سواقة الحريم!!!!

نقلا عن احد المنتديات

تعالوا نتخيل لوسمحوا للحريم بسواقة السياره ؟؟؟؟


ترى الموضوع مجرد مزحه ولا يمت للواقع بصلة وثوم وكاتشب .. يعني زعلهن مرفوووووض اوكييييييه



@ الفصل الاول ... مقدمة عامه :

- وحده أول ما سمحوا بالسواقة راحت للمعارض تدور على سيارة الدركسون باليمين .. < ---------- طول عمرها راكبة يمين وصعب التغيير .

- وحده معييه تقطع رخصة .. الوجه مايساعد للصورة وحطت صورة رجلا وكتبت عليها ..( حرمه من زين الوجه )

- وحده حالفه يمين ما تسوق وفي الشارع رجاجيل .

- واحد عربجي حالف على حرمته ما تسوق جير اوتوماتيك .

- واحد محافظ حالف على حرمته ما تسوق جير ارضي لو تموت .

- واحد مطلق حرمته اذا جت تسوق تحط رجلها اليسار على الطبلون يعني محترفة .

@ الفصل الثاني ..... في الصناعية + قطع الغيار :

- وحده طالبه لون الكفرات على لون الروج والطيس على لون اظافرها .

- وحده طالبه بواجي من ياردلي .

- وحده تطلب ( رمن بلي ) مقلم وبدون حب .. ما عندها سنون ؟؟؟

- وحده تبي الكبوت بكسره ..( لزوم التفنن عاد )

- وحده تبي المكينه وراء والسبب ما تشوف اللي قدامها ... الكبوت يأخذ عليها مسافة ؟؟؟

- وحده تبي موية الرديتر من ( كارتير ) ووحده عجوز تبيها موية ورد .

- وحده تبي الزيت مخلط ملكي .

- وحده حاطه الدركسون وراء ... علشان التضليل مسموح فيه وراء بس .


- وحده ما تعلم وش تغير لسيارتها من زيت < -------- تخاف من العين



@ الفصل الثالث .... عند الاسواق :

- ولا وحده تعرف تلبق وتشوف لسيارات داخله في بعضها ولا يطلعونهم الا بونش .

- كل وحده واقفه في سيارتها وتنتظر زوجها يطلع من السوق .

- فيه وحده سواقة ليموزين متضاربة مع وحده تسوق باص والروج ملطخ الدنيا ..( راعية الباص ما تعرف الروج ... ديرم ويخب عليها )

- وحده عند باب السوق معها لكزس وتنادي زوجها بعد ما نزلته ..( ابغير زيت وارجع لك )

- وحده ملبقه على طريق الرياض تبيع كراث وكليجة ونعناع المدينة .

@ الفصل الرابع .... في الدوام :

- واحد تمر عليه زوجته وتستأذن له < -------- ولية امره

- وحده تودي بزرانها الصباح ولا ترد الا الليل

@ الفصل الخامس .... منوعات :

- شرطيه ما وراها الا تمسك الحلوين امثالي وأول ما تسأل عن رقم التلفون والحالة الاجتماعية

- فيه وحده مروجه مخدرات تلف بونيت احمر بس على العيال .. وكلمة السر (( الشكمان وردي )) ؟؟؟

- شريطيه بدل ما تحرج .. تغني لاحلام ( راعي المعارض )

وحــده معها جيب والخيمه وراء والعده راعية بر
وحـده تلف على مدارس العيال دور حبيب الروح.
وحده تلف على مدارس البنات دور بنت الهواء.

بالحــــــــــــــــــلام
حلوووووووووووووووووووووووووه
تسلــــــــــــــــــــــــــــم والله

علـــــــــــــــــــى المحبــــــــــــــــــة

صراحه موضوع جميل جدا ولكن ما ندري ما قلتنلنا عن سواقه حريم حايل الله من الزحمة والله من السواقه العوجا وخصوصا بالقرايا دام الرجال سواقتهم كذا اجل وشلون الحريم ........ تخيل سوق الغنم هههههه
ولا الدينات وش يحطون فيها اكيد بيجيبون سودانيات ههههههههههههههههه

الاخ برزان

الدينات وش يحطون فيها اكيد بيجيبون سودانيات

فكره جهنميه وحلوه

الاخ موج البحر

والله لو واصلت كان طلع معاك موضوع حلو مره

اشكرك للمواصله