وليه ما انده كل ساعه وناديه
وليه مانشد عنه وشيل همه
ونا يخوي راسي لصوته وطاريه
وحاول اعيده براسي ولمه
وان غاب رحت احرق خفوقي وحاتيه
وقول وين الديره اللي تضمه
ماني متولع لكن ميتً فيه
في ذمتي ذمه وذمه وذمه
لو ان حبه سم وتمده ايديه
على الحرام اني تقهوية سمه
هذا مجنني غلاه وتغليه
شوف العيون من ازرق الدمع جمه
من كثر مانشد عنه وتبع خطاويه
كنه غريمً لي وطلاب دمه
قدام يولد ليتني عارف ابيه
والى اني اكبر من كذا واعرف امه
حتى لمن قيلي وش اسميه
اقول همً للمولع وغمه
صرت اسمعه واسغي لهجره وجاريه
صلى بوجهي شرق الناس يمه
واحب منهو جايزً له ويبغيه
واذم منهــــو مـــايبيه ويــذمـــه
يعني بصراحه صايرً منه وفيه
كنــي من الادنين ولا ابن اعمه
وليه ما انده كل ساعة وناديه
وليه مانشد عنه وشيل همه
الا اذا نادى على قلت لبيه
ولبى البلاد اللي ثراها يضمه
وســـلامتكم جميعـــا
