون الاوطان حراب
شهم شجاع إبكل صوله وجوله


لا جا نهار فيه عجلات الاسراب
ينزل على روس الاعادي حموله


ويزحف على اللي حملت ضخم الاطواب
والنصر يبراله والابطال حوله


هذا وذا مع ذاك في راس مرقاب
ترفع له البيضا على الراس طوله


حاز الشرف والمجد والعز ماخاب
القدوة الحسنه لهم واهتفوا له


هذا هو الواجب على كل الاشباب
ذخر الوطن درعه مع الشعب دوله


يثبت وجوده فوق هامات الاقطاب
فخر الجزيره كل ما دار حوله


ويفخر بنا اللي توهم بين الاصلاب
واحفادهم من بعدهم لا وعو له



لشاعر عبالله الصقري العتيبي رحمه الله

تسلم اخوي ابراهيم على النقل الرائع




والذوق الاروع



تقبل مروري

تسلم على النقل الرائع

قصيده جزله لاهنت

تحياتي

جزله يالشميلي


نقلك مميز ومنور المنقول بوجودك

صح لسانك يالشميلي وسلمت اياديك

نقلت فأبدعت
دام لنا تميّزك الراقي



كل احترامي لك

الاخوه الغالين


سالم الظفيري ,, متفاائل ,, راع الجمريه ,, صلفيق


مرحبا ومسهلا بكم


كل الشكر لكم ,, وهذا من اذواقكم


مرور شرفني واسعدني


لكم تقديري واحترامي