-
أبكيتني
صبحكم / مساكم الله بالخير جميعا
أبكيتني لكن عسا الوقت يبكيك ..!
القصيده :
ابكيتني ياعل وقتك يبكيك
وتبكي عيونك مثل مابكيت عيني
جرحتني لكن عسا الوقت يشقيك
وتشبع بوقتك ياعساها تشيني
ما كنت احسبنك على كثر ماغليك
تذبح خفوقي وتدفنه في سنيني
مدري من اللي بعتني لجل يعطيك
عطاك عمره؟ مثل ماصار فيني!
ما ضن به كثري من الناس يغليك
اموت هم إن شفت طرفك حزيني
واقوم الدنيا على شاان ارضيك
وان شفت ضحكك فرحتي تحتويني
وبكل بساطه جيت حضرة معاليك
جزا غلاي بخنجرك تطعنيني
أبكيتني لكن عسا الوقت يبكيك
وتبكي عيونك مثل مابكيت عيني
وعسا الجروح اللي من الغدر تلفيك
ويصير همك في خفوقك دفيني
وعسا منامك من عيونك يجافيك
وعساك في عمرك ووقتك حزيني
استغفرالله . . ما أبي شي يشقيك
الذنب ذنبي واستحق مايجيني
مادام به غيري من الناس مرضيك
ليه ارتجيك وخاطرك مايبيني
رح قد ما تقدر عسا الرب يحميك
وأنا لي جروحي عسا لله يعيني
للشاعر تركي عبدالله العنزي
-
والله اللي متلوّع من الحب...!
يعطيك العافية أخوي ناصر
وهاأنت قد عدت ـ وعاد لنا الذوق الرفيع بالنقل المتميّز
لاهنت ياناصر
وبارك الله فيك
كل احترامي،،،
-
ما كنت احسبنك على كثر ماغليك
تذبح خفوقي وتدفنه في سنيني
يسلموو اخوي ناصر
-
تعوذ من الشيطان خيي ناصر
وش هالمداعي اللي تخرع:315r:
الله يعينه الشاعر
من حر مابه
صح لسان الشاعر وصح بدنك ونقلك يالغالي
لاهنت
-
حيا الله دكتورنا الغالي صلفيق مرورك هو الذووق الرفيع يالغلاااااااا
احترامي لسموّك الكريم
-
لاهنتي اختي ايثار بارك الله فيك
احترامي لسموّك الكريم
-
هههههههههههه راعي الجمريه الشاعر هو اللي به واللي جاه قال مافي خاطره
لاهنت يالغلا ياراعي الجمريه
احترامي لسموّك الكريم
-
.
,
تسلم يمينك أخوي ناصر
وصح لسان الشاعر
لاهنت
